Jeremia 2:9 - Ritonõpo Omiry: A Bíblia Sagrada na língua Aparai do Brasil

⁹ Ynara ãko Ritonõpo mana: “Naeroro ohxirotorỹko ropa ase, ypoetory tomo, opoenomo, apakõ roropa. Ywy, Ritonõpo, oturũko ase.

Jeremia 2:9 ပူးပေါင်းရင်းမြစ်များ

Saumu 50:4

Kapuaõkõ kohmãko mana nono põkõ roropa eneneme toto ehtohme, typoetory tõ apiakary tyya enetohme.

Exutu 20:5

Anaxikahpyrykõ ẽpataka porohpyra ehtoko oesekumurukõ po mokaro eahmaryme. Ywy ro rokẽ Ritonõpome ase Oesẽkomo. Imepỹ ymyakã se pyra ase ipunaka zumoxike jexiryke. Yzehno exiketõ wãnohnõko ase: ipakõ roropa te, ipakõ poenomotyamo te, ipary pakomotyã roropa, enara.

Izaja 3:13

Ritonõpo Kuesẽkõ zae ehtoh ekarosasaka mana; typoetory tõ apiakãko mana.

Izaja 43:26

Ypoetory tomo, yhxirotoh nae awahtao xine, ehmaropa Apiakane ẽpataka; yhxirotoh enepotoko! Tuaro ehtoh enehtoko zae oexirykõ waro kuehtohkõme!

Jeremia 2:29

Ywy, Ritonõpo, ynara ekaropõko ase oya xine: — Oty poko ykerekeremãko matou? Amarokõ emero kyriatose oepekõkarame. Jomipona pyra toehse matose, oty katohme?

Jeremia 2:35

“Zae rokẽ ase iirypyryme pyra. Ajohpe pyra, Ritonõpo yzehno pyra toehse mana,” ãko. Yrome ywy, Ritonõpo awãnohtorỹko ase: “Iirypyryme pyra ase,” karyke oya xine.

Ozeja 12:3

Toto tamuru, Jako, toetoepurohmase turui Ezau maro, kamarame exikety, tysekõ wakuru ao ro toto ahtao. Tuãtase tahtao toekuhse Jako Ritonõpo maro;

Ozeja 2:2

Ynara tykase Ritonõpo Izyraeu tomo a: — Poetohti, asakõ ihxirotoko, oseosezuhtoko imaro zae pyra aexiry poko, ynara exiryke: ypytyme pyra toehse mana, iniome pyra toehse ywy roropa. “Imehnõ poko pyra exiko,” kaxitoko asakomo a, typoko exiketõ aropotohme ropa.

Ozeja 4:1

Sero nono põkõ hxirotoh nae Ritonõpo Kuesẽkõ mana. Etatoko ke Izyraeu tomo, Ritonõpo nekarory: — Ajohpe rokẽ mã toto emero, imehnõ pyno nymyry pyra, Ritonõpo ehtoh poko etary se pyra sero nono põkõ mana ipunaka.

Rewitiku 20:5

ywy roro mokyro wãnohnõko ase, itapyĩ taõkõ maro. Mokaro aropõko ase ypoetory tõ winoino, imaro emero isã tyneponãmarykõ Moroke eahmananomo.

Mikeja 6:2

Etatoko ke, ypy tomo, sero nono apõ tõ jamihmãkomo, Izyraeu tõ hxirotoh Ritonõpo a. Typoetory tõ, Izyraeu tõ hxirotoh ekarõko mana; ekaropõko mana zae ehtoh waro ehtohme.