Jeremia 20:3 - Ritonõpo Omiry: A Bíblia Sagrada na língua Aparai do Brasil

³ Yrokokoro tymyhpokase ropa jahtao Pasua a ynara ase eya: — Ritonõpo a oesety tymyakãmase, Pasuame pyra mana; “Iiryhmane emero rokẽ po!” me mana.

Jeremia 20:3 ပူးပေါင်းရင်းမြစ်များ

Jenexi 17:15

Moromeĩpo ynara tykase Ritonõpo Aparão a: — Taroino opyty esety Saraime pyra mana. Sarame esehpãko ase.

Jenexi 17:5

Taroino oesety Aparãome exĩko, Aparã kara, tuhkãkõ tamurume oriryke ya.

Jenexi 32:28

— Taroino tyoro oesehpãko ase, Jakome pyra, tykase ynororo. Tãtatapoise oexiryke Ritonõpo maro te, ahno maro roropa, orẽpyra mexino. Naeroro oesety Izyraeume exĩko mana.

Saumu 31:13

Jepetõkara tuhke etãko ase puti puti ãko; jenaroximãko imehnõ mana emero rokẽ po. Atamorepãko mã toto yyryhmary poko, jetapatohme tyya xine.

Izaja 8:3

Moromeĩpo okynã pitiko ahtao ypyty poetoẽme toehse, tonuruse yna mũkuru. Mame ynara tykase Ritonõpo ya: — Mose esehpako Axĩ-ke-Mõkomo-Apoiry-Axĩ-Ematonanopyry.

Jeremia 19:2

jakanahmã Pẽ-Hinõ pona Omõtoh Oripõpo tahkahpyry pũtokoxi. Moroto opore sã Ritonõpo nekarory zurutohme taropose exiase.

Jeremia 19:6

Morara exiryke ywy, Ritonõpo, ynara ãko ase: okynahtao sero pata esety Topeteme pyra exĩko mana, sero jakanahmã Pẽ-Hinõme pyra exĩko roropa mana, yrome “Jakanahmã Etapatopo” me tosehpasẽme exĩko mana.

Jeremia 20:10

Imoihmãkõ omiry etãko ase puti puti ãko: “Emero rokẽ po erehtoh nae, enahkatopo! Eropa, Jeremia sekarotone tuisa tomo a!” ãko. Jepe tõ roropa josetapary eraximãko. Ynara ãko: “Otarame ahno apoitoh taka omõnõko mana; mame apoĩko sytatose, emỹpõko sytatose,” ãko.

Jeremia 29:29

Mame moro pape tysekeremase oturukety Sowonia a ynetaryme.

Jeremia 46:5

“Yrome oty enẽko ywy?” ãko, ekaropõko Ritonõpo mana. “Ejitu põkõ soutatu tõ epãko mã toto, enaromỹke toexirykõke. Torehse toto, tururume ytõko toto axiny, tỹkakoxi xine osenuhmara mã toto. ‘Emero rokẽ po omye xine erehtoh nae, etapatopo, enahkatopo, orihmapotopo!’ ãko Ritonõpo mana.

Jeremia 6:25

Ytopyra ynanase pata poe itu htaka, osema tõ ae roropa yna epetõkara kurũke, typyreke exiryke, emero rokẽ po erehtoh nae, etapatopo, enahkatopo, orihmapotopo.

Jeremia 7:32

Naeroro etako pahne okynahtao sero pata esety Topeteme pyra exĩko mana, sero jakanahmã Pẽ-Hinõme pyra exĩko roropa mana, yrome “Jakanahmã Etapatopo” me tosehpasẽme exĩko mana. Topete po aorihtyã ekepyry tõ zonẽnõko mã toto imepỹ osa pyra exiryke.

Ramẽtasão 2:22

Emero rokẽ poe jepetõkara menehpoase, popyra exiketomo, oximõme tooehse toh nexiase otuhtoh konõto poko oeahmatohme samo. Moro ẽmepyry ae zehno toehse oexiryke epasaromepyra toh nexiase tonahkase toto emero porehme. Epetõkara a ypoenõ tonahkase toh nexiase, ipyno xine jehtoh ke tuãtanohse toto ya.

Ezekieu 13:9

Awãnohtorỹko ase, ajohpe rokẽ onenepyrykõ exiryke, urutõ kõ zae pyra exiketõme matose, õmirykõ ajohpe rokẽ mana. Ypoetory tõ oximõme toehse ahtao osenetupuhtohme ynyriry tõ poko, amarokõ toto maro exipyra exĩko matose. Oesetykõ onymeropyra exĩko Izyraeu tõ esety maro. Jũme ytopyra ropa exĩko matose ononorykõ pona. Moro sã toehse ahtao zuaro exĩko matose: ywy ase Ritonõpo Oesẽkomo.

Atos 16:30

Jarãnaka Pauru tõ tarose eya, tõturutohme. — Oty rĩko ha yyrypyry rumekatohme, juãnohpyra Ritonõpo ehtohme? tykase ynororo Pauru tomo a.