Jeremia 12:14 - Ritonõpo Omiry: A Bíblia Sagrada na língua Aparai do Brasil

¹⁴ Ynara ãko Ritonõpo mana: — Seromaroro oturũko ase popyra exiketõ poko Izyraeu tõ zomye, moro nono popyra tyrise eya xine, ynekarohpyry ypoetory tomo a. Mya mokaro arõko ase inonorykõ poe, otyro samo touse ahtao. Juta tõ roropa pynanohnõko ase mokaro winoino.

Jeremia 12:14 ပူးပေါင်းရင်းမြစ်များ

Saumu 105:15

“Ypoetoryme ynymenekatyã onerekohmara ehtoko; ypoe urutõ kõ onyryhmara ehtoko.”

Saumu 106:47

Ritonõpo yna Esemy, yna ipynanohko! Yna enehko ropa awaro pyra exiketõ nonory poe, “Kure mase,” katohme yna a oya, atãkyemãko roropa oesety kurã eahmaryme.

Jeremia 2:3

Izyraeu tomo, ypoetoryme rokẽ mexiatose, tapiakase mexiatose ymaro rokẽ oehtohme; tiriiku samo, tapoise ahtao esemazupurume ekarotohme ya. Oryhmahpõkõ tuãnohse ya emero porehme, popyra ehtoh enehpoase toto pona. Ywy, Ritonõpo, oturũko ase.”

Jeremia 25:9

“Ahno tõ enehpõko ase emero inikahpoe ypoetory, tuisa Napukotonozo maro Papironia poe. Mokaro enehnõko ase etonatohme sero põkõ, Juta tõ maro, imehnõ nonory põkõ maro, ononorykõ zomye exiketõ maro. Mokaro enahkapõko ase ipunaka; nono pona jũme tomasẽme exĩko mã toto. Morohne eneryke osenuruhkãko imehnõ mana, enaromỹke exĩko mã toto. Ywy, Ritonõpo, oturũko ase.

Jeremia 3:18

Izyraeu tõ maro oximõnõko Juta tõ mana. Oximaro oehnõko mã toto inikahpoe tosarykõ pona, nono ynekarohpyry pona itamurukomo a.

Jeremia 32:37

Oximõme mokaro enehnõko ropa ase; toto zehno jehtopõpyryke ipunaka sapararahme typahse toto ya. Mokaro enehnõko ropa ase tarona, kure rokẽ toto ehtohme enaromyra toto ehtohme.

Jeremia 48:1

Ritonõpo Jamihmehxo, Izyraeu tõ Esemy ynara tykase Moape tõ poko: “Emynyhmatoko pata Nepo põkõ poko, ipatarykõ tonahkase exiryke! Pata Kiriataĩ tapoise nexiase, isoutatu tõ tapyĩ jamihme exikety tytahkase, tomase nono pona, epõkõ typoremãkase.

Jeremia 48:47

Yrome imeĩpo Moape tõ enehpõko ropa ase, apitoryme toto ehtopõpyry sã toto ehtohme ropa. Moro sã Moape tõ wãnohpõko Ritonõpo Kuesẽkõ mana.

Jeremia 49:1

Ynara tykase Ritonõpo Kuesẽkõ amonita tõ poko: — Otoko hnae Izyraeu tõ orutua komo? Sero nono, Ritonõpo nekarohpyry Izyraeu tõ esaryme ehtohme ewomananõ pyra hnae? Oty katoh ritõ Moroke a Kate tõ nonory tapoise, eahmananõ toytose roropa moro pona osesarise?

Jeremia 49:7

Ritonõpo Jamihmehxo Exikety ynara tykase Etõ tõ nonory põkõ poko: — Pata Temã po tuaro exiketõ pyra mã toto. Tuaro toto ehtoh tonahse.

Ezekieu 28:25

Ynara tykase Ritonõpo: — Izyraeu tõ enehnõko ropa ase emero nono poe, sapararahme toto taropose ya morotona, mame zuaro exĩko mã toto kure rokẽ jehtoh poko. Moroto exĩko Izyraeu tõ mana tynonorykõ po, ynekarohpyry Jako a ypoetory a.

Ezekieu 28:26

Moroto exĩko mã toto, towomase, tapyi tõ amõko mã toto, tupito tõ po uwa zoko arykãko mã toto. Imehnõ wãnohnõko ase ypoetory tõ typoihtose eya xine ahtao. Enaromyra Izyraeu tõ exĩko mana, mame zuaro exĩko mã toto ywy ase Ritonõpo, Izyraeu tõ Esemy.

Ezekieu 36:24

Ãpoitorỹko ase imeimehnõ nonory poe emero porehme oenehtohkõme ropa ononorykõ pona ropa.

Ezekieu 36:5

— Ywy, Ritonõpo Oesẽkõ, zehno toehse jexiryke mokaro imeimehnõ nonory põkõ tupokase ya, Etõ tõ maro, tuãnohsẽme exĩko mã toto, tãkye toehse toexirykõke iirypyryme roropa tukurohtao xine Izyraeu tõ wãnopyry ya eneryke tyya xine. Ynonory tapoise eya xine, ona tõ maro tosarykõme, toky tõ esaryme.

Ezekieu 37:21

Mame kaxiko eya xine: ywy, Ritonõpo Oesẽkomo, Izyraeu tõ enehnõko ase, imeimehnõ nonory poe, toto ytotopõpyrykõ poe. Mame toto enehnõko ropa ase oximõme arotohkõme ropa esarykõ pona ropa.

Ozeja 1:11

Juta tomo Izyraeu tõ maro oximõnõko mã toto. Oximõme toiro tuisa menekãko mã toto tutuisarykõme. Ahno tõ jamihme exĩko ropa mã toto, tymõkomoke roropa. Moro ẽmepyry toehse ahtao Oseahmatoh konõtome exĩko mana, Jezereu ẽmepyryme.

Zakaria 1:15

Imeimehnõ nonory põkõ poko tohne ase, osewomaketõ poko, torẽtyke pyra exiketõ poko. Ynara exiryke tohne toehse jahtao ypoetory tõ poko, pitiko rokẽ repe itamurumehxo toto tyrohmanohpose eya xine, toto etuarimatohme pitiko rokẽ pyra.

Zakaria 2:8

Tyjamitunuru ke, jenyokyase Ritonõpo Jamihmehxo Exikety imeimehnõ nonory põkõ zurutohme, typoetory tõ mõkomory kurã aronanomo omatome. Ynara tykase ynororo: — Ypoetory tõ poko aexihpyry tomahxikyry rĩko sã mana jenuru aka.

Teuteronomiu 28:63

Morarame tãkye Ritonõpo ehtopõpyry sã kure orirykõ poko, tuhke oemãkaporykõ poko roropa, moro saaro atãkyemãko mana awãnopyrykõ poko, oenahkarykõ poko roropa. Tousẽme exĩko ropa matose, moro nono poe, epona ytõko matose apoitohme oesarykõme.

Teuteronomiu 30:3

opynanohtorỹko ropa Ritonõpo Oesẽkõ mana. Oximõme oenehtorỹko mana moro nono tõ poe, sapararahme taropose morotona eya oexirykõke.