Jeremia 14:3 - Ritonõpo Omiry: A Bíblia Sagrada na língua Aparai do Brasil

³ Typoetory tõ aropõko tytineruke exiketõ mana tuna enehse repe. Pẽkamã tõ pona ytõko mã toto, yrome tuna onenepyra ekurehnõko mã toto. Oehnõko ropa mã toto ẽ tõ maro, tuna maro pyra ipunaka. Ehxirõko mã toto, otupĩko, tupuhpyrykõ zõtõko mã toto ihnamoryme.

Jeremia 14:3 ပူးပေါင်းရင်းမြစ်များ

2 Samueu 15:30

Xitãko Tawi nexiase toytoryme ypy Oriwera pona; zupuhpyry tyõtose kamisa ke toemynyhmaryme, tysãtajake pyra roropa nexiase. Imarõkõ roropa xitãko toh nexiase toytorykõme, tupuhpyrykõ tyõtose kamisa ke eya xine.

2 Samueu 19:4

Tõmyty tapuruse tuisa a, tyxitase opore: — Aimo umũkuru! Umũkuru Apisarão! Apisarão umũkuru!

1 Tuisa 17:7

Morarame okyna ahtao iporiry tãpaise roropa konopo oehpyra exiryke ipunaka.

2 Tuisa 18:31

Ezekia omiry onetara ehtoko. Axiria tuisary omi poe osehtoko xiaro apatarykõ poe õsekarotohkõme yna a. Morara awahtao xine tuisa omi poe uwa epery enahnõko matose anarykahpyrykõ wino, fiku epery enahnõko matose otupikõ po. Tuna ẽnõko matose otunary eutary ao,

Exite 6:12

Moromeĩpo toytose ropa Moatekai tuisa tapyĩ omõtoh myhtokoxi, yrome Hamã toehxirose toytose ropa tururume tytapyĩ taka tõmyty tyõtose, sekese pyra toexiryke.

Jo 6:20

Yrome pore, toeporehkase toto ahtao akye pyra mã toto iporiry tonoryse exiryke.

Saumu 109:29

Ah jepetõkara typoremãkasẽme nexĩ toto, aehxirotohkõme, upo amururu sã imehnõ emero neneryme, ah nehxirõ toto.

Saumu 40:14

Jetapary se exiketõ iporemãkapoko, tuaro pyra tyripoko toto. Tãkye exiketõ jetuarimary poko iramapoko ropa toto epatohme ropa aehxirotohkõme.

Jeremia 14:4

Tupito poko erohketõ roropa tupuhpyrykõ zõtõko mã toto ihnamoryme, torẽtyke mã toto yronymyryme, konopo oehpyra exiryke, nono tonore exiryke roropa.

Jeremia 15:18

Oty katohme sam ãko ro hano? Oty katoh jyyryhmatopõpyry jetũ exikehpyra nae? Oty katoh etyhpyra nae? Ypynanopyry oneraximasaromepyra hano? Amonohnõko mah iporiry tãpaise exikety samo eina toehse ahtao.

Jeremia 2:13

Azahkuru ehtoh asakoro tyrise ypoetory tomo a: turumekase ywy eya xine, itunary kurã enatyryme jahtao te, pẽkamã tahkase roropa eya xine tutunary ẽme ehtohme, konopo tunary kurãkatohme repe. Yrome toto tunary ẽ toerakase mã kehko, erurukaneme sã mã toehse kehko.”

Jeremia 2:37

Oehnõko ropa matose Ejitu poe, tãkye pyra, toehxirose oexirykõke. Ywy ase Ritonõpo. Ya oepe tõ turumekase, ãkorehmananomo; mokaro maro oehtohkõ poko kurãkõ anapoipyra ekurehnõko matose.

Jeremia 20:11

Yrome omoro, Ritonõpo, ymaro mase, jamihme mase, orẽpyra exiketymano. Yyryhmary se exiketõ osetapãko mã toto, torẽsẽme exĩko mã toto. Ehxirõko mã toto typoremãse toexirykõke jũme otupikehpyra exĩko mã toto, moro poko wenikehpyra exĩko imehnõ mana.

Jeremia 3:3

Morara exiryke konopo oehpyra toehse, onenehpopyra jexiryke konopo oehtoh po toehse ahtao. Yrome amarokõ imeimehnõ poko exikety ẽmyty nae matose; ehxiropyra matose.

Ramẽtasão 4:4

Typoenõ orihmapõko mã toto omise ehtoh ke te, tuna se ehtoh ke roropa. Poetohti xitãko tonahsẽ peneryke, yrome onekaropyra mã toto.

Ozeja 2:3

Moro onyripyra ynororo ahtao zupõ puxihkãko ropa ase emero tupoke pyra aehtohme aenurutopõpyry samo. Ona tonorẽ sã mokyro ripõko ase tuna maro pyra ipunaka, orihnõko mana tuna peneryke.

Joeu 1:20

Onokyro tõ oya kohtãko mana takorehmatohkõme, tuna tõ tasarahse exiryke, onahpoty tonahkase roropa exiryke emero porehme.

Amoxi 4:7

Konopo onenehpyra exiase oseruao nuno pune tykyrysã exipyra ro ahtao. Konopo enehpoase toiro pata pona, yrome zakorõ pona onenehpopyra exiase; konopo toehse toiro tupito pona, yrome zakorõ pona arypyra, moroto otyro toorihse emero.

Amoxi 4:8

Ahno toytose pata tõ poro tuna zupise, yrome tuna onenepyra tokurehse toto, tõkurukõme. Yrome morara ahtao ro amarokõ oehpyra ropa mexiatose ya. Ywy Ritonõpo oturũko ase.

Zakaria 14:17

Ahno tõ ytopyra ahtao Tuisa eahmase, Ritonõpo Jamihmehxo Exikety, konopo oehpyra exĩko inonorykõ pona.