Jeremia 18:22 - Ritonõpo Omiry: A Bíblia Sagrada na língua Aparai do Brasil

²² Ah kui nykã toto tytapyĩkõ tao, torehse tahtao xine omato tomo a, tokare pyra tooehse toto ahtao, orame tahkase exiryke eya xine jepukatohme zaka. Ahno apoitoh tyrise roropa eya xine japoitohme repe.

Jeremia 18:22 ပူးပေါင်းရင်းမြစ်များ

Saumu 119:85

Eutary tõ tahkase epyrypaketomo a japoitohme; õmihpyry omipona pyra mokaro mã toto.

Saumu 140:5

Mokaro epyrypaketomo a ahno apoitoh tyrise, tarãpa tõ tyrise eya xine jesemary ao; japoitoh tyrise eya xine japoitohme.

Saumu 140:6

Ritonõpo a oturũko ase: “Jesẽme mase, Ritonõpo.” Otatõme exiko, kuakorehmako, ekaroporyhtao oya.

Saumu 142:4

Jomye josenuhmaryhtao japotunuru wino jakorehmane enetohme, arypyra, takorehmaneke pyra ase, towomaneke pyra. Ypyno exikety pyra ase.

Saumu 38:12

Apoitoh rĩko jetapary se exiketõ mana japoitohme; japurory se exiketõ jenaroximãko mã toto, yyryhmary poko osenetupuhkehpyra mã toto.

Izaja 10:30

Okohtatoko Karĩ põkomo! Toto kohtatoh etatoko Raixi põkomo! Ezuhtoko Anatote põkomo!

Jeremia 18:20

Popyra ehtoh ke zae jehtoh epehmãko toh nae? Mãpyra orame tahkase eya xine ywy epukatohme zaka. Wenikehpyra exiko jotururu poko oya mokaro akorehmaneme; ekaropoase oya toto onuãnohpyra oehtohme zehno awahtao.

Jeremia 20:10

Imoihmãkõ omiry etãko ase puti puti ãko: “Emero rokẽ po erehtoh nae, enahkatopo! Eropa, Jeremia sekarotone tuisa tomo a!” ãko. Jepe tõ roropa josetapary eraximãko. Ynara ãko: “Otarame ahno apoitoh taka omõnõko mana; mame apoĩko sytatose, emỹpõko sytatose,” ãko.

Jeremia 20:16

Mokyro ripory se ase moro pata tõ samo, Ritonõpo a tonahkase aexityã sã ipunaka. Ah pusuhkatoh netano ẽmepyryhtao, sam katopo, ah kui kui katoh netano osetapary poko tãxiahtao,

Jeremia 4:31

Kui kary etase, nohpo kui kary sã aenururuhtao, nohpo kui kary samo apitorymã enurumaryhtao eya. Jerusarẽ põkõ nohpo sã mã toto, kui ãko, apotũkehnõko, tomary anỹnõko toetuarimaryme ynara ãko: “Tonahkasẽme exĩko ase! Oehnõko mã toto jetapase, myhene!”

Jeremia 5:26

— Popyra exiketõ nae ypoetory tõ rãnao. Tarãpa rinanõ sã mã toto torõ tõ apoitohme repe; yrome ahno apoitoh rĩko mã toto.

Jeremia 6:26

Ynara ãko Ritonõpo typoetory tomo a: — Oemynyhmaryme upo amurutoko kamisa topuxiximã risemy, oporohtoko oruno pona. Oxitatoko omũkuru hnamory samo, toirono; xitatoko oehsasaka oenahkaponekõ exiryke.

Sowonia 1:16

Moro ẽmepyry ae rue osetãko, kohtãko osetapary poko soutatu tomo, pata apuru tõ kararahnõko tapuruse exiketomo apuru tõ ke, tapyi tõ kaetokohxo exiketõ maro, erase tõ osenuhmatohme.

Mateu 22:15

Morarame parixeu tõ toytose oximõme rokẽ tõturutohkõme. Jezu a tõturuporykõ se toh kynexine iporemãkapotohme tyya xine, ihxirotohme repe.