Jeremia 17:10 - Ritonõpo Omiry: A Bíblia Sagrada na língua Aparai do Brasil

¹⁰ Ywy, Ritonõpo, okurohtao xine enẽko ase, õsenetupuhtohkõ kuhnõko ase. Ahno emero epehmãko ase inyrityã emetakame, zae toto epehmãko ase inyrityã epehpyryme.”

Jeremia 17:10 ပူးပေါင်းရင်းမြစ်များ

1 Tuisa 8:39

toto otururu etako. Kapu ao opoetory tõ omiry etako, iirypyrykõ ikorokako, toto akorehmako. Omoro rokẽ ahno kurohtao aosenetupuhtoh waro mase. Zae epehmako toto, inyrihpyry epehpyryme,

1 Koronika 28:9

Mame tumũkuru Saromão a ynara tykase ynororo: — Aimo, oya ynara ãko ase, Ritonõpo omy esẽ enetupuhko, aomiry omipona exiko, ynoro rokẽ pyno exiko, ỹme exiko aomihpyry omipona. Kuosenetupuhtohkõ waro mã ynororo te, kypenetatohkõ roropa. Eya oytoryhtao opynanohnõko mana; yrome irumekaryhtao oya, orumekãko roropa mana jũme.

1 Koronika 29:17

Imehnõ osenetupuhtoh waro mase, ikurohtao xine enẽko mase, tãkye mase zae exiketõ eneryke oya. Ajohpe pyra ase, zae rokẽ ynara ãko ase, senohne ekarõko ase oya, emero, ekarory se jexiryke, tãkye ase roropa moxiamo opoetory tõ oximõmãkõ eneryke ya tynekarorykõ enepyryhtao oya.

2 Koronika 6:30

toto otururu etako. Opoetory tõ omiry etako oesary poe kapu aeino, iirypyrykõ ikorokako, toto akorehmako. Omoro rokẽ ahno osenetupuhtoh waro mase. Zae toto epehmako inyrihpyrykõ epehpyryme,

Jo 34:11

Zae kuepehmatorỹko mana kynyrihpyrykõ epehpyryme, kure kuehtopõpyrykõ emetakame.

Saumu 44:21

moro poko yna ahtao zuaro oexiry, emero ahno osenetupuhtoh waro oexiryke, tokare pyra ahtao ro zuaro mase.

Saumu 44:22

Yrome opokoino kokoro rokẽ yna etapãko mã toto. Yna rĩko mã toto kaneru samo etapatoh taka tarose ahtao osewomara.

Saumu 62:12

ywy ro rokẽ opyno xine ase roropa.” Naeroro omoro, Ritonõpo, yna epehmãko mase ynanyrihpyry emetakame.

Saumu 7:10

Ritonõpo, kuewomako osewomatoh samo; ajohpe pyra nymyry exiketõ ipynanohko.

Saumu 7:9

Ajohpãme sã popyra exiketõ nyrihpyry xihpyry enahkapoko, kurã ke zae ehtoh poko exiketõ epehmako. Zae Ritonõpome oexiryke ipunaka, yna osenetupuhtoh apiakãko mase, yna penetatoh roropa.

Porowepio 12:14

Kure rokẽ õmiry ahtao tãkye exĩko mase oepehpyryme; kure oerokuruhtao epehpyry kurã apoĩko mase oerohtamitume.

Porowepio 17:3

Uuru kehko, parata roropa tukurãkase mana apoto ke, yrome ahno kuhnõko Ritonõpo mana kukurohtao xine zae kuehtohkõ waro toehtohme.

Ekereziaxti 9:3

Oxisã exĩko mana ahno a emero. Moro popyra mana ipunaka sero nono po. Ahno isene ahtao ikurohtao xine pehme mã toto popyra ehtoh ke, rowohpe ehtoh ke. Mame mõtoino rokẽ orihnõko mã toto.

Izaja 59:18

Ahno emero wãnohnõko mana toto nyrihpyry emetakame. Zehno toexiryke topetõkara wãnohnõko mana, imehnõ nonory põkõ tyyrypyrykõ epehpyry apoĩko mã toto.

Jeremia 11:20

Mame ynara tõturuse ywy Ritonõpo a: — Ritonõpo Jamihmehxo Exikety, zae yna apiakaneme mase. Yna osenetupuhtoh enẽko mase yna penetatoh roropa. Zae ehtoh tyriko, mokaro zuãnohko, tõsekarose jexiryke oya.

Jeremia 12:13

Tiriiku puhturu tarykase ypoetory tomo a, omoxino rokẽ tapoise eya xine; toerohse toto itamurume repe, yrome epehpyry anapoipyra tokurehse toto. Toto zehno yronymyryme jexiryke tonahsẽ anapoipyrahme sã toehse mã toto.”

