Jeremia 16:2 - Ritonõpo Omiry: A Bíblia Sagrada na língua Aparai do Brasil

² — Pytara exiko, emũkuara roropa exiko sero pata po.

Jeremia 16:2 ပူးပေါင်းရင်းမြစ်များ

Jenexi 19:14

Mame Ro tutũtase oturutohme typaniry tõ maro. Ẽxiry tõ eraximãko toh kynexine pytatohme repe toto maro. Ynara tykase ynororo eya xine: — Atakimatoko axiny sero rumekatohme. Sero pata enahkãko Ritonõpo mana! Yrome Ro atahmãkaryme rokẽ tokarose eya xine.

Jeremia 16:1

Mame Ritonõpo tõturuse ropa ya, ynara tykase ynororo:

Jeremia 16:3

Ourũko ase poeto tõ aenurutyã poko taro, jẽkõ poko roropa jũkõ maro.

Jeremia 29:6

Opytatoko, emũkuatoko roropa, opoenõ pytatohme roropa emũkuatohme roropa, oemãtohkõme tuhkehxo oehtohkõme.

Ramẽtasão 2:22

Emero rokẽ poe jepetõkara menehpoase, popyra exiketomo, oximõme tooehse toh nexiase otuhtoh konõto poko oeahmatohme samo. Moro ẽmepyry ae zehno toehse oexiryke epasaromepyra toh nexiase tonahkase toto emero porehme. Epetõkara a ypoenõ tonahkase toh nexiase, ipyno xine jehtoh ke tuãtanohse toto ya.

Mateu 24:19

Morara aexiryhtao itamurumehxo etuarimãko matose nohpo tomo, poetoẽme awahtao xine, typoenõke pisarara awahtao xine roropa.

Ruka 21:23

Myhẽ matose poetoẽme exiketomo, tusuhsu ke tumũkurukõ ohpananõ roropa. Etuarimãko matose. Etuarimãko myhene tarõkõ itamurume. Opoenõkõ etuarimary enẽko roropa matose. Sero nono põkõ wãnohnõko roropa mã Ritonõpo.

Ruka 23:29

Etatoko pahne! Moromeĩpo etuarimãko matose. Ynara ãko matose: “Ohkato nohpo tomo emũkuapitopyra ahtao, poetoẽme exipitopyra ahtao roropa. Ohkato mã tusuhsuke exipitopyra exiketõ roropa,” ãko matose. Oty katohme? Arypyra. Tupime opoenõkõ etuarimary eneryke oya xine.