Jeremia 14:21 - Ritonõpo Omiry: A Bíblia Sagrada na língua Aparai do Brasil

²¹ Õmihpyry poko wenikehpyra exiko, typahsẽme rokẽ yna onekaropyra exiko, Jerusarẽ onyporemãkapopyra exiko, onymenekahpyry Tuisa Konõtome oehtoh apõ esaryme exiryke. Omihpyry onetapohpyry yna a omipona exikehpyra exiko.

Jeremia 14:21 ပူးပေါင်းရင်းမြစ်များ

Saumu 106:40

Naeroro typoetory tõ zehno toehse Ritonõpo, typenekehse ynororo toto poko.

Saumu 106:45

Mokaro eneryke tyya wenikehpyra toehse tõmihpyry etapotopõpyry poko, typoetory tõ pynohxo toexiryke toto zehno pyra toehse ropa ynororo.

Saumu 145:11

Oturũko mã toto, xixi saerehkatoh motye, tuisamehxo oehtoh poko, ajamitunuru poko oturũko roropa mã toto,

Saumu 25:11

Ritonõpo Jesemy, õmihpyry omipona exiko, yyrypyry tõ ikorokako, tuhke toehse exiryke!

Saumu 51:11

Jenyohpyra exiko owinoino, Ouzenu kurã onupuxihkara exiko roropa ywinoino.

Exutu 32:13

Wenikehpyra exiko opoetory tõ poko, Aparão, Izake, Jako, enara. Wenikehpyra exiko õmihpyry poko eya xine: “Apakomotyã emãnõko mã toto tuhke toto ehtohme xirikuato samo kapu poko.” Wenikehpyra roropa exiko õmihpyry poko: “Sero nono ekarõko ase apakomotyamo a jũme toto esaryme ehtohme.”

Izaja 62:6

Jerusarẽ, apatary apuru po erase tõ tyrise ya. Ah mynyhme pyra nexĩ toto saereme ahtao, koko ahtao, enara. Ah noturũ toto Ritonõpo a aomihpyry poko, jũme wenikehpyra tyripotohme ynororo moro poko.

Jeremia 14:19

“Ritonõpo, yna Esemy, Juta tõ turumekase oya yronymyryme? Xião põkõ se pyra mexino ipunaka? Oty katohme yna tyhtomase oya itamurumehxo, ekurãkasaromepyra yna ehtohme? Osepeme kuehtohkõ eraximãko ynanexiase repe. Yrome kure ehtoh oehpyra tokurehse; ekurãkãko sytatose tõsenetupuhse yna repe. Yrome erehtoh rokẽ toehse.

Jeremia 14:7

Ypoetory tõ ynara ãko mã toto: “Ritonõpo, yna Esemy, yna hxirõko yna rypyry tõ mana, yrome: ‘yna akorehmako õmihpyry ae ro yna a.’ Tuhke rokẽ kurumekatose, yna rypyry poko toehse yna oneneryme.

Jeremia 17:12

Kuesẽkõ Tapyĩ Kurã tuisa konõto apõ sã mana, saerehkanemehxo mana; apitorymã poe, ypy kae exikety emory po mana.

Jeremia 3:17

Morara ahtao esehpatoh toehse ahtao Jerusarẽ esehpãko mã toto “Kuesẽkõ apõme”. Mame imehnõ nonory põkõ emero oximõnõko mã toto jeahmatohme, moroto. Morotoino typenetatohkõ onyripyra exĩko mã toto, zae pyra ehtoh poko pyra exĩko roropa mã toto.

Ramẽtasão 1:10

Ikyryry tõ kurã emero tarose epetõkara a; aomomyrykõ tonese eya Ritonõpo Tapyĩ kurã taka, moro taka juteutõkara onẽmapopyra Ritonõpo nexiase.

Ramẽtasão 2:20

Eneko ke Ritonõpo, yna Esemy! Oty katohme yna wãnohnõko mah sero samo? Nohpo tõ typoenõ õnõko mã toto, toto pyno toto ahtao ro. Urutõ kõ, oturuketõ roropa totapasẽme exĩko mã toto Atapyĩ kurã tao!

