Jeremia 10:7 - Ritonõpo Omiry: A Bíblia Sagrada na língua Aparai do Brasil

⁷ Onoky ouno pyra hnae, emero nono põkõ Esẽme mase? Kure kuhse mase yna a, imehxo oexiryke. Imepỹ pyra mana asã exikety, tuaro exiketõ rãnao, ahno tuisary tõ rãnao.

Jeremia 10:7 ပူးပေါင်းရင်းမြစ်များ

2 Tuisa 17:39

Jomipona ehtoko. Ywy ase Ritonõpo Oesẽkomo. Ywy opynanohtorỹko ase ozehno xine exiketõ winoino,” tykase.

1 Koronika 16:25

Tuisame Ritonõpo mana eahmatohme kyya xine; imehnõ motye emero, tuisamehxo mana.

Exite 1:13

Toipe kynexine ynororo, takorehmananõ tuaro exiketomo a tõturupose ynororo zuaro se tahtao tynyriry poko. Naeroro toto tykohmase tyya

Saumu 147:5

Imehxo Kuesẽkõ mana, jamihme kuhse mana; tuarohxo ynororo, emero zuaro mana.

Saumu 22:28

Tuisame Ritonõpo mana, emero nono põkõ Esẽme mana.

Saumu 47:3

Ritonõpo a imehnõ ahno typoremãkapose yna a; imeimehnõ nonory põkõ tuisaryme yna tyrise eya.

Saumu 72:11

Tuisa tõ emero tosekumurukõ po porohnõko mã toto mokyro ẽpataka, imeimehnõ nonory põkõ emero aomiry omipona exĩko.

Saumu 76:7

Ahno emero ouno mã toto. Oẽpataka xikihme ehsaromepyra mã toto, zehno awahtao.

Saumu 86:8

Imepỹ asã exikety pyra mana, Ritonõpo; imepỹ pyra mana onyrityã riry waro exikety.

Saumu 86:9

Emero ahno onyrityã oehnõko, tosekumuru po porohnõko mã toto oẽpataka; imehxo oehtoh eahmãko mã toto

Saumu 89:6

Imepỹ apanõ pyra mana kapu ao, Ritonõpo! Kapuaõkõ emero asã pyra mã toto.

Exutu 8:10

— Kokoro oturuko ypoko, tykase tuisa. — Ỹ, morara tyrĩko ase õmihpyry ae ro, tykase Moeze. Mame zuaro exĩko mase; imepỹ isã pyra mana, Ritonõpo rokene Kuesẽkomo.

Exutu 9:14

Seromaroro oryhmatoh epukãko opona xine te, otuisary tõ pona te, ahno pona, enara, zuaro oehtohkõme, sero nono po imepỹ ysã exikety pyra mana.

Izaja 2:4

Emero nono põkõ apiakaneme exĩko Ritonõpo mana. Atae pyra ahno ahtao zae ehtoh ekarõko mã ynororo eya xine. Mame typyrekõ tyoromãko mã toto tupito nonory ahkatohme te, tywaratãkõ myakamãko mã toto tiriiku sahkatohme. Jũme osetapara exĩko imehnõ nonory põkõ mana. Etonatoh pyre onyripyra ropa exĩko mã toto.

Jeremia 10:6

Ritonõpo, yna Esemy, imepỹ asã exikety pyra mana. Imehxo mase, jamihme mase, oesety jamihme mana.

Jeremia 5:22

Ywy ase Ritonõpo Oesẽkomo. Oty katohme juno pyra hmatou? Oty katoh tykytyky kara hmatou jẽpataka? Isawã rine tuna konõto ehpiryme jũme onymotyẽkara ehtohme. Tuna konõto osemãko, yrome tosae tũtara mana; pohkane tõ aryryãko reão sã repe, yrome ytopyra mã toto tosarykõ poe.

Tanieu 2:27

Tanieu a tozuhse, ynara tykase ynororo: — Tuaro exiketõ pyra mana, pyaximãkomo te oremime exiketomo te, xirikuato poko atamorepaketomo, moro ekarory waro exiketõ pyra ipunaka, naeroro tuaro se oehtoh onekarosaromepyra mã toto.

Tanieu 2:28

Yrome Ritonõpo Kapuaõ tuaro Exiketyme mana, õsenehtopõpyry ekarory waro mana. Ãmorepary se toexiryke taosenehkapose mase eya, imeĩpo ehtoh poko zuaro oehtohme. Seromaroro, tuisa, õsenehtopõpyry ekarõko ase oya, Ritonõpo nekarohpyry oya tynyhse awahtao õsenetoh ae:

Apakuke 3:2

Ritonõpo, imehnõ nekarohpyry onyrihpyry poko totase ya, osenuruhkãko ase. Seromaroro morohne tyriko ropa ynaneneryme, pake onyrityã imehxo ehtopõpyry samo. Yna zehno awahtao ro yna pynanohko.

Zakaria 2:11

Moro ẽmepyry toehse ahtao ahno tõ tuhke oehnõko mã toto Ritonõpo Oesẽkomo a, ipoetoryme exĩko mã toto. Imaro xine exĩko roropa mana. Mame zuaro exĩko Izyraeu tõ mana, Ritonõpo Jamihmehxo Exikety a tonyohse ywy oturuse imaro xine.

Marakia 1:11

Imeimehnõ nonory po emero, jeahmãko mã toto. Emero rokẽ po ixtaratu zahkãko imehxo jehtoh ekaroryme, tokykõ kurã ekarõko mã toto tynekarorykõme ya. Emero Tuisamehxo jekarõko mã toto.

Ruka 12:5

Toiro rokẽ zuno ehtoko, Ritonõpo rokẽ zuno. Oetapaxĩpo xine oemarykõ waro mana apotoimo htaka. Naeroro mokyro rokẽ zuno ehtoko.

1 Korĩtiu 8:6

Yrome kyya xine toiro rokẽ Ritonõpo mana, Kumykomo. Emero Rihpõme mokyro mana. Ipoko ehtohme isene sytatose. Toiro roropa Kuesẽkõ mana, Jezu Kyrixtu. Eya senohne emero tyrise. Ipoe isene sytatose.

Jozue 4:24

Morara exiryke emero nonory põkõ Ritonõpo Oesẽkõ jamitunuru waro exĩko mã toto. Amarokõ roropa imehxo Aexiry enetupuhnõko matose, jũme.”

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.

Apokaripxi 15:4

Onoky ouno pyra exikety nae nah? Arypyra, ouno emero mã toto, yna esẽme oexiryke. Imehxo oehtoh poko ekãtõko mã toto emero porehme. Omoro rokẽ kurãme nymyry mase. Pata tamuru põkõ emero oehnõko mã toto, ‘Kure mase,’ katohme oya. Kure rokẽ orĩko mã toto. Tosekumuru po porohnõko mã toto oẽpataka, kure oexiry eneryke tyya xine, emero pata põkõ punero,” tykase toto toremiarykõme.