Jeremia 15:16 - Ritonõpo Omiry: A Bíblia Sagrada na língua Aparai do Brasil

¹⁶ Moturuase ya. Otato exiase õmiry poko emero. Ritonõpo Jamihmehxo Exikety, opoetoryme ase. Morara exiryke õmiry tãkye jyrĩko mana ukurohtao, atãkyemãko ase ipunaka.

Jeremia 15:16 ပူးပေါင်းရင်းမြစ်များ

Neemia 8:12

Naeroro toytose toto, emero tytapyĩkõ taka, otuhse te, eukuru ẽse, atãkyematohme. Tynahke exiketõ a tynapyrykõ tapiakase ekarotohme imehnomo a, Ritonõpo omiry sekerematopõpyry tonetupuhse eya xine exiryke.

Jo 23:12

Anamonohpyra ase Ritonõpo nyripohpyry omipona jehtoh poko; ise Ritonõpo ehtoh sehxo hano, ypenetatoh se jehtoh motye.

Saumu 119:111

Jamorepatopõpyry oya ymõkomory kurã sã mã kehko jũme rahkene; tãkye jyrĩko mã toto ukurohtao.

Saumu 119:16

Onyripohpyry tõ yzamaro mana; wenikehpyra ase õmiry poko.

Saumu 119:72

Mõkomo kurã motye õmiry kure mana ya, tineruje motye roropa.

Saumu 119:97

Õmihpyry sehxo hano! Osenetupuhse kohmãnõko ase ipoko.

Saumu 19:10

Uuru kurã motye kure Ritonõpo namorepatoh mana, uuru itamurume kure kuhse Ritonõpo omiry mana. Morararo ano zeni anusasame ehtoh motye anusasame Ritonõpo omiry mana.

Jeremia 14:9

Oty katohme osenuruhkãko sã mahno, soutatu samo tapotũkehse ahtao imehnõ onewomasaromepyra ynororo ahtao? Yrome omoro Ritonõpo yna maro mase, opoetoryme ynanase. Yna onurumekara exiko!”

Ezekieu 2:8

— Yrome omoro, ahno mũkuru, etako pahne jomiry poko. Otatõme exiko, mokaro sã pyra exiko. Ẽtakako. Ynekarory oya enahko.

Mikeja 2:7

Popyra ehtoh enehpõko Ritonõpo nae Izyraeu tõ wãnohtohme? Tohne toehse Ritonõpo nae? Kyzehno xine aexiryke moro rĩko nahe? Ynara ãko Ritonõpo mana: — Ajohpe pyra, jomiry kure ehtoh enehnõko mana zae ehtoh poko exiketomo a.