Jeremia 2:21 - Ritonõpo Omiry: A Bíblia Sagrada na língua Aparai do Brasil

²¹ Uwa zoko sã mexiatose ya ynymenekahpyry arykatohme, kure eperytatohme. Yrome seromaroro eneko ke! Otyme mexitou? Uwa zoko tonahkase sã matose, typahsẽme toehse matose.

Jeremia 2:21 ပူးပေါင်းရင်းမြစ်များ

Jenexi 18:19

Mose tymenekase ya jomiry omipona typoenõ ripotohme, typakomotyã roropa jomipona ripotohme, zae toto ehtohme. Morara toto ahtao, zae rokẽ ehtoh riryhtao eya xine, jomihpyry ae ro kure rokẽ mose rĩko ase.”

Jenexi 32:28

— Taroino tyoro oesehpãko ase, Jakome pyra, tykase ynororo. Tãtatapoise oexiryke Ritonõpo maro te, ahno maro roropa, orẽpyra mexino. Naeroro oesety Izyraeume exĩko mana.

Saumu 44:2

Ajamitunuru ke imehnõ ahno maropoase opoetory tõ esaryme moroto ehtohme. Turuse yna imehnõ ahno wãnohtopõpyry poko oya. Moro tyrise oya kure rokẽ opoetory tõ ritohme, toto emãtohme.

Saumu 80:8

Ejitu nonory poe uwa zoko menehpone; imehnõ ahno taropose oya moro uwa zoko arykatohme mokaro esahpyry po.

Saumu 80:9

Nono takorokase oya moro uwa zoko esaryme; imity tõ tomõse mya nono aka, tomãse roropa kehko, moro nono typehkase eya.

Exutu 15:17

Toto enehnõko mase, ypy pona, oesary pona onymenekahpyry oesaryme, Atapyĩ esaryme, onyrihpyry esaryme.

Izaja 1:21

Jerusarẽ põkõ Ritonõpo omipona anamonohpyra toh nexiase repe, yrome seromaroro imeimehnõ poko exikety sã imehnõ neponãmary poko mã toto. Zae ehtoh poko exiketõ ke pehme pata nexiase repe, yrome seromaroro imehnõ etapananõme rokẽ tõxinamase.

Izaja 27:2

Mame moro ẽmepyry toehse ahtao ynara ãko Ritonõpo mana: “Oeremiatoko ynarykahpyry poko, uwa zoko tõ kurã poko!

Izaja 41:8

Yrome ynara ãko Ritonõpo Izyraeu tomo a: “Ypoetoryme mase, ynymenekatyãme matose; jepe Aparão pakomotyãme matose.

Izaja 5:4

Emero tyrise ya zae ehtoh waro jehtopõpyry ae ro; naeroro oty katohme uwa ikatainety rokẽ toehse, uwa kurã anusasamã kehko eraximaryhtao ya?

Izaja 60:21

Apatary põkõ zae ehtoh poko exĩko mã toto, jũme sero nono ynekarohpyry esẽme exĩko matose. Ynarykahpyryme matose; jemary ke, toto tyrise ya imehxo jehtoh enepotohme imehnomo a emero porehme.

Izaja 61:3

tãkye ehtoh ekarotohme parimã samo xitaketomo a Xião po. Ihnamotoh myakamãko ase eremiatoh ke. Zae ehtoh poko rokẽ exĩko mã toto; wewe karawario sã exĩko mã toto Ritonõpo Kuesẽkõ narykatyamo. Imehxo Ritonõpo ehtoh enepõko mã toto.

Jeremia 11:16

Pake ahtao mokaro poko ynara tykase ywy, Oriwerame nupunato mana, topere sã nexiase azeitona kurã ke, tẽme. Seromaroro panaikato maro konomeru sã apoto zukãko ase zary tõ poko ãmoriry tõ tahkãko ase.

Jeremia 11:17

— Ywy, Ritonõpo Jamihmehxo Exikety, Izyraeu arykase Juta maro; yrome seromaroro popyra ehtoh ke toto enaroximãko ase. Eya xine sero popyra ehtoh tonehpose typona xine, zae pyra toehse toto exiryke; tyzehno xine tyripose ywy eya xine tynekarorykõ zahkary poko Paau eahmaryme.

Jeremia 5:10

Oepetõkara enehpõko ase anarykatyã uwa zoko tõ akohtohme, yrome emero porehme onenahkapopyra exĩko ase. Jomi poe uwa amoriry tõ kararahnõko oepetõkara mã toto moro amoriry tõ ykyryryme pyra exiryke.

Ramẽtasão 4:1

Uuru xinukutumehme sã toehse! Uuru kurã zemime pyra mana! Topu tõ, Ritonõpo Tapyĩ kyryry sapararahme typahse mã kehko osema tõkehko ae!

Ezekieu 15:2

— Ahno mũkuru, otyme kure uwa zoko nae? Weweme itu htaõ motye kure nae?

Mateu 21:33

— Ẽ imepỹ poko ropa, Ritonõpo enetupuhtohme, tykase Jezu. — Orutua kynexine tupito esemy. Mame uwa zoko tarykase eya tuhke. Apuru tyrise roropa eya tutupi zomye. Mame eutary tahkase eya uwa eukuru euhkatohme. Tapyi tyrise roropa eya kaetoko exikety. Mame axĩtao rokẽ tutupi tokarose imehnomo a tineru rokẽ apoitohme tyya imepỹ pona toytotohme roropa.

Maku 12:1

Morarame Ritonõpo namorepatoh poko tõturuse ropa ynororo. Ynara tykase ynororo: — Imepỹ orutua a otyro tarykase eya, uwa tomo, tupito pona. Mame tapuruse tupito eya. Nono tahkase eya pẽkame uwa euhkatoh ritohme tyya. Tapyi tamose roropa eya kaetoko, emero enetohme. Morarame tutupi emero tokarose eya erohketomo a.

Ruka 20:9

Mame Jezu tõturuse typoko, toto osenetupuhtohme Ritonõpo omi poe toexiry poko. Ynara tykase ynororo eya xine: — Tutupi po uwa tarykase ahno a. Mame tutupi tokarose imehnomo a eraseme toto ehtohme epery apiakatohme tyya. Morotoino mya toytose ynororo. Moroto ehse. Moroto ehse, okynã moroto ehse.

João 15:1

Ynara tykase Jezu typoetory tomo a: — Uwa zokome sã ase. Uwa zoko esẽme sã Papa mana. Esẽme rokẽ pyra mana. Ikyryneme roropa mana.

Teuteronomiu 32:32

Popyra mã toto, Sotoma põkõ ehtopõpyry samo, Komora põkõ maro; uwa zoko sã mã toto, topere popyra exikety samo, itunety, orihmatõ sã roropa.

Teuteronomiu 4:37

Kytamuru tõ pyno Ritonõpo nexiase, morara exiryke amarokõ tymenekase eya; tyjamitunuru ke tysyryhmapose mexiatose eya Ejitu poe.

Jozue 24:31

Isene ro Jozue ahtao, Ritonõpo omipona Izyraeu tõ kynexine. Mame toorihse Jozue ahtao, isene ro Izyraeu tõ tamuximãkõ ahtao, tuaro exiketõ Ritonõpo nyrityã poko, Izyraeu tõ akorehmatohme, aomiry omipona toh kynexine.