Jeremia 13:17 - Ritonõpo Omiry: A Bíblia Sagrada na língua Aparai do Brasil

¹⁷ Otato pyra awahtao xine, xitãko ase tokare pyra opoko xine oepyryparykõke. Xitãko ase yronymyryme, yxity kuãnõko ase Ritonõpo poetory tõ tarose exiryke imehnõ namotome.

Jeremia 13:17 ပူးပေါင်းရင်းမြစ်များ

Saumu 119:136

Iporiry sã yxity serere ãko, ikurenaka jenuru tõ poe, õmihpyry omipona pyra ahno tõ exiryke.

Saumu 80:1

Yna omiry etako, kaneru esẽ sã Izyraeu tõ Esemy! Yna otururu etako, oeky tõ aroneme sã mase yna Aroneme! Omoro mase typorohse Tuisa Imehxo Exikety apõ po, moroto kae kerupĩ tõ epoe,

Izaja 63:11

Mame pake ehtopõpyry poko wenikehpyra toehse toh nexiase, Ritonõpo poetory Moeze poko wenikehpyra toehse, ynara tõturupose toto: “Otoko Ritonõpo Kuesẽkõ nae? Eya typoetory tõ typynanohse tuna konõto wino, kaneru tõ sã toh nexiase typynanohse toto ahtao, toto pyno exikety Moeze kynexine. Otoko na mokyro Tuzenu Kurã ekarohpono Moeze a,

Jeremia 14:17

Mame tonyohse ywy Ritonõpo a jemynyhmary ekarotohme ahno a. Ynara ase: “Saereme, koko roropa jenuru tõ poe yxity kuãnõko mana. Yxitakepyry se pyra ase, itamurume wekyry tõ tyyryhmase exiryke, tyhtomase mã toto yronymyryme.

Jeremia 15:17

Kohmãpyra exiase imehnõ maro exianãko, oseahmãko roropa. Õmiry omi poe jerohtoh tupimã poko exiase toiroro, tyenonohse exiase.

Jeremia 17:16

Yrome, Ritonõpo, popyra ehtoh onenehpopyra exiase oya mokaro wãnohtohme; mokaro tuarimapotoh onekaropyra exiase. Ritonõpo, moro waro mase; jomihpyry eya xine waro mase.

Jeremia 22:5

Yrome jomiry omipona pyra awahtao xine, ywy roro ynara etapõko ase oya xine, sero tapyi konõto tykararahsẽme exĩko, topu tõ kaetokohxo exĩko mana. Ywy Ritonõpo oturũko ase.

Jeremia 23:1

Ynara tykase Ritonõpo, Izyraeu tõ Esemy typoetory tõ tuisary tõ poko: — Awãnohtorỹko ase tuisa tomo popyra onyrityã poko. Ypoetory tõ pyno pyra toehse mexiatose, tynomose toto aorihtohme, taropose toto sapararahme oya xine mya. Naeroro popyra ehtoh ke awãnohtorỹko ase! Ywy Ritonõpo oturuno.

Jeremia 9:1

Jupuhpyry tuna pẽkamãme ehtoh sã se ase repe, jenuru soesoekaneme sã se ase roropa repe yxity ke, ywy yxitatohme saereme, koko roropa wekyry tõ hnamoryme, totapase aexityamo.

Ramẽtasão 1:16

“Morara exiryke xitãko ase, jenuru tõ pehme nase yxity ke. Jemuhkehkapone pyra mana, jãkyemasaromepyra mã toto ipunaka. Jepetõkara a typoremãkase ywy, ypoetory tõ patãpo po toehse mã toto.

Ramẽtasão 1:2

Tyxitary poko ẽmehnõko Juta tõ mana; ixity sukururu ãko mana ẽmyty poro. Epe tõ, pakatokõ tonahse, oxinomopyra mã toto ipunaka emuhkehkatohme. Towokase Juta tõ mana epẽpyry tomo a. Epeme pyra toehse mã toto seromaroro.

Ramẽtasão 1:9

Mokyro nuriame ehtoh osenẽko mana, zupõ xikurome exiryke. Yrome oty kara nexiase, torẽtyke pyra imeĩpo toexiry poko. Mokyro poremãkatopõpyry popyra nexiase ipunaka, emuhkehkananõ pyra nexiase. “Ritonõpo, kueneko ajohpame samo, etuarimãko ase jepetõkara orẽpyra toehse exiryke.”

Ramẽtasão 2:18

Pata Jerusarẽ, ah ãpuru tõ nykohtã toto Ritonõpo a akorehmapotohme! Xitakehpyra exiko saereme, koko, iporiry sã oxity tõ ehtohme. Oseremara exiko. Onyhnamokehpyra exiko!

Ramẽtasão 3:48

Xitãko ase, jenuru tõ ae iporiry yhtõko, yxity, wekyry tõ enahkaryke.

Ezekieu 24:16

— Ahno mũkuru, mose opyty pynohxo mase yronymyryme; yrome seroae axĩ sã mose arõko ase owinoino. Orihnõko mana yrome onykerekeremara exiko, onyhnamopyra exiko, xitara exiko.

Ezekieu 34:31

— Amarokomo, jeky tomo, kaneru sã matose ya tynahpase exiryke ya, ahnome matose, ywy ase Ritonõpo Oesẽkomo! ãko Ritonõpo mana.

Ezekieu 36:38

Pata tõ seromaroro tytohkase aexityã pehme exĩko mã kehko ahno ke, Jerusarẽ samo pehme toehse ahtao kaneru ke ahno nekarotyã Ritonõpo a oseahmatoh tao. Mame zuaro exĩko mã toto ywy ase Ritonõpo.

Ezekieu 9:4

Ynara tykase: — Ytoko pata Jerusarẽ rãnakuroko ahno merotohme ipery pokona, emero emynyhmaketomo kananomo te, pusuh kananomo roropa emero typenekehse exiketomo popyra ehtoh poko sero põkõ nyrityã poko sero pata po.

Marakia 2:2

Oesẽkõme imehxo jyripyra awahtao xine, ynyripohpyry omipona pyra roropa awahtao xine, popyra ehtoh enehpõko ase opona xine. Kure ehtoh riporyhtao oya xine moro myakamãko ase popyra ehtoh ke. Moro tyripose ya pake, imehxo jyripyra toehse oexirykõke.

1 Samueu 15:11

— Typenekehse ase ypoetory tõ esẽme Sauu ehtoh poko. Jurumekase ynororo, ynyripohpyry eya omipona pyra toehse, tykase Ritonõpo. Mame morara kary etaryke tyya toemynyhmase Samueu yronymyryme. Sauu poko tõturuse ynororo Ritonõpo a, Izyraeu tõ Esemy a opore, ẽmepyry pona.

1 Samueu 15:35

Mame ytopyra ropa jũme Samueu nexiase Sauu enese. Yrome toemynyhmase ynororo ipoko. Ritonõpo roropa toemynyhmase Sauu poko, Izyraeu tõ tuisaryme tynyrihpyryme exiryke, enara.