Jeremia 2:11 - Ritonõpo Omiry: A Bíblia Sagrada na língua Aparai do Brasil

¹¹ Imepỹ nonory põkõ tyritõ onymyakãmara tyneponãmary panõ ke, isene pyra exiketõ ke, tynyrihpyrykõ ke, toponãmasã ajohpe exikety ke. Yrome ypoetory tomo a tymyakãmase ywy, Ritonõpo kurã, Imehxo Exikety tymyakãmase eya xine, toponãmasã panõ ke, tynyrityã ke, isene pyra exiketõ ke, anakorehmara exiketõ ke.

Jeremia 2:11 ပူးပေါင်းရင်းမြစ်များ

1 Tuisa 11:33

Morara tyrĩko ase turumekase jexiryke Saromão a imeimehnõ neponãmary eahmary poko exiryke: Axitarote, Xitõ neponãmary te, Kemo, Moape tõ neponãmary te, Moroke, Amõ tõ neponãmary, enara. Jomiry omipona pyra toehse Saromão; azahkuru toehse ynororo ynyripohpyry onymoipyra roropa, jomihpyry omipona pyra toehse jumy Tawi ehtopõpyry sã pyra.

2 Tuisa 1:3

Yrome Eria tonyohse Ritonõpo nenyokyhpyry a oseporyse tuisa Akazia poetory tõ maro. Eria urutõ kynexine, Tixipe pono. Tonyohse ynororo ekaropotohme eya xine: “Oty katohme Paau-Zepupe a ytõko matou, Ekorõ neponãmary a ekaropose? Ritonõpo pyra hnae Izyraeu po?

2 Koronika 13:9

Ritonõpo maro oturuketõ, Arão pakomotyã taropose oya xine owinoino xine. Toto myakãme emero rokẽ tyrise oya xine, Ritonõpo waro pyra exiketõ nyriry samo. Emero rokẽ oturuketyme se tahtao xine, pui orutua enepyryhtao eya, pui pyra ahtao 7me kaneru tõ enepyryhtao eya, oturuketyme exĩko oneponãmarykõ poko exikety.

Saumu 106:20

Ritonõpo Imehxo Exikety tymyakãmase eya xine okyno panõ ke, onahpoty enahne ke.

Saumu 115:4

Imehnõ nonory põkõ ritõ panõ parata risẽme mã kehko, uuru risẽme roropa, ahno nyrityãme rokẽ mã kehko.

Saumu 3:3

Yrome omoro, Ritonõpo, jewomãko mase osewomatoh samo. Orẽpyra jyrĩko mase, imehnõ zuno pyra jyrĩko ropa mase.

Izaja 37:19

Ineponãmarykõ wewe risã typahse eya xine apoto htaka toto enahkapotohme, asã pyra toto exiryke. Tyrityãme rokẽ exiryke, wewe risã rokene, topu risamo, enara.

Jeremia 16:20

Tyritõkõ riry waro ahno nae? Arypyra! Tyriryhtao eya xine ritõme nymyry pyra toh exiry mana.”

Jeremia 18:13

“Naeroro ywy, Ritonõpo, ynara ãko: Ekaropoko imehnõ nonory põkomo a emero: moro panõ toehse ineneryme? Arypyra, moro panõ exipitopyra mana. Izyraeu tõ nyrihpyry popyra mana ipunaka!

Jeremia 2:5

Ynara ãko mana: “Oty popyra jehtoh tonese atamuru tomo a jurumekatohme eya xine? Tyneponãmarykõ typahsẽme, isene exiketõ kara toahmase eya xine, mame isaaro toehse roropa toh nexiase typahsẽme sã rokene.

Jeremia 2:8

Ypoko oturupopyra oturuketõ nexiase: ‘Otoko Kuesẽkõ nae?’ kara toh nexiase. Ynyripohpyry poko atamorepaketõ juaro toexirykõ se pyra toh nexiase. Kowenu poko erohketõ tyyrypyrykõ poko rokẽ toh nexiase, jomipona pyra. Urutõ kõ tõturuse toto ritõ Paau omi poe samo, tyneponãmarykõ toahmase eya xine, isene pyra aexityamo, ahno anakorehmasaromepyra exiketomo.”

