Jeremia 2:5 - Ritonõpo Omiry: A Bíblia Sagrada na língua Aparai do Brasil

⁵ Ynara ãko mana: “Oty popyra jehtoh tonese atamuru tomo a jurumekatohme eya xine? Tyneponãmarykõ typahsẽme, isene exiketõ kara toahmase eya xine, mame isaaro toehse roropa toh nexiase typahsẽme sã rokene.

Jeremia 2:5 ပူးပေါင်းရင်းမြစ်များ

2 Tuisa 17:15

Morararo mokaro, Ritonõpo omiry omipona se pyra toh kynexine. Aomihpyry tytamurukomo a turumekase eya xine. Otato pyra toehse toto. Imehnõ neponãmary tõ toahmase eya xine, Ritonõpo kara. Mame tyneponãmarykõ poetoryme toehse toto, imehnõ Ritonõpo waro pyra exiketõ samo. Ritonõpo omipona pyra toehse toto: “Mokaro onypoenohpyra ehtoko,” katopõpyry omipona pyra.

Saumu 115:8

Ah mokaro tynyrityã sã, tyneponãmarykõ sã nexĩ toto: tyrihpõkomo te, tyneponãmarykõ eahmananõ roropa!”

Izaja 29:13

Ynara tykase Ritonõpo: “Moxiamo oturũko mã toto ya tỹtarykõ ke rokene, jeahmãko mã toto typotapihpyrykõ ke rokẽ roropa, yrome ikurohtao xine ameke mã toto ywinoino, yse nymyry pyra mã toto. Jeahmãko sã mã toto, yrome ahno nyripohpyry poko rokẽ mã toto.

Izaja 44:9

Mokaro tyneponãmarykõ rinanõ popyra mã toto. Inyrityã roropa isehxo aexityã popyra mã toto. Tynyrityã eahmananõ tuaro pyra mã toto, tonure pyra roropa mã toto, naeroro ehxirõko mã toto.

Izaja 46:12

“Putuhtome exiketomo, etatoko pahne! Ynara osenetupuhnõko matose: okynahxo opynanohtohkõ oehpyra ekarõko matou?

Jeremia 10:8

Mokaro emero zuaro pyra mã toto, putupyra exiketõ sã mã toto. Toto anamorepara ineponãmarykõ wewe risẽ mana?

Jeremia 12:2

Otyro sã toto arykãko mase, imity jamihme exĩko; ahtãko mã toto, eperytãko. Oturukehpyra mã toto kure oehtoh poko, yrome ajohpe pyra: oty kara mã toto azamaro ehtoh poko.

Jeremia 14:22

Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”

Jeremia 2:31

Amarokomo emero etatoko pahne: Ynara ãko ase, Izyraeu tomo a: Oty sã jekarõko matou? Ona tonorẽ sã jekarõko matou? Nono sã etonatohme saereme pyra ahtao, ewomane pyra ahtao. Naeroro, oty katohme ynara ãko matou: “Yna penetatoh rĩko ynanase. Ritonõpo a ytopyra ropa ynanase,” ãko?

Jeremia 2:4

Jako pakomotyamo, oxiekyryme matose Izyraeu tomo; etatoko Ritonõpo Kuesẽkõ omiry oya xine.

Jeremia 8:19

Etatoko ke! Wekyry tõ kui kary etãko ase, kohtãko mã toto sero nono po porehme. Ynara ãko mã toto: “Otarame Ritonõpo Kuesẽkõ Xião po pyra toehse nae? Xião Tuisary moroto pyra hnae?” Mame Ritonõpo, Ituisarykõ toto ezuhnõko: “Oty katoh jyhtomãko matou oneponãmarykõ ke, ritõ panõ eahmaryke oya xine, typahsẽme rokẽ mokaro mã toto?”

Ezekieu 11:15

— Ahno mũkuru, Jerusarẽ põkõ oturũko mã toto opoko, imehnõ Izyraeume exiketõ poko roropa, arotyã soutatu tomo a taroino. Ynara ãko mã toto: “Mokaro amekehxo mã toto taroino; Ritonõpo Kuesẽkõ oneahmasaromepyra mã toto. Sero nono tokarose Ritonõpo a kynonorykõme ehtohme.”

Ezekieu 14:5

Mokaro toponãmasã pokoino ypoetory tõ toeramase toto ywinoino. Yrome toto ezuhtoh ke ya toto eramapory se ropa ase, jomiry omipona ropa toto ehtohme apitoryme toto ehtopõpyry samo.”

Jona 2:8

Mokaro tyneponãmarykõ xihpyry eahmananomo a turumekase omoro Tosẽkõme.

Mateu 15:8

“Õmirykõ ke rokẽ kure jyrĩko matose. Yrome okurohtao xine ymaro pyra matose ipunaka.

Atos 14:15

— Oty katoh pui zahkãko matou? Ahno rokẽ ynanase, ritõ kara. Ritonõpo omiry ekarose ynanoehno oya xine, oorypyrykõ rumekatohme oya xine. Ritonõpo omipona rokẽ oexirykõ se ynanase. Ritonõpo mokyro kapu rihpono, nono roropa, tuna roropa, kapuaõkõ roropa, nono põkõ roropa, nakuaõkomo, enara. Emero tyrise Ritonõpo a, tykase Pauru eya xine.

Romanos 1:21

Ritonõpo waro toh kynexine repe. Yrome kure Kyrihpõkõ onyripyra mã toto. “Kure mase, Ritonõpo,” kara roropa toh kynexine. Naeroro aosenetupuhtohkõ toiparo rokẽ toehse roropa mana. Tuaro pyra toehse ropa toto ipunaka.

Teuteronomiu 32:21

Tynyrihpyrykõ ke tyhtomapose ywy eya xine, zumoxike toehse ywy toto neponãmarykõ eahmaryke eya xine. Morara exiryke zumoxike toto ripõko ase roropa ahno poko imoihmãkõme exiketõ kara, tohne toto ripõko ase, imehnõ tuaro hkopyra exiketõ ke.

1 Samueu 12:21

Imehnõ neponãmary oneahmara ehtoko, ajohpe rokẽ toto exiryke. Ãkorehmasaromepyra xine mã toto, opynanohsaromepyra xine roropa mã toto, ajohpe rokẽ toto exiryke.