Ezekieu 20:22

Yrome toto onenahkara tokurehse ywy juaro exiketõ pokoino imehnõ nonory po; ajohpe jekaropyra toto ehtohme, Ejitu poe Izyraeu tõ arotopõpyry ya tonese eya xine exiryke.

Ezekieu 24:21

ekarotohme oya xine, Izyraeu tomo: epyrypãko matose Ritonõpo Tapyĩ kurã tosao ro jamihme exiryke. Moro enery se matose, moro taka oytorykõ se roropa matose. Yrome moro rĩko Ritonõpo mana nuriame. Opoenõ tehme ahtao Jerusarẽ po totapasẽme exĩko mã toto etonatoh po.

Ezekieu 39:25

Ynara tykase Ritonõpo: — Seromaroro Jako pakomotyã pynanohnõko ase, Izyraeu tomo, kure rokẽ toto rĩko ase toto emãtohme ropa. Jesety kurã ewomãko ase.

Ezekieu 43:7

— Ahno mũkuru, tuisame jehtoh apõ taro mana. Taro ypoetory Izyraeu tõ maro exĩko ase. Jũme toto tuisaryme exĩko ase. Jesety kurã nuriame onyripyra ropa exĩko mã toto, imehnõ neponãmary oneahmara exĩko mã toto, tutuisarykõ ekepyry ononẽpyra exĩko mã toto Ytapyĩ Kurã pũto.

Tanieu 9:7

Omoro, Ritonõpo, zae mase ipunaka, yrome ehxirõko ynanase zae pyra yna ehtoh pokoino, opoetory tomo, Jutea põkomo, Jerusarẽ põkomo te, Izyraeu tõ roropa porehme sapararahme onyripotyamo imeimehnõ nonory poro, ameke pyra exiketõ pona, amekehxo exiketõ pona roropa. Morara tyrise oya Õmihpyry omipona pyra toehse toto exiryke.

Rewitiku 26:11

Osesarĩko ase arãnao xine, Ytapyĩ Kurã tao, jũme orumekara xine exĩko ase.

Amoxi 6:8

Ritonõpo, Jamihmehxo Exikety a tõmiry totapose, ynara tykase: — Pata Samaria ekarõko ase epetõkara a, emero imõkomorykõ eneryhtao eya xine arõko mã toto. Izyraeu tõ imehnõ motye kure osekarory se pyra ase ipunaka, itapyĩkõ konõto se pyra roropa ase.

Ruka 1:72

Kure oritorỹko ase. Iirypyryme ro awahtao xine ro awãnohpyra xine ase,” tykase kytamurukomo a. Morara katopõpyry poko wenikehpyra mana. Tõmihpyry ae ro mana.

Ruka 21:24

Toto etapãko imehnõ mana. Typoetoryme opoenõkõ apoĩko roropa imehnõ mana toto arotohme emero pata tõ punero. Morarame Jerusarẽ põkõ enahkapõko Ritonõpo waro pyra exiketõ mana. Ipatarykõ maro toto enahkapõko mã toto. Mame tuarimakehpotoh toehse ahtao, tuarimakehpõko Ritonõpo mana. Enara.

Epezu 2:7

Morara kyriatose Ritonõpo, kure toexiry poko enetupuhpotohme imehnomo a jũme. Imehnõ kypyno xine exiry motye kuhse Ritonõpo kypyno xine exiry mana. Morara exiryke kure kyrikehpyra xine kynexine, Kyrixtu Jezu maro kuehtohkõme, enetuputyryke kyya xine.

Teuteronomiu 32:19

Moro eneryke tyya tohne toehse Ritonõpo. Typoenõ turumekase eya, imũkuru tomo, ẽxiry tõ maro.

Apokaripxi 11:2

Yrome tapyi zomye jarakapyhpyry onukuhpyra exiko, tokarose exiryke Ritonõpo waro pyra exiketomo a. Itũtũmãko mã toto Ritonõpo Patary Kurã poro Jerusarẽ poro 42me nuno.

1 Samueu 12:22

Jũme typoetoryme orirykõ se toexiryke tõmihpyry totapose oya xine: “Jũme orumekara xine ase,” tykase ynororo, imehxo Ritonõpo Kuesẽkõ Esety exiryke.