Jeremia 15:15 - Ritonõpo Omiry: A Bíblia Sagrada na língua Aparai do Brasil

¹⁵ Mame ynara tykase ywy: — Ritonõpo, zuaro mase. Wenikehpyra exiko ypoko, kuakorehmako roropa. Yyryhmananõ poe kymỹpoko. Jepetõkara pyno pyra exiko jetaparyino eya xine. Tuaro mase õmiry omipona jexiryke ykerekeremãko mã toto.

Jeremia 15:15 ပူးပေါင်းရင်းမြစ်များ

Neemia 13:22

Mame rewita tõ toekurikapose ya nuriame pyra toto ehtohme Ritonõpo a. Tyripose toto ya pata omõtoh eraseme toto ehtohme, zuaro yna ehtohme ẽmepyry 7mã kurãkary poko Izyraeu tomo a. “Ritonõpo Jesemy, wenikehpyra exiko ypoko, ynyrihpyry poko roropa. Ypyno exiko roropa, opoetory tõ pyno Exiketyme oexiryke.”

Neemia 13:31

Apotopokõ rakananõ tyrohmanohpose roropa ya, apotopokõ enehtohme eya xine, tynekarorykõ zahkatohme, amonohkara toto ehtohme. Tamorepase toto ya tynekarorykõ enepyry poko, tiriiku tõkehko aeperytapitoryme, wewe epery aeperytapitoryme roropa. “Wenikehpyra exiko senohne poko, Ritonõpo Jesemy. Kure rokẽ kyriko!” tykase ywy Ritonõpo a.

Neemia 5:19

Oya, Ritonõpo, ynara ãko ase: “Wenikehpyra exiko ynyrihpyry kurã poko moxiã akorehmatohme.”

Neemia 6:14

“Ritonõpo Jesemy, wenikehpyra exiko Topia tõ nyrihpyry poko Sãparate maro toto wãnohtohme. Wenikehpyra exiko nohpo Noatia poko imehnõ urutõ kõ poko roropa enaromỹke jyriry se toto ehtoh poko.”

Jo 10:7

Zae rokẽ jehtoh waro mase, ypynanohne pyra jexiry waro roropa mase jewomatohme owinoino.

Saumu 102:24

Ritonõpo Jesemy jũme isene exikehpyra mase, jaropyra exiko seromaroro, tamuhpõme exipyra ro jahtao!

Saumu 106:4

Wenikehpyra exiko ypoko, Ritonõpo, opoetory tõ akorehmaryhtao oya; kypynanohko roropa toto pynanopyryhtao oya.

Saumu 119:84

Otara ahtao ywy opoetory oeraximakehnõko hano? Otara ahtao mokaro wãnohnõko mah, jyryhmananomo?

Saumu 17:3

Josenetupuhtoh waro mase, jenẽko mase ukurohtao, koko ahtao, tukuhse jahtao oya yyrypyry poko ypenetatoh onenepyra mase. Azamaro pyra exikety poko oturupyra ase oya,

Saumu 39:13

Ajohpame sã jenepyra exiko aporo jatãkyematohme ya ytopyra ro jahtao taroino jenahkatoh pona.

Saumu 44:22

Yrome opokoino kokoro rokẽ yna etapãko mã toto. Yna rĩko mã toto kaneru samo etapatoh taka tarose ahtao osewomara.

Izaja 38:3

— Ritonõpo, wenikehpyra exiko opoetoryme jehtoh poko, omihpyry omipona exiase yronymyryme, onyripohpyry ya tymoise ya ipunaka kokoro rokene. Mame tyxitase tãtasamaryke.

Jeremia 12:3

Yrome omoro, Ritonõpo juaro mase; ynyriry enẽko mase, ose jehtoh waro mase. Ritonõpo, mokaro itywyhmako kaneru samo etapatoh taka; toto apiakako ikurãkatohme toto etapatoh pona.

Jeremia 15:10

Ynara tykase ywy: — Tupime ya isene jehtopo! Oty katohme aja jenurumase sero nono po isene jehtohme? Ywy oseosezuhtoh ripõko mase imehnõ ahno maro emero sero nono po. Axĩtao rokẽ tineru anapoipyra exiase imehnomo a, axĩtao rokẽ tineru onekaropyra roropa exiase imehnomo a; morara ahtao ro popyra jyripõko mã toto emero porehme.

Jeremia 15:20

Orĩko ase apurume samo, jamihme exikety, metau risẽ samo. Osetapãko mã toto amaro repe yrome oporemãkasaromepyra exĩko mã toto, amaro exĩko ase oewomatohme, opynanohtohme roropa.

Jeremia 17:16

Yrome, Ritonõpo, popyra ehtoh onenehpopyra exiase oya mokaro wãnohtohme; mokaro tuarimapotoh onekaropyra exiase. Ritonõpo, moro waro mase; jomihpyry eya xine waro mase.

Jeremia 18:23

Yrome zuaro mase, Ritonõpo, mokaro osenetupuhtohkõ emero porehme jetapatohme. Mokaro popyra ehtoh anakorokara exiko, iirypyrykõ onykorokara exiko. Mokaro emako nono pona typoremãse toto ahtao. Toto zuãnohko zehno oehtoh ke.

