Jeremia 17:8 - Ritonõpo Omiry: A Bíblia Sagrada na língua Aparai do Brasil

⁸ Wewe sã exĩko mã ynororo tarykase tuna pũto, tymise exikety mosahxo ahtãko iporiry pona. Axitũ toehse ahtao enaromyra mana zary tõ aremãpyra exiryke. Konopo oehpyra ahtao torẽtyke pyra mana; eperytãko ro mana.

Jeremia 17:8 ပူးပေါင်းရင်းမြစ်များ

Jo 29:19

Wewe sã exiase tymise exikety, imity tõ ytõko tuna pona, amoriry tõ tohxikase mã kehko konopo ke.

Jo 8:16

“Popyra exiketõ ahtãko ãtarykahme sã xixime ahtao. Ãtarykahme sã tupito po emãnõko mã toto.

Saumu 1:3

Moro sã awahtao xine wewe tõ sã exĩko matose tarykase ahtao tuna ehpio; ahtãko mana, eperytãko roropa toperytatoh po toehse ahtao, zary mã aremãpyra roropa mana. Moro sã orẽpyra exĩko matose, onyrirykõ kure exĩko roropa mana emero.

Porowepio 11:28

“Orẽpyra ase tineru nae jexiryke,” kananõ ituary tonorẽ sã exĩko, yrome zae ehtoh poko exiketõ zary isene exiketõ sã exĩko mã toto.

Izaja 58:11

Ywy Ritonõpo, zae ehtoh poko aarotorỹko ase; ynekarory kurã ke tuesapare exĩko matose konopo oehpyra ro ahtao, jamihme oritorỹko ase, kure rokẽ rahkene. Tupito arykahpyry sã exĩko matose ekurehpyra konopo ahtao, iporiry enatyry sã exĩko matose anorypyra exikety samo.

Izaja 61:3

tãkye ehtoh ekarotohme parimã samo xitaketomo a Xião po. Ihnamotoh myakamãko ase eremiatoh ke. Zae ehtoh poko rokẽ exĩko mã toto; wewe karawario sã exĩko mã toto Ritonõpo Kuesẽkõ narykatyamo. Imehxo Ritonõpo ehtoh enepõko mã toto.

Jeremia 39:18

opynanohnõko ase. Oetapara exĩko imehnõ mana. Isene exĩko mase tonetupuhse jexiryke oya. Ywy Ritonõpo oturuno.

Ezekieu 31:3

Wewe apupari sã mase Ripano pono, tamorihke kurã ke, jerutume kure wewe mosahxo exikety samo, kae akurũ pona.

Ezekieu 47:12

Mame moro tuna asakoro ehpikuroko eperytaketõ emero rokẽ ahtãko mana. Zary tõ aremãpyra mana, eperytakehpyra moro wewe mã kehko. Emero nuno po epery tõ exisenã exĩko mã kehko, tuna oehkehpyra exiryke Ritonõpo Tapyĩ tae. Moro epery tõ tonahsẽme kurãme exĩko mana, zary tõ opime exĩko.