Jeremia 5:7

Ynara ãko Ritonõpo, ekaropõko: “Oty katohme ypoetory tõ rypyry korokãko ha? Turumekase ywy eya xine. Imehnõ neponãmary eahmãko mã toto, ajohpãkomo. Ypoetory tõ tonahpase ya, tuesapare toto ehtoh pona. Yrome imehnõ poko toehse toh nexiase, imeimehnõ poko exiketõ maro toehse toto.

Ezekieu 14:5

Mokaro toponãmasã pokoino ypoetory tõ toeramase toto ywinoino. Yrome toto ezuhtoh ke ya toto eramapory se ropa ase, jomiry omipona ropa toto ehtohme apitoryme toto ehtopõpyry samo.”

Ezekieu 5:7

Seromaroro Jerusarẽ põkomo, etatoko pahne, ywy, Ritonõpo Oesẽkõ ynara ãko ase: Ynyripohpyry omipona pyra mexiatose, jomihpyry turumekase oya xine; morara exiryke imehnõ nonory põkõ motye iirypyryme toehse matose, õmye exiketomo. Imeimehnõ zae pyra ehtoh poko exiketõ typoenohse oya xine.

Mikeja 4:5

Imehnõ nonory põkõ tyneponãmarykõ eahmãko mã toto, aomipona roropa mã toto; yrome kymarokomo a Ritonõpo Kuesẽkõme mana. Ynororo eahmãko sytatose, aomipona exikehpyra sytatose, jũme.

Romanos 1:23

Orihpỹme Ritonõpo mana. Yrome tosẽkõme Ritonõpo onyripyra toto. Okyno tõ kuhtopõpyry rokẽ eahmãko mã toto tosẽkõme Ritonõpo myakãme. Orihketõ kuhtopõpyry eahmãko rokẽ mã toto. Ahno sã tynyrityamo te, torõ tõ panõ tynyrityamo, zakare tõkehko panõ tynyrityã roropa. Mokarohne kuhtopõpyry rokẽ eahmãko mã toto, tosẽkõme.

1 Korĩtiu 8:4

Morarame tõsẽ rĩko imehnõ mana joroko zohme. Mame moro tõsẽ ekamõko mã toto imehnomo a. Otara ãko sytatou? “Joroko zotỹpyry onõpyra sehtone,” ãko sytatou? Yrome ritõme pyra joroko tõ mana. Ritonõpo myakãme pyra roropa mã toto. Toiro rokẽ Ritonõpo mana. Moro waro sytatose.

Karaxia 4:8

Apitoryme Ritonõpo waro pyra mexiatosene. Morara exiryke imehnõ neponãmary omipona mexiatose. Ritonõpo poetoryme pyra mexiatose roropa.

Teuteronomiu 32:16

Imehnõ neponãmarykõ ke Ritonõpo tyhtomapose eya xine. Tynyrityã xihpyry eahmaryke eya xine tohne Ritonõpo tyripose eya xine.

Teuteronomiu 32:21

Tynyrihpyrykõ ke tyhtomapose ywy eya xine, zumoxike toehse ywy toto neponãmarykõ eahmaryke eya xine. Morara exiryke zumoxike toto ripõko ase roropa ahno poko imoihmãkõme exiketõ kara, tohne toto ripõko ase, imehnõ tuaro hkopyra exiketõ ke.

Teuteronomiu 33:29

Izyraeu tomo, atãkyemãko matose! Imehnõ asã xine pyra mana, ahno typynanohse Ritonõpo Oesẽkomo a. Oewomatohkõme Ritonõpo mana, atapemãkõme roropa mana Oewomanekõme, orẽpyra oritohkõme roropa. Tosekumurukõ po porohnõko oepetõkara mana, osepynanohpõko oya xine. Mame inonorykõ apoĩko matose ononorykõme.

1 Peturu 1:18

Apitoryme awamekaro xine rokẽ mexiatose oorypyrykõ poko, atamurukõ ekepyã samo. Yrome topekahse matose Ritonõpo a oehtopõpyrykõ xihpyry rumekatohme oya xine. Tineru ke pyra topekahse matose, uuru tõkehko parata roropa, morohne ke pyra topekahse matose. Axĩtao rokẽ uuru tõkehko kure mana parata roropa.

1 Samueu 4:21

Mame tumũkuru tosehpase Ikapome, ynara karyke: “Izyraeu tyjamihkehse, turumekase Ritonõpo a,” tykase, Ritonõpo omihpyry ẽ tarose exiryke te, imeretamuru toorihse exiryke roropa te, inio roropa toorihse exiryke, enara.