Jeremia 12:10 - Ritonõpo Omiry: A Bíblia Sagrada na língua Aparai do Brasil

¹⁰ Tuhke rokẽ kowenatu tõ a imehnõ nonory poe ynarykahpyry uwa zoko tõ tonahkase, utupi tõ tytũtũmase toto, ynonory tõ kurã patãpome tyrise eya xine.

Jeremia 12:10 ပူးပေါင်းရင်းမြစ်များ

Izaja 3:14

Typoetory tõ tuisary tõ hxirõko mana. Ynara ãko eya xine mana: “Izyraeu tõ tonahkase oya xine, ynarykahpyry uwa zoko tomo! Atapyĩkõ pehme mã kehko tymõkomokãkara kyryrỹpyry tapoise oya xine exiryke.

Izaja 43:28

Ytapyĩ Kurã nuriame tyripose otuisarykomo a. Morara exiryke Izyraeu tõ tonahkapose ya, ypoetory tõ typoremãkapose ya.”

Izaja 63:18

Axĩtao rokẽ yna, opoetory tõ kurã Atapyĩ esẽme ynanexiase; yrome seromaroro yna zehnotokõ Atapyĩ kurã tũtũmãko mã toto.

Jeremia 23:1

Ynara tykase Ritonõpo, Izyraeu tõ Esemy typoetory tõ tuisary tõ poko: — Awãnohtorỹko ase tuisa tomo popyra onyrityã poko. Ypoetory tõ pyno pyra toehse mexiatose, tynomose toto aorihtohme, taropose toto sapararahme oya xine mya. Naeroro popyra ehtoh ke awãnohtorỹko ase! Ywy Ritonõpo oturuno.

Jeremia 25:38

Typoetory tõ turumekase Ritonõpo a, tosary rumekatopõpyry sã reão a. Osetapatoh popyra ehtoh te, zehno Ritonõpo ehtoh roropa sero nono tyripose patãpome, nono tonorẽme rokẽ toehse rahkene.

Jeremia 25:9

“Ahno tõ enehpõko ase emero inikahpoe ypoetory, tuisa Napukotonozo maro Papironia poe. Mokaro enehnõko ase etonatohme sero põkõ, Juta tõ maro, imehnõ nonory põkõ maro, ononorykõ zomye exiketõ maro. Mokaro enahkapõko ase ipunaka; nono pona jũme tomasẽme exĩko mã toto. Morohne eneryke osenuruhkãko imehnõ mana, enaromỹke exĩko mã toto. Ywy, Ritonõpo, oturũko ase.

Jeremia 3:19

Ynara tykase Ritonõpo: “Izyraeu tomo, umũkurume orirykõ se exiase, nono kurã ekarory se roropa exiase oya xine, imepỹ nono motye nono kurano ipunaka. ‘Papame, ykohmary se exiase oya xine,’ jũme jurumekara ropa oehtohkõme.

Jeremia 39:3

Jerusarẽ typoremãkase ahtao Papironia tuisary akorehmananõ, tamuximãkõ emero tooehse, typorohse toto tapõkõ pona Omõtoh Irãnaõ taka. Mokaro maro nexiase Nerekau-Sarezea te, Sãkaa-Nepo te, Sarasekĩ te, imepỹ Nerekau-Sarezea, enara.

Jeremia 6:3

Tuisa tõ osesarĩko mã toto tysoutatu tõ maro moroto. Tapyi tõ rĩko mã toto pata zomye tynymenekatyã po.

Jeremia 9:10

Ywy Jeremia, ynara ase: “Xitãko ase ypy tõ pokoino, onahpoty pokoino roropa, toorihse exiryke, ytoketõ moro ae ytopyra mã toto. Pui tõ omiry osetara mana moroto; torõ tõ roropa, onokyro tõ toepase, mya toytose mã toto.”

Ezekieu 34:2

— Ahno mũkuru, Izyraeu tõ tamuximãkõ zuruko. Ynara kaxiko eya xine ywy, Ritonõpo Oesẽkomo, ynara ãko ase eya xine: “Amarokõ tamuximãkomo, Izyraeu tõ kaneru ewomane sã matose, yrome kaneru tõ pyno pyra matose, osepyno rokẽ matose. Naeroro tuãnohsẽme exĩko matose.

Ezekieu 34:5

Mame tosẽke pyra toto exiryke sapararahme toehse toto. Tosekase toto onokyro tomo a, tõse roropa toto eya xine.

Tanieu 8:13

Imeĩpo Ritonõpo nenyohtyã asakorõkõ otururu etase, tõturupose toiro, ynara tykase: — Otãto ehtoh morohne exĩko nae? Otãto nuno aropõko moro nuriame ehtoh okyno zahkatoh po kokoro rokene? Otãto nuno Ritonõpo Tapyĩ tykararahsẽme exĩko nae, Ritonõpo poetory tõ typoremãkase roropa nahe?

Zakaria 7:14

Wirikane sã sapararahme typahse toto ya imeimehnõ nonory pona. Inonorykõ kurano, otyro zamaro exikety, patãpome toehse tytaõke pyra ipunaka!

Ruka 21:14

Yrome: “Oty kara,” kahtoko okurohtao xine: “Otara ãko ywy?” kara ehtoko toto ezuhtoh poko.

Apokaripxi 11:2

Yrome tapyi zomye jarakapyhpyry onukuhpyra exiko, tokarose exiryke Ritonõpo waro pyra exiketomo a. Itũtũmãko mã toto Ritonõpo Patary Kurã poro Jerusarẽ poro 42me nuno.