Jeremia 11:12 - Ritonõpo Omiry: A Bíblia Sagrada na língua Aparai do Brasil

¹² Mame Juta tomo Jerusarẽ põkõ maro takorehmaporykõ se exĩko mã toto tyneponãmarykomo a, tynekarorykõ tyahkase eya xine exiryke toto eahmaryme. Yrome moro popyra ehtoh toehse ahtao mokaro ineponãmarykõ toto onypynanohsaromepyra exĩko mã toto.

Jeremia 11:12 ပူးပေါင်းရင်းမြစ်များ

2 Koronika 28:22

Morarame toetuarimasehxo Akaze ahtao, tyyrypyry poko itamurumehxo nexiase Ritonõpo omipona pyra.

Izaja 45:20

Ynara ãko Ritonõpo mana: “Osehtoko oximõme imeimehnõ nono põkomo isene ro exiketomo, osenepotoko apiakatoh tao! Tuaro pyra mã toto ipunaka, oturuketomo tyneponãmarykomo a, osepynanohposaromepyra exiketomo, ahno oximõme ytoytoketomo tynaxikatyã wewe risẽ puimananomo.

Izaja 46:7

Mame tyneponãmarykõ anỹnõko mã toto tymotary pona ipuimatohme, esaka tyrĩko mã toto; moroto rokẽ exĩko, ytosaromepyra mana tosary poe. Eya ahno otururuhtao onezuhsaromepyra mana; ahno onypynanohsaromepyra mana popyra ehtoh toehse ahtao eya xine.

Jeremia 18:15

Yrome ypoetory tomo a tuenikehse ywy, ixtaratu zahkãko mã toto tyneponãmarykõ eahmaryme. Osema tõ ae zae ehtoh poko osetapãko mã toto. Osema tõ pakatokõ po zae ehtoh poko toytorykõ se pyra mã toto, imehnõ osema ae onymeropyra exiketõ ae rokẽ ytõko mã toto.

Jeremia 2:28

— Otoko na mokaro onyrityamo, oneponãmarykomo? Ah noehno toto oetuarimarykohtao, opynanohtohkõme ãkorehmarykõ waro toto ahtao. Juta tomo, onyrityã oneponãmarykõme tuhke exiry apatary tõ punero.

Jeremia 44:8

Oty katoh jyhtomãko matou ritõ panõ poko, onekarorykõ zahkãko onekarorykõme imehnõ ritõ tõ eahmaryme, taro Ejitu po, tõsesarise oehtohkõ po? Otarame senohne rĩko matose osenahkapotohme, imeimehnõ nonory põkõ oeunohtohme. Oesetykõ esehtõko mã toto popyra ehtoh enehpory se toto ahtao.

Teuteronomiu 32:37

Mame typoetory tomo a ekaropõko mana: “Otoko na oneponãmarykomo? Otoko oewomanekõme onenetuputyhpyrykomo?

Teuteronomiu 32:38

Okyno tõ totapase oya xine jahkatohme onekarorykõme eya xine, uwa eukuru jehnahpyry maro. Ah noehno toto seromaroro ãkorehmatohkõme. Ah tururume noehno toto opynanohtohkõme!

Juize 10:14

Seromaroro ytotoko onymenekahpyrykomo a, ritõ kõ kuhsamo a, ãkorehmatohkõme eya xine. Otarame ãkorehmatorỹko mã toto oetuarimarykohtao.