Jeremia 11:19 - Ritonõpo Omiry: A Bíblia Sagrada na língua Aparai do Brasil

¹⁹ Kaneru mũkuru sã exiase imehnõ zuno pyra tarose ahtao totapasẽme ehtohme. Zuaro pyra exiase ypoko osenetupuhnõko toh nexiase popyra ehtoh ritohme ya. Ynara tykase toto: — Ehmaropa, wewe enahkase jamihme ro tahtao. Jeremia setapatone jũme wenikehtohme ipoko emero.

Jeremia 11:19 ပူးပေါင်းရင်းမြစ်များ

Jo 28:13

Tuaro ehtoh typyne exiry waro pyra ahno mana, moro onenepyra roropa mã toto sero nono po.

Saumu 109:13

Ah ipoenõ norihno toto, ipakomotyã roropa axĩ wenikehtohme ipoko!

Saumu 112:6

Zae exikety mã poremãpyra exĩko, ipoko jũme wenikehpyra exĩko imehnõ mana.

Saumu 116:9

Morara exiryke ytoytõko ase Ritonõpo neneryme, isene exiketõ rãnao.

Saumu 142:5

Ritonõpo, okohmãko ase jakorehmatohme. Omoro mase jewomaneme, ose rokẽ ase isene ro jahtao sero nono po.

Saumu 27:13

Zuaro ase isene ro jahtao Ritonõpo Jesẽ nyriry kurã enẽko ase orihpyra ro jahtao.

Saumu 31:13

Jepetõkara tuhke etãko ase puti puti ãko; jenaroximãko imehnõ mana emero rokẽ po. Atamorepãko mã toto yyryhmary poko, jetapatohme tyya xine.

Saumu 35:15

Yrome tyhtomase jahtao, mokaro tãkye toehse mã toto, oximõme tooehse toh nexiase jomye, jeunohtohme. Typipohse exiase imehnomo a, zuaro pyra exiketomo a, tapurose ywy eya xine toiro rokẽ pyra.

Saumu 52:5

Morara exiryke jũme oenahkãko Ritonõpo mana; ãpoĩko mana, jarãnaka oemãko mana atapyĩ tae; sero nono isene exiketõ esary po oenahkãko Ritonõpo mana.

Saumu 83:4

Ynara ãko mã toto: “Ehmaropa! Izyraeu tõ enahkase, wenikehtohme toto esety poko jũme.”

Porowepio 10:7

Zae ehtoh poko exiketõ poko wenikehpyra imehnõ mana kure toto nyrityã pokoino, yrome axĩ wenikehnõko mã toto popyra exiketõ poko.

Porowepio 24:15

Popyra exikety sã pyra exiko, imepỹ tapyĩ onenepyra exiko, zae exikety tapyiny ematonanohtohme oya.

Porowepio 7:22

Axĩ toytose ynororo imaro, pui ytory samo tuamekaro totapatoh pona, onokyro omomyry sã roropa apoitoh taka,

Izaja 32:7

Ajoajohpe exikety zae pyra ehtoh rĩko mana popyra toexiryke. Osenetupuhnõko mana tymõkomokãkara enekunohtohme ajohpe ehtoh ke, zae ehtoh anapoipyra toto ehtohme.

Izaja 38:11

Taroino, sero nono po, isene exiketõ rãnao, Ritonõpo onenepyra ropa exĩko ase; imehnõ isene exiketõ onenepyra ropa exĩko ase.

Jeremia 18:18

Mame ynara tykase ahno: — Ehmaropa Jeremia mynyhme tyripotohme! Oturuketõ nae ro, exikehpyra mã toto kuamorepatohkõme, tuaro exiketõ roropa zae ehtoh poko kuakorehmatohkõme te, urutõ kõ roropa Ritonõpo omiry ekarotohme kyya xine. Ehmaropa ihxirotohme, aomiry etakehtohme kyya xine.

Jeremia 20:10

Imoihmãkõ omiry etãko ase puti puti ãko: “Emero rokẽ po erehtoh nae, enahkatopo! Eropa, Jeremia sekarotone tuisa tomo a!” ãko. Jepe tõ roropa josetapary eraximãko. Ynara ãko: “Otarame ahno apoitoh taka omõnõko mana; mame apoĩko sytatose, emỹpõko sytatose,” ãko.

Jeremia 26:8

Mame Ritonõpo nekarohpyry poko tõturukehse jahtao, tapoise exiase oturuketomo a, urutõ komo a, ahno a roropa, opore tykohtase toto: — Orihnõko mase moro pokoino!

Ramẽtasão 3:60

Yzehno mokaro ehtoh waro mase, popyra jyriry se toto ehtoh waro roropa mase.

Ezekieu 32:24

— Erão soutatu tõ moroto mana, moro zomye aorihtyã ekepyry zonẽtoh mã kehko. Totapase toto emero etonatoh po, Ritonõpo omipona pyra toto ahtao ro, tyhtose toto aorihtyã esaka. Orihpyra ro toto ahtao imehnõ torehse eya xine. Yrome seromaroro toorihse mã toto, typoremãse rokene.

Tanieu 9:26

Mame etyhpyryme mokyro, Ritonõpo nymenekahpyry, totapasẽme exĩko mana zae pyra exiketomo a. Mame imepỹ tuisa oehnõko tysoutatu tõ maro pata enahkase, Ritonõpo Tapyĩ maro. Mame moro etyhpyry exĩko mana zueme ehtoh samo, etonatoh enehnõko mana, enahkatoh roropa, Ritonõpo nenehpory tõkehko.

Ozeja 9:8

Urutõme tonyohse ywy Ritonõpo a typoetory tõ, Izyraeu tõ enaroximatohme. Yrome emero rokẽ jytoryhtao ahno apoitoh rĩko matose japoitohme. Ritonõpo Tapyĩ tao roropa jepeme pyra mã toto.