Jeremia 17:14 - Ritonõpo Omiry: A Bíblia Sagrada na língua Aparai do Brasil

¹⁴ Ritonõpo, kukurãkako ropa, mame tukurãkasẽme exĩko ase; kypynanohko, mame typynanohsẽme exĩko ase, eremiãko ase imehxo oehtoh poko oeahmaryme.

Jeremia 17:14 ပူးပေါင်းရင်းမြစ်များ

Saumu 106:47

Ritonõpo yna Esemy, yna ipynanohko! Yna enehko ropa awaro pyra exiketõ nonory poe, “Kure mase,” katohme yna a oya, atãkyemãko roropa oesety kurã eahmaryme.

Saumu 109:1

Oeahmãko ase, Ritonõpo; mynyhme rokẽ pyra exiko!

Saumu 119:94

Kypynanohko jepetõkara winoino opoetoryme jexiryke, onyripohpyry tõ omipona se toehse roropa jexiryke.

Saumu 12:4

“Yna omiry ke yna penetatoh emero apoĩko ynanase. Mynyhme yna onyrisaromepyra imehnõ mana, tõmipona yna onyrisaromepyra mã toto.”

Saumu 148:14

Typoetory Izyraeu tõ tyripose eya kokoro rokẽ jamihmehxo toto ehtohme. Naeroro eahmatoko, ipoetory tõ anamonohpyra exiketomo, Izyraeu tomo, ipyno aehtyamo. “Kure mase, Ritonõpo,” kahtoko!

Saumu 54:1

Ritonõpo, kypynanohko ajamitunuru ke! Kuanỹko jamihmehxo oexiryke.

Saumu 6:2

Ypyno exiko tapotũkehse jexiryke. Kukurãkako ropa takuruhtase jexiryke.

Saumu 6:3

Torẽtyke ase ipunaka ukurohtao. Ritonõpo, otara ahtao oehnõko ma jukurãkase? Ekurehpyra exiko.

Saumu 6:4

Kypynanohko, Ritonõpo Jesemy! Yna pyno oexiryke kuanỹko orihpyra jehtohme.

Saumu 60:5

Yna ipynanohko ajamitunuru ke; yna otururu oya etako opoetory tõ pynanohtohme, toto pyno oexiryke.

Izaja 6:10

Izaja, mokaro osenetupuhtohkõ tyripoko tũpore samo, onenetupuhpyra toto ehtohme, ipanarykõ onetara ehtohme, enurukõ onetopyra ehtohme, onenesaromepyra toto ehtohme, onetasaromepyra roropa toto ehtohme, onenetupuhsaromepyra toto ehtohme. Mãpyra jenetuputyryhtao eya xine otarame aeramarykõ ropa ya ekurãkatohme, mame tukurãkase toto exiry.

Jeremia 15:20

Orĩko ase apurume samo, jamihme exikety, metau risẽ samo. Osetapãko mã toto amaro repe yrome oporemãkasaromepyra exĩko mã toto, amaro exĩko ase oewomatohme, opynanohtohme roropa.

Jeremia 3:23

Imehnõ neponãmary kuakorehmara xine ipunaka toahmase toto ahtao kyya xine, kui kui karyke ypy tõ emory po. Ritonõpo rokẽ, Kuesẽkomo, Izyraeu tõ akorehmary waro mana.

Jeremia 30:17

Oepetõkara ynara ãko mã toto opoko xine: ‘Xião typahsẽme rokẽ toehse, ise pyra toehse mã toto!’ Yrome kure rokẽ orĩko ropa ase, ãpurotoh kurãkãko ropa ase. Ywy Ritonõpo oturuno.”

Jeremia 31:18

“Ypoetory tõ, Izyraeu tõ kerekeremary etãko ase: Ynara ãko mã toto: ‘Ritonõpo, pui mũkuru sã ynanexiase, ekuremara ro exiketõ samo. Yrome tamorepase ynanexiase oya, õmiry omipona yna ehtohme. Yna enehpoko ropa oya, Ritonõpo, mame oehnõko ropa ynanase oya, yna Esẽme oexiryke.

Jeremia 33:6

Yrome sero pata, epõkõ maro kurãkãko ropa ase, kure rokẽ toto ehtohme ropa. Osepeme toto ripõko ase, torẽtyke pyra toto ehtohme, towomase roropa toto ehtohme.

Numeru 12:13

Naeroro ynara tõturuse Moeze Ritonõpo a: — Ritonõpo ajohpãme sã ikurãkako ropa!

Mateu 14:30

Yrome pohkane konõto eneryke tyya enaromỹke toehse ynororo. Axĩ tyneryse tuna kuaka. — Kypynanohko, Jesemy, tykase Peturu.

Mateu 8:25

Axĩ ipoetory tõ toytose eya, tõpakase ynororo eya xine: — Jezu, yna ipynanohko! Nerỹko sytatose! tykase toto.

Ruka 4:18

“Kuesẽkõ Ritonõpo Zuzenu ymaro mana, tymenekase jexiryke eya imehnõ amorepaneme, etuarimaketõ amorepaneme, tõmiry kurã poko. ‘Totapuruhmakase ropa matose,’ kase tonehpose ywy ãpuruhpyry taõkõ sã exiketomo a. ‘Tonure ropa matose,’ kase tonehpose roropa ywy tonurãkara a. Ataosanumaketõ osanumakehpose ropa tooehse ywy.

Teuteronomiu 10:21

Ritonõpo eahmatoko; kuesẽkõme mana. Inyrihpyry jamitunuru tonese oya xine oenurukõ ke, õsenuruhkatohkõ roropa tonese oya xine kure rokẽ orirykõ poko.

Teuteronomiu 32:39

“Tuaro ehtoko: Ywy rokẽ ase, Ritonõpo; imepỹ ritõ pyra mana ysamo. Etapãko ase, aorihtyã ẽsemãkapõko roropa ase; apurõko ase, ikurãkãko ropa ase. Tyriry se jehtoh onytyoromasaromepyra imehnõ mana.