Jeremia 20:11 - Ritonõpo Omiry: A Bíblia Sagrada na língua Aparai do Brasil

¹¹ Yrome omoro, Ritonõpo, ymaro mase, jamihme mase, orẽpyra exiketymano. Yyryhmary se exiketõ osetapãko mã toto, torẽsẽme exĩko mã toto. Ehxirõko mã toto typoremãse toexirykõke jũme otupikehpyra exĩko mã toto, moro poko wenikehpyra exĩko imehnõ mana.

Jeremia 20:11 ပူးပေါင်းရင်းမြစ်များ

Saumu 129:2

“Ỹ, poetome yna ehtopõpyry poe tyyryhmase ynanexiase, yrome yna onyporemãkara ro yna epetõkara toh nexiase.

Saumu 35:26

Mokaro, atãkyemaketõ jetuarimary poko, iporemãkapory se ase oya, toto ehxirotohme ipunaka! Mokaro ehxirory se ase, ymotye kure tõsekarose ynaroro exiryke.

Saumu 40:14

Jetapary se exiketõ iporemãkapoko, tuaro pyra tyripoko toto. Tãkye exiketõ jetuarimary poko iramapoko ropa toto epatohme ropa aehxirotohkõme.

Saumu 47:2

Kuesẽkõ imehxo mana, kure ehtoh se rokẽ mana kyya xine; Tuisa imehxo mana, sero nono Esẽme porehme.

Saumu 6:10

Jepetõkara ehxirõko mã toto; oserehnõko mã toto, epãko axiny tuaro pyra exiketõ sã ipunaka.

Saumu 65:5

Ritonõpo, yna ezuhnõko mase orẽpyra yna riryke oya, ajamitunuru enepõko mase yna a yna pynanohtohme oya. Sero nono etyhpyry põkomo te, tuna konõto moino exiketõ roropa tosẽkõme oenetupuhnõko mã toto.

Saumu 66:5

Osehtoko Ritonõpo nyrityã enese, orẽpyra nase tynyrityã poko ahno pynanopyry poko.

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Izaja 41:14

Ynara ãko Ritonõpo mana typoetory tomo a: “Pisarara matose jamihme pyra roropa, yrome enaromyra ehtoko; ywy ase Ritonõpo, Izyraeu tõ Esẽ kurano, Opynanohnekõme ase, oewomatorỹko ase.

Izaja 45:16

Mokaro tyneponãmarykõ axikananomo ehxirõko mã toto, emero porehme.

Jeremia 1:18

Etako pahne Jeremia! Sero nono põkõ emero oepeme pyra exĩko mã toto: Juta tõ tuisary tomo te, kowenu poko erohketomo te, ymaro oturuketomo te, ahno maro. Yrome seroae yjamitunuru ekarõko ase oya orẽpyra oehtohme mokaro ẽpataka. Pata sã exĩko mase tapuruse exikety topu risẽ kaetoko exikety ke. Kurimene sã roropa mase exĩko xikihme exikety samo. Metau risẽ apurume sã exĩko mase Izyraeu tõ apurume porehme. Oporemãkapopyra mã toto amaro jexiryke oewomatohme. Ywy, Ritonõpo oturuno.

Jeremia 1:8

Imehnõ zuno pyra exiko, amaro jexiryke oewomatohme. Ywy ase Ritonõpo, amaro oturukety.

Jeremia 15:15

Mame ynara tykase ywy: — Ritonõpo, zuaro mase. Wenikehpyra exiko ypoko, kuakorehmako roropa. Yyryhmananõ poe kymỹpoko. Jepetõkara pyno pyra exiko jetaparyino eya xine. Tuaro mase õmiry omipona jexiryke ykerekeremãko mã toto.

Jeremia 15:20

Orĩko ase apurume samo, jamihme exikety, metau risẽ samo. Osetapãko mã toto amaro repe yrome oporemãkasaromepyra exĩko mã toto, amaro exĩko ase oewomatohme, opynanohtohme roropa.

Jeremia 17:18

Mokaro poremãkapoko yyryhmary se exiketõ ehxirotohme, yrome kypynanohko, Ritonõpo. Enaromỹke toto tyriko yrome jerehpyra exiko. Popyra ehtoh enehpoko mokaro pona; enahkako toto ipunaka.

Jeremia 22:22

Otuisary tõ taroposẽme exĩko sapararahme tyryrykane a, oepe tõ tarosẽme exĩko mã toto imehnõ namotome tapoisẽme etonatoh tao. Apatary typoremãkasẽme exĩko, ehxiroketyme sã exĩko roropa mana popyra ehtoh tyrise oya exiryke.

Jeremia 23:40

Mame toto hxirõko ase jũme samo. Jũme moro ehxirotoh wenikehpyra exĩko mã toto.

Jeremia 32:18

Kure mexiase tuhke miumãkomo a, yrome imũkuru tõ tuãnohse roropa oya jũkõ rypyhpyry pokoino. Ritonõpo Imehxo mase, Jamihmehxo Exikety roropa; oesety Kuesẽkõme mana, Jamihmehxo Exikety.

Tanieu 12:2

Aorihtyã tuhke isene exĩko ropa mã toto: tuhkãkõ jũme orihpyra ropa ehtohme, imehnõ tuãnohsẽme exĩko mã toto jũme etuarimatoh tao.

Romanos 8:31

Morohne poko osenetuputyryhtao ynara ãko ase: “Ritonõpo kuakorehmanekõme ahtao, poremãnõko rokẽ kyzehnotokõ mana.”

2 Timoteu 4:17

Yrome Kuesẽkõ jurumekara ymaro monexiano. Yjamihtanopyase Jezu Kyrixtu poko ekarotohme juteutõkara a. Typynanohse Kuesẽkomo a jexiryke jeatãpyra toh kynexine.