Jeremia 20:11

Yrome omoro, Ritonõpo, ymaro mase, jamihme mase, orẽpyra exiketymano. Yyryhmary se exiketõ osetapãko mã toto, torẽsẽme exĩko mã toto. Ehxirõko mã toto typoremãse toexirykõke jũme otupikehpyra exĩko mã toto, moro poko wenikehpyra exĩko imehnõ mana.

Jeremia 20:12

Yrome, Ritonõpo Jamihmehxo Exikety, zae rokẽ yna kuhnõko mase. Yna osenetupuhtoh enẽko mase, yna kurohtao roropa. Ajohpãme sã jepetõkara wãnopyry enery se ase, osekaroase oya jexiryke.

Jeremia 20:8

Tahxime jotururuhtao kohtanohpõko mase ya, “Oryhmatorỹko! Oenahkatorỹko!” Ritonõpo, ypoihtõko mã toto, jeunohkehpyra mã toto õmiry ekaroryke ya.

Ramẽtasão 3:64

Ritonõpo, mokaro epehmako zae rahkene, zuãnohko toto inyrihpyrykõ emetakame.

Ramẽtasão 3:66

Ekahmako toto, Ritonõpo, toto zehno oehtoh ke, enahkapoko toto sero nono po!

Mateu 10:22

Mame emero porehme ozehno xine exĩko mã toto ypoetoryme oexirykõke. Yrome oryhmatopõpyrykõ eanahtoryhtao oya xine, jurumekara roropa awahtao xine oorikyrykõ ponãmero, opynanohtorỹko ase.

Mateu 19:29

— Morararo tytapyĩkõ turumekase ahtao jomipona exiketomo a te, takorõkõ turumekase ahtao te, toryxirykõ turumekase ahtao roropa, tumykõ turumekase ahtao, tysekõ roropa te, typoenõ turumekase ahtao, tosarykõ roropa turumekase tyya xine ahtao ypokoino, jomipona ehtohme roropa, tuhke kuhse apoĩko ropa mã toto. Mame orihpỹme exĩko roropa mã toto jũme, tykase Jezu eya xine.

Ruka 21:17

Ozehno xine exĩko mã toto ymarõme oexirykõke.

Romanos 12:19

Wekyry tõme matose opyno xine jexiryke. Emỹpopyra ehtoko popyra tyrise awahtao xine imehnomo a. Ritonõpo rokẽ eraximatoko. Imeĩpo toto wãnohnõko mana, iirypyry zehno toexiryke. Ynara tymerose Ritonõpo omiryme. “Ywy roro popyra exiketõ poko emỹpõko ase. Toto epehmãko ase iirypyrykõ epehpyryme, ãko Kuesẽkõ mana,” me tymerose Ritonõpo omiryme.

Romanos 8:35

Naeroro sero põkõ mã kyzehno xine Kyrixtu onyrisaromepyra mã toto, kypyno xine pyra ehtohme. Otarãme kuosanumatorỹko mã toto Jezu poetory tõ kara. Otarãme kutuarimanohpotorỹko mã toto. Otarãme kyyryhmatorỹko toh mana. Otarãme emitapãnõko sytatose. Otarãme tymõkomoke pyra exĩko sytatose tymetyke pyra ipunaka. Otarãme tyrohsẽ apoĩko sytatose. Otarãme orihnõko sytatose.

2 Korĩtiu 5:11

Morara exiryke yna epehmary Ritonõpo a waro yna exiryke zuno ynanase. Naeroro yronymyryme imehnõ amorepãko ynanase, enetupuhtohme eya xine. Toto amorepãko ynanase epehpyry apoitohme pyra. Yna kurohtao enẽko Ritonõpo mana. Kure yna ehtoh waro mana. Zae jehtoh waro oehtohkõ se roropa ase.

2 Timoteu 4:14

Arexãtere, mokyro kurimene poko erohkety, popỹ mokyro yhtomane. Apo Kuesẽkõ mokyro wãnohno iirypyryme aexirypo.

Apokaripxi 18:20

Atãkyematoko kapuaõkomo, mokaro enatyry poko. Atãkyematoko Ritonõpo poetory tomo, inymenekatyã roropa imehnõ amorepananõme. Ritonõpo poe urutõ kõ roropa atãkyematoko. Mokaro tuãnohse eya oryhmatamitukõme.

Apokaripxi 6:10

Opore ynara nase toto: — Yna esẽme mase. Orẽpyrahxo exiketyme mase. Kure mase ipunaka. Zae roropa mase. Otãto ise ro nono põkõ apiakatohme oya nae toto wãnohtohme, yna mỹpotohme oya? nase toto.

Juize 16:28

Mame tõturuse Sãsão Ritonõpo a, ynara tykase ynororo: — Ritonõpo Jesemy, wenikehpyra exiko ypoko. Ajohpãme sã jamihme kyriko ropa seroae rokene. Kuakorehmako seromaroro pirixteu tõ etapatohme jemỹpotohme jenuru posohkatopõpyry emetakame.