Jeremia 15:18 - Ritonõpo Omiry: A Bíblia Sagrada na língua Aparai do Brasil

¹⁸ Oty katohme sam ãko ro hano? Oty katoh jyyryhmatopõpyry jetũ exikehpyra nae? Oty katoh etyhpyra nae? Ypynanopyry oneraximasaromepyra hano? Amonohnõko mah iporiry tãpaise exikety samo eina toehse ahtao.

Jeremia 15:18 ပူးပေါင်းရင်းမြစ်များ

Jo 14:11

“Ikuhpo tõ samo tonore toehse ahtao, tuna sã roropa tãpaise ahtao,

Jo 34:6

Ekaropõko mana: ‘Otyme kure ajohpe jotururuhtao, azahkuru jekaroryhtao? Kure pyra ase, ekurãkapỹme, iirypyryme pyra jahtao ro.’

Saumu 6:3

Torẽtyke ase ipunaka ukurohtao. Ritonõpo, otara ahtao oehnõko ma jukurãkase? Ekurehpyra exiko.

Jeremia 14:19

“Ritonõpo, yna Esemy, Juta tõ turumekase oya yronymyryme? Xião põkõ se pyra mexino ipunaka? Oty katohme yna tyhtomase oya itamurumehxo, ekurãkasaromepyra yna ehtohme? Osepeme kuehtohkõ eraximãko ynanexiase repe. Yrome kure ehtoh oehpyra tokurehse; ekurãkãko sytatose tõsenetupuhse yna repe. Yrome erehtoh rokẽ toehse.

Jeremia 14:3

Typoetory tõ aropõko tytineruke exiketõ mana tuna enehse repe. Pẽkamã tõ pona ytõko mã toto, yrome tuna onenepyra ekurehnõko mã toto. Oehnõko ropa mã toto ẽ tõ maro, tuna maro pyra ipunaka. Ehxirõko mã toto, otupĩko, tupuhpyrykõ zõtõko mã toto ihnamoryme.

Jeremia 20:18

Oty katoh jenuruase? Otarame tãkye pyra jehtohme rokene, jetũ roropa jehtohme, orihtohme roropa yporemãkatopõpyry ke.

Jeremia 20:7

Ritonõpo, kuenekunopyase, tonekunohse exiase rahkene. Jamihme mase ymotye, typoremãkase ywy oya. Jeunohnõko mã toto emero porehme, ypoihtory poko kohmãnõko mã toto.

Jeremia 30:12

Ynara tykase Ritonõpo pata Jerusarẽ põkomo a: “Popyra oehtohkõ kurãkatoh pyra mana, ãpurotopõpyrykõ etyhpyra mana.

Jeremia 30:15

Atakirimara exiko ãpurotopõpyry poko, okurãkatoh pyra exiryke. Kuãnopyase moro saaro oorypyry tuhke exiryke, popyra oehtoh itamurume exiryke roropa.

Mikeja 1:14

Naeroro seromaroro Juta põkomo, osekazumatoko pata Moresete-Kate põkomo a. Pata Akazipe põkõ ahno apoitohme sã exĩko mã toto Izyraeu tuisary tomo a.

Mikeja 1:9

Ynara exiryke, Samaria põkõ apurotopõpyrykõ ekurãkasaromepyra mana. Juta tõ enahkatoh oehsasaka roropa mana. Toto enahkatoh toeporehkase pata Jerusarẽ omõtoh pona, wekyry tõ esaka.