Jeremia 20:12

Yrome, Ritonõpo Jamihmehxo Exikety, zae rokẽ yna kuhnõko mase. Yna osenetupuhtoh enẽko mase, yna kurohtao roropa. Ajohpãme sã jepetõkara wãnopyry enery se ase, osekaroase oya jexiryke.

Jeremia 21:14

Yrome ywy, Ritonõpo, awãnohtorỹko ase onyrityã emetakame. Apoto zukãko ase otuisary tapyĩ konõto zahkatohme, emero zomye exiketõ maro tyahkasẽme exĩko mana. Ywy Ritonõpo oturuno.”

Jeremia 32:19

Zumo mã toto õsenetupuhtoh tonõ ritohme oya, onyrityã kurã osenuruhkatohme mana. Ahno nyriry enẽko mase emero porehme, toto epehmãko mase inyrityãkõ emetakame, emero porehme.

Ezekieu 11:5

Mame Ritonõpo Zuzenu a tapoise ywy. Ynara tykase ynororo ya ekarotohme ahno tomo a: — Izyraeu tomo, õtururukõ etãko ase; õsenetupuhtohkõ waro roropa ase tyritohme oya xine.

Ezekieu 14:5

Mokaro toponãmasã pokoino ypoetory tõ toeramase toto ywinoino. Yrome toto ezuhtoh ke ya toto eramapory se ropa ase, jomiry omipona ropa toto ehtohme apitoryme toto ehtopõpyry samo.”

Mikeja 7:13

Yrome sero nono emero ona tonorẽme exĩko mana, moro põkõ iirypyryme exiryke.

Mateu 16:27

— Kapu ae Ayhtohpyry ase sero nono pona. Imeĩpo orẽpyra oehnõko ropa ase tuisamehxo Papa jamitunuru maro, Papa nenyohtyã maro roropa. Morara ahtao sero põkõ epehmãko ase, emero porehme, toto nyrihpyry epehpyryme.

Mateu 6:4

Mame zuaro pyra imehnõ mana. Yrome Omykõ kapuaõ oenetorỹko mana. Imeĩpo kurã ke oepehmatorỹko mana, tykase Jezu eya xine.

João 2:25

Imehnomo a tururu se pyra roropa kynexine, ahno kurohtao zuaro toexiryke.

Atos 1:24

Morarame tõturuse toto Ritonõpo a: — Papa, emero ahno kurohtao enẽko mase. Onoky mymenekano? Yna zuruko onymenekahpyry poko,

Romanos 6:21

Morara exiryke otyme kure oya xine oorypyrykõ poko oehtopõpyrykõ nae? Arypyra. Oorypyrykõ poko oehtopõpyrykõ poko ehxirõko matose seromaroro. Tyyrypyry poko exiketõ toorihse ahtao, ameke rokẽ exĩko mã toto Ritonõpo a jũme, tyyrypyrykõ epehpyryme.

Romanos 8:27

Ritonõpo poe oturũko Zuzenu mana Ritonõpo maro ipoetory tõ akorehmary poko. Kukurohtao xine enẽko Ritonõpo mana. Tuzenu osenetupuhtopõpyry waro roropa mana.

Apokaripxi 2:23

Ipoenõ etapãko roropa ase, ypoetory tõ emero zuaro ehtohme, imehnõ osenetupuhtoh waro jehtoh waro toto ehtohme, imehnõ penetatoh waro jehtoh waro roropa toto ehtohme. Oepehmatorỹko ase emero porehme onyrihpyrykõ epehpyryme.

Apokaripxi 20:12

Morarame aorihtyã enease xikihme tuisa apõ ẽpataka tuisamehxo exiketomo, tuisamãkõ kara, enara. Pape tõ typiapose. Imepỹ pape roropa typiapose, jũme Ritonõpo maro exiketõ papeny. Aorihtyã tapiakase eya, toto nyrihpyry enexĩpo emero porehme, tymerose exiryke pape pokona.

Apokaripxi 22:12

— Etatoko pahne! ãko Jezu. — Okynã pyra ase oehnõko ropa. Oepehpyrykõ enehnõko ase ymaro onyrihpyrykõ epehpyryme. Popỹ rihpõkõ popỹ apoĩko mã toto. Yrome kurã rihpõkõ kurã rokẽ apoĩko mã toto. Ỹme jomipona aexityã itamurumehxo epehpyry apoĩko mã toto.

1 Samueu 16:7

Yrome ynara tykase Ritonõpo eya: — Arypyra, ynoro kara mose ro. Kure mose enẽko mase, mosa roropa repe. Yrome ynymenekahpyry kara mose ro. Asã pyra ase imenekãko. Mãpyra matose kure onenerykõ rokẽ menekãko matose. Yrome ywy aosenetupuhtohkõ enẽko ase ikurohtao xine, tykase Ritonõpo eya.