Jeremia 2:36 - Ritonõpo Omiry: A Bíblia Sagrada na língua Aparai do Brasil

³⁶ Oty katohme ytoytõko rokẽ mahno etyorõmatohme popyrahxo oehtohme? Axiria poko oehxirotopõpyry sã ehxirõko roropa mase Ejitu poko.

Jeremia 2:36 ပူးပေါင်းရင်းမြစ်များ

2 Koronika 28:16

Morarame omi taropose tuisa Akaze a Axiria tuisary a takorehmatohme

Izaja 20:5

Mokaro Etiopia põkõ enetupuhnanõ takorehmanekõme, Ejitu jamitunuru poko epyrypaketõ roropa osenekunohkehnõko mã toto, typynanopyrykõ ropa oneraximara exĩko mã toto.

Jeremia 2:18

Seromaroro otyme kure oya xine oytorykomo Ejitu pona tuna ẽse tuna Niro kuaka? Otyme kure roropa oya xine oytorykohtao Axiria pona tuna ẽse tuna Eupyrati kuaka?

Jeremia 2:23

‘Nuriame ehtoh poko pyra ynanexiase,’ kasaromepyra matose. Toponãmasã Paau eahmary poko mexiatose. Jakanahmã po oorypyrykõ poko mexiatose, enetoko ke onyrihpyrykomo. Kamera nohpory wãtasenã sã matose xiaxiake ytokety samo, typoko exikety zupiry poko.

Jeremia 2:33

Tuarohxo matose imeimehnõ ekahmary poko oximaro oehtohkõme; otarame imeimehnõ poko exiketõ amorepãko matose moro poko.

Jeremia 22:20

Jerusarẽ põkomo, ytotoko Ripano pona kohtase, Pasã nonory pona ytotoko kohtase opore. Okohtatoko ypy tõ poe Moape nonory po, oepe tõ nonory emero typoremãkase!

Jeremia 22:22

Otuisary tõ taroposẽme exĩko sapararahme tyryrykane a, oepe tõ tarosẽme exĩko mã toto imehnõ namotome tapoisẽme etonatoh tao. Apatary typoremãkasẽme exĩko, ehxiroketyme sã exĩko roropa mana popyra ehtoh tyrise oya exiryke.

Jeremia 31:22

Jẽxiryme jomiry omipona pyra exikety sã matose. Otara ahtao jenetupuhpyra oehtohkõ rumekãko matou? Ywy Ritonõpo tyorõ sã yriase sero nono po, orutua ewomãko nohpo mã rahkene.”

Jeremia 46:12

Imeimehnõ nonory po tokãtose oehxirotopõpyry poko, oporemãkatopõpyry poko. Oxitarykõ totase ahno a ononorykõ poro porehme. Imepỹ pona soutatu tõsetapase, oximaro toepukase toto nono pona.

Ramẽtasão 4:17

Typenekehse ynanexiase yna osenuhmary poko yna akorehmananõ eraximary poko; yna akorehmary eraximãko ynanexiase ahno a repe, yrome anakorehmasaromepyra nexiase.

Ramẽtasão 5:6

Tonahsẽ nae yna ehtohme isene ro yna ehtohme, tokaropose yna a Ejitu põkomo a te, axirio tomo a roropa.

Ezekieu 16:28

— Morohne poko awahtao ro, axirio tõ tokahmase oya toto maro oehtohme. Mokaro poko mexiase yrome toto maro awahtao ro imehnõ maro se mexiase.

Ezekieu 29:7

Takorehmanekõme tyrise awahtao xine Izyraeu tomo a toetahkase sã mexiatose. Imotarykõ tapurose oya xine; ĩparykõ tyyryhmapose oya xine.

Ozeja 10:6

Ineponãmarykõ tarosẽme exĩko Axiria pona, ahno nekaroryme tuisa konõto kyryryme. Mame Izyraeu tõ ehxirõko mã toto imehnõ omiry omipona toehse toexirykõke.

Ozeja 12:1

Popyra ehtoh poko rokẽ kohmãnõko Izyraeu tõ mana. Inyrityãkõ toiparo rokẽ mã kehko. Imeimehnõ enekunohnõko mã toto, toto ryhmatohme, toto etapatohme roropa, enara. Osepeme toehtohkõme tõmirykõ etapõko mã toto axirio tomo a, mame azeite aropõko mã toto tynekaroryme Ejitu pona.

Ozeja 14:3

Axirio tõ yna onypynanohsaromepyra mã toto, kawaru tõ yna onewomasaromepyra mã toto. Jũme ynanyrityamo a, ynaneponãmary tomo a ‘Yna Esẽme mase,’ kara ropa exĩko ynanase. Omoro, Ritonõpo, yna pyno mase, tymõkomoke pyra exiketõ etuarimaketõ roropa pynanohnõko mase.”

Ozeja 5:13

— Kure pyra toehtoh waro toehse Izyraeu ahtao, Juta roropa tapurose toehtoh tonese ahtao, toytose Izyraeu Axiria tuisary konõto a takorehmapotohkõme repe; yrome toto onukurãkasaromepyra nexiase, apurotopõpyry onetyhnanohsaromepyra roropa nexiase.

Ozeja 7:11

Utuku putupyra exikety sã toehse Izyraeu tõ mana: osemazuhme Ejitu pona ytõko takorehmapotohkõme, imeĩpo Axiria pona ytõko mã toto takorehmapotohkõme eya xine.