Jeremia 12:4 - Ritonõpo Omiry: A Bíblia Sagrada na língua Aparai do Brasil

⁴ Otãto jeimamyry ise ro tonore rokẽ sero yna nonory exĩko nae? Otãto ise ro onahpoty zaremãnõko ona po emero? Onokyro tõ orihnõko mã toto torõ tõ roropa, popyra sero nono põkõ exiryke, ynara karyke eya xine: “Onenepyra Ritonõpo mana, kynyrirykõ onenepyra mana.”

Jeremia 12:4 ပူးပေါင်းရင်းမြစ်များ

Saumu 107:34

nono kurã tyrise eya patãpome, sautu ke tyõtose moro põkõ popyra ehtoh pokoino.

Saumu 50:21

Morohne tyrise oya xine, mame mynyhme rokẽ exiase; naeroro asã xine kuekaroase repe. Yrome seromaroro oupokatorỹko ase; zae pyra oehtohkõ enepõko ase oya xine.

Izaja 24:4

Sero nono anorỹko mana, aremãnõko, nono põkõ emero apotũkehnõko mana, sero nono enahnõko mana, kapu roropa.

Izaja 24:6

Morara exiryke popyra ehtoh enehpõko Ritonõpo mana sero nono pona, sero nono enahkapõko mana. Epõkõ tuãnohsẽme exĩko mã toto iirypyrykõ epehpyryme; apoto orẽpyra exikety toto zahkãko mana, tuhke pyra ahno oxinamãko mana.

Jeremia 12:11

Ynonory kurã tonahkase eya xine, turumekase mana yneneryme, patãpome toehse, ona tonorẽ samo. Yrome ‘otara’ kara mã toto.

Jeremia 14:2

“Juta tõ ihnamõko mana, xitãko. Ipatarykõ orihnõko mã kehko, ahno tapotũkehse mã toto, imihme nono pona, ihnamoryme, Jerusarẽ põkõ takorehmanekõ kohmãko mã toto.

Jeremia 23:10

Sero nono pehme mana imeimehnõ nohpo poko ehtoh ke, Ritonõpo omipona pyra; tyyrypyrykõ poko rokẽ mã toto, tyjamitunurukõke zae pyra ehtoh poko rokẽ mã toto. Popyra ehtoh enehporyke Ritonõpo a sero nono xitãko mana, onahpoty tyaremãse, toorihse sã mana.”

Jeremia 4:25

Osenuhmase ro, ahno onenepyra exiase ipunaka. Torõ tõ roropa kapu ae ytoketõ toepase toto.

Jeremia 4:28

Moro nono xitãko mana, kapu kohmãnõko mana xinukutume, Ritonõpo tõturuse exiryke, onytyoromara mana. Tynyriry waro toehse ynororo, ekurehpyra mana.

Jeremia 5:13

Urutõ poko ynara ãko mã toto: “Tyryrykaneme rokẽ mã toto, typoe xine rokẽ oturũko mã toto Ritonõpo omi poe pyra.” Ynara tykase Ritonõpo Imehxo Exikety ya: — Jeremia, ourũko ase mokaro poko morara karyke eya xine. Jomiry rĩko ase apoto samo, tũtãko õtary ae. Mokaro apotopokõme sã exĩko mã toto, tyahkasẽme exĩko mã toto.

Jeremia 5:31

Urutõ kõ ajohpe oturũko mã toto. Mame oturuketõ takorehmase ahtao eya xine ypoetory tõ esẽme osekarõko mã toto. Morara ehtoh ypoetory tõ zamaro mana. Yrome otara tyrĩko toh nae serara tõtyhkase ahtao?

Jeremia 7:20

Naeroro ywy, Ritonõpo, tohne jehtoh kuãnõko sã ase sero Ytapyĩ pona. Zehno jehtoh kuãnõko sã ase ahno pona, okyno tõ pona te, wewe tõ pona te, tykyrysã pona. Apoto sã tarõkõ zehno jehtoh exĩko mana, ezehpỹ sã exĩko mana.

Jeremia 9:10

Ywy Jeremia, ynara ase: “Xitãko ase ypy tõ pokoino, onahpoty pokoino roropa, toorihse exiryke, ytoketõ moro ae ytopyra mã toto. Pui tõ omiry osetara mana moroto; torõ tõ roropa, onokyro tõ toepase, mya toytose mã toto.”

Jeremia 9:9

Naeroro mokaro wãnohnõko ase toto nyrityã emetakame. Moro sã jahtao zae pyra hano oya? Zae pyra hano mokaro wãnopyryhtao ya? Ywy Ritonõpo, oturuno.”

Ozeja 4:3

Morara exiryke sero nono tonore exĩko mana, isene exiketõ emero orihnõko mana. Okyno tõ orihnõko mã toto, onokyro tõ roropa, torõ tomo, kana tõ roropa, enara.

Joeu 1:18

Pui tõ kohtãko mã toto omise toexirykõke, ytoytõko mã toto rowohpã samo, tihtitihme ytoytõko mã toto onahpoty pyra exiryke. Kaneru tõ roropa orihnõko mã toto.

Amoxi 1:2

Ynara tykase Amoxi: “Ypy Xião poe, Jerusarẽ po, opore oturũko Ritonõpo mana, aomiry konomeru sã mana. Onahpoty orihnõko mana, tonore toehse ypy Karameru po porehme.”

Apakuke 3:17

Wewe tõ eperytara ahtao ro, uwa eperytara roropa ahtao, epery tõkehko pyra ahtao enahtohme, tupito tõkehko po otyro pyra ahtao, okyno tõ pyra ahtao ona tõ po, pui tõ pyra roropa ahtao apurutoh ao, emero otyro pyra ahtao ro,

Zakaria 1:12

Mame ynara tykase Ritonõpo nenyokyhpyry: — Ritonõpo Jamihmehxo Exikety, 70me jeimamyry taropose Jerusarẽ põkõ poko tohne toehtoh poko, Juta patary tõ põkõ maro. Otãto ise ro mokaro pyno oehtohme ropa?

Romanos 8:22

Ynara enetupuhnõko sytatose, Ritonõpo nyrityã etuarimãko ro mã toto seromaroro ekurãkara ro toexirykõke. Enurusasaka nohpo ehtoh sã, sam ãko mã toto.