Jeremia 13:18 - Ritonõpo Omiry: A Bíblia Sagrada na língua Aparai do Brasil

¹⁸ Tõturuse ro Ritonõpo ya, ynara tykase: — Tuisa zuruko jẽ maro toto yhtotohme tuisa apõ poe iparimã uuru risẽ tuisa kyryry kurã toepukase exiryke zupuhpyrykõ poe.

Jeremia 13:18 ပူးပေါင်းရင်းမြစ်များ

2 Tuisa 24:12

Mame tuisa Joakĩ, tyse maro, tumũkuru tõ maro, ipoetory tõ esã maro, tytapyĩ erase maro, tõsekarose toto papironio tomo a. 8me jeimamyry taropose ahtao Napukotonozo a tuisame toehtoh poko Joakĩ tarose eya typoetoryme.

2 Tuisa 24:15

Joakĩ tõ tarose Napukotonozo a Papironia pona typoetoryme: ynororo te, jeny te, ipyxiã te, ipoetory tõ esamo te, Juta tõ tamuximãkõ maro.

2 Koronika 33:12

Mame toetuarimaryhtao tõsenetupuhse ropa ynororo, tyyrypyry rumekary se toehse eramatohme ropa Ritonõpo a. Tyxitase takorehmary se toexiryke Ritonõpo a.

2 Koronika 33:19

Tuisa Manase oturutopõpyry Ritonõpo a te, ezuhtopõpyry Ritonõpo a te, inyrityã iirypyryme tyyrypyry onurumekara ro ahtao te, ahno nyrityã eahmatopõpyry eya Ritonõpo myakãme te, imehnõ neponãmary eahmatoh ritopõpyry eya te, ahno naxikahpyry roropa eahmatohme, morohne emero tymerose pape pokona esety Urutõ kõ Ehtopõpyry.

2 Koronika 33:23

Yrome tumy sã pyra tyyrypyry onurumekara nexiase Ritonõpo omipona toehtohme ropa. Iirypyryme tumy ehtopõpyry motye tyyrypyry poko nexiase.

Exutu 10:3

Moeze toytose Arão maro tuisa zuruse. Ynara tykase toto eya: — Ritonõpo epereu tõ Esẽ ynara ãko: “Otarahtao jomiry moĩko mano? Jomiry omipona exĩko mano? Ah ypoetory tõ nytõ toto sero nono poe jeahmase.

Exutu 39:28

Zuhzõty roropa mauru panõ kurã risẽ ke Arão zupuhpyry pona amurutohme te, xapeu tõ roropa, imetỹ tõ roropa mauru panõ risẽme imũkuru tõ zupõme.

Porowepio 27:24

omõkomory, kowenu sã roropa jũme pyra exĩko mã toto.

Izaja 3:20

xapeu tomo te, pyraku emeporymãkõ te, apory emeporymãkomo. Typoxinemy kutehi ao puxihkãko mana, kure ehtoh ripotoh tonomo te,

Izaja 3:26

Pata Jerusarẽ põkõ aorihtyã hnamõko mã toto. Nohpo sã xitãko mã toto, typorohse nono po, tynio hnamone sã toiroro.

Izaja 47:1

Ynara ãko Ritonõpo mana: “Papironia põkomo, oyhtoko tuisa apõ poe, nono pona oporohko. Pake oryximã sã mexiase, orutua poko exipitopyra exikety samo, pata onyporemãkapỹme mexiase; yrome oryximã sã pyra mase toehse, opihpyry amiamime pyra toehse. Imehnõ namotome toehse mase!

Jeremia 22:24

Ynara tykase Ritonõpo Kuesẽkõ, Juta tuisary Joakĩ a, Jeoakĩ mũkuru: — Jomiry etapõko ase oya, ywy ase Ritonõpo, Isene Exikety. Jemahtao awahtao jemary poko apotunuru wino, omoro oũko ase.

Jeremia 22:26

Oemãko ase asa maro imepỹ nonory pona, moroto enurupyra mexiatose, moroto orihnõko matose.

Jeremia 29:2

Moro pape tymerose ya moromeĩpo Jerusarẽ poe tuisa Joakĩ tarose ahtao, jeny maro, tuisa akorehmananõ maro itapyĩ tao te, Juta tõ tuisary tõ maro te, Jerusarẽ tuisary tõ maro te, tapyi rinanõ maro te, imehnõ emese kure exiketõ maro toerokurukõ poko, enara.

