Jeremia 10:14 - Ritonõpo Omiry: A Bíblia Sagrada na língua Aparai do Brasil

¹⁴ Morohne eneryke ahno a, tuaro pyrahme sã osekarõko mã toto, putupyra sã ipunaka. Tyneponãmary rinanõ ehxirõko mã toto tynyrityã ajohpe rokẽ exiryke, isene pyra exiketyme exiryke.

Jeremia 10:14 ပူးပေါင်းရင်းမြစ်များ

Saumu 14:2

Kapu poe sero nono põkõ enẽko Ritonõpo mana, zae ehtoh waro exikety zupĩko mana, toiro Ritonõpo pyno exikety zupĩko mana.

Saumu 92:6

Tuaro pyra exikety zuaro pyra mana, putuhtome exikety sero onenetupuhpyra roropa mana:

Saumu 94:8

Tamuxi tomo, putupyra exiketõme pyra ehtoko! Otara ahtao tuaro exĩko matou?

Saumu 97:7

Imehnõ neponãmary eahmananõ ehxirõko mã toto; epyrypaketõ tyneponãmarykõ poko ehxirõko mã toto. Ritonõpo Kuesẽkõ ẽpataka emero ritõ tõ tosekumurukõ po porohnõko mã toto.

Porowepio 30:2

Onokyrome ase, ahnome pyra; tuaro pyra exiketyme ase, tuaro ahno tyripose ahtao ro Ritonõpo a.

Izaja 42:17

Yrome tyneponãmarykõ eahmananõ te, tynaxikatyã riryhtao tosẽkõme, mokaro typoremãsẽme exĩko, ehxirõko mã toto, ynara kananomo tyneponãmarykomo a: Omoro mase yna rihpono.”

Izaja 44:11

Mokaro eahmananõ emero ehxirõko mã toto. Tykyryry axikananõ ahnome rokẽ mã toto; ime pyra. Ah oximõme noehno toto, osenepose Apiakane ẽpataka! Moroto oserehnõko mã toto, ehxirõko mã toto.

Izaja 45:16

Mokaro tyneponãmarykõ axikananomo ehxirõko mã toto, emero porehme.

Izaja 57:12

Zae ehtoh poko osekarõko matose repe; yrome onyrityã enepõko ase imehnomo a emero porehme, onyrityã toiparo rokẽ mana, typahsẽme sã rokene.

Jeremia 10:5

Mokaro toponãmasã oturusaromepyra mã toto: torõ tõ erehtoh sã mã toto tupito rãnao tarykase ahtao otyro ke. Tarorykõ se rokẽ mã toto, ytoytosaromepyra toexirykõke. Mokaro zuno pyra ehtoko: imehnõ onyryhmasaromepyra mã toto, imehnõ kure onyrisaromepyra roropa mã toto.”

Jeremia 10:8

Mokaro emero zuaro pyra mã toto, putupyra exiketõ sã mã toto. Toto anamorepara ineponãmarykõ wewe risẽ mana?

Romanos 1:25

Zae mã Ritonõpo omiry yrome ise pyra mã toto. Ajohpe ehtoh ke imyakãmary se mã toto. Ritonõpo Kuesẽkõ oneahmara mã toto. Ritonõpo omipona pyra mã toto. Inyrityã rokẽ eahmãko mã toto. Ritonõpo eahmary kyya xine kure mana, mosa rokene.

1 Samueu 5:4

Yrome yrokokoro typakase ropa toto ahtao tonese ropa eya xine, tyneponãmarykõ toepukase ropa Ritonõpo omihpyry ẽ ẽpataka. Zupuhpyry toetohkase, apory tõ asakoro ro toetohkase, nono pona toepukase tapyi taka omõtoh po; zoko rokẽ tõxinamase.