Jeremia 36:16

Moromeĩpo emero totase ahtao eya xine tonese toto oseya torẽtyke toehse toto. Ynara tykase toto Paruke a: — Senohne ynanekaroxi emero tuisa konõto a.

Ramẽtasão 1:6

Pata Jerusarẽ enekure ehtopõpyry pake tonahse. Ituisary tõ kapau sã mã toto tomitapãse exiketomo, epãko mã toto urakanaketõ zuno toexirykõke, yrome tapotũkehse mã toto.

Ramẽtasão 1:9

Mokyro nuriame ehtoh osenẽko mana, zupõ xikurome exiryke. Yrome oty kara nexiase, torẽtyke pyra imeĩpo toexiry poko. Mokyro poremãkatopõpyry popyra nexiase ipunaka, emuhkehkananõ pyra nexiase. “Ritonõpo, kueneko ajohpame samo, etuarimãko ase jepetõkara orẽpyra toehse exiryke.”

Ramẽtasão 2:10

Jerusarẽ põkõ tamuhpõmehxo exiketõ nono po typorohse mã toto, mynyhme. Tupuhpyrykõ pona nono tyrise eya xine toemynyhmarykõme, kamisa topuxiximã risẽ upo ke tõtupohtose mã toto. Nohpo tõ poetome exiketõ, tosekumurukõ po typorohse mã toto zupuhpyrykõ nono pona.

Ramẽtasão 5:16

Yna epyrypatopõpyry emero tonahkase ipunaka, iirypyryme toehse yna exiryke, tuãnohse ynanase yna rypyry epehpyryme.

Ezekieu 16:12

Ounasere ekaroase oya, panasere tõ roropa, parihmã kurã ekaroase oya oupuhpyry kyryry.

Ezekieu 21:26

Aparimã oũko mã toto, turupãte roropa oũko mã toto. Serara sã exikehnõko mana. Tymõkomokãkara tuisame exĩko mã toto. Tuisa tõ tuisame pyra exĩko roropa mã toto.

Ezekieu 24:17

Pusuh kary poko oya onetapopyra exiko imehnomo a. Tyxapeuke ytoytoko, tysãtajake roropa ytoytoko ihnamopyra exikety sã oehtohme. Oẽmyty anapurupyra exiko, ihnamonanõ napyry onenahpyra exiko imehnõ nekarohpyry ahno ekepyry zonẽtoh po.

Ezekieu 24:23

Tyxapeuke ytoytõko matose, tysãtajake roropa; onyhnamopyra matose, xitara roropa exĩko matose. Oorypyrykõ pokoino osenahkãko matose, pusuh ãko matose oximaro rokene.

Ezekieu 44:18

Tupuhpyrykõ po mauru panõ risẽ rĩko mã toto, axiakã amurũko mauru panõ risemy roropa; yrome enãkutara toehtohkõme zamareary anamurupyra mã toto.

Tanieu 5:20

Yrome imehxo toexiry poko toepyrypase ahtao typoremãkase ropa ynororo Ritonõpo a, putupyra roropa exiryke, imehnõ pyno pyra exiryke roropa. Morara exiryke tuisame pyra tyripose ropa eya.

Jona 3:6

Mame Jona omihpyry tarose ahtao Niniwe tuisary a towõse ynororo tuisa apõ poe, tupõ kurã touse eya, upo kamisa topuxiximã risẽ tamuruse eya, oruno htaka typorohse ynororo sekese pyra toehtoh enepotohme Ritonõpo a.

Mateu 18:4

— Imehnõ poetoryme sã toehse awahtao xine, mose poeto samo, imehxo exĩko ropa matose Ritonõpo esao.

Tiaku 4:10

“Papa, ywy ase popyra rokene, õmipona exisaromepyra ase,” karyhtao kyya xine Ritonõpo a, tyrisenã sã kyritorỹko Ritonõpo mana, kueanokõ jamihtanohnõko roropa mana. Kuakorehmatorỹko roropa mana, tõmipona kuehtohkõme.

1 Peturu 5:6

Naeroro imehnõ motye se pyra ehtoko. Emero motye tuisamehxo Ritonõpo mana. Aomipona se rokẽ ehtoko. Tuisame se hkopyra awahtao xine, ise tahtao tuisame oritorỹko mana.