Jeremia 10:13 - Ritonõpo Omiry: A Bíblia Sagrada na língua Aparai do Brasil

¹³ Tyripose ahtao eya tuna tõ aryryãko kapu ao: akurũ tõ onuhmanohpõko mana nono etyhpyry poe. Neneneh kamexipõko mana konopo maro, tyryrykane tũtanohpõko mana esary poe.

Jeremia 10:13 ပူးပေါင်းရင်းမြစ်များ

Jenexi 2:5

otyro pyra, onahpoty pyra roropa kynexine, konopo onenehpopitopyra ro Ritonõpo exiryke. Tupito arykananõ pyra roropa kynexine.

1 Tuisa 18:41

Mame ynara tykase Eria tuisa Akape a: — Seromaroro ytoko otuhse. Konopo oepyry etãko ase, konopo itamurume panaikato samo.

Jo 38:22

“Mytoase ykyryry newe kurãkatoh enese, konopoimo topu xikirimã kurãkatoh roropa?

Saumu 104:13

Kapu poe konopo enehpõko mase ypy tõ pona, onyrityã kurã nono zamaro mana.

Saumu 135:17

Typanare toh mã repe, yrome otato pyra mã kehko; oseremara roropa mã kehko.

Saumu 135:7

Sero nono etyhpyry poe akurũ enehnõko mana, nenenehkane rĩko mana konopo maro, tyryrykane enyohnõko mana tykyryry tõ esary ae.

Saumu 147:8

Akurũ ke kapu apurũko mana, konopo enehpõko mana nono pona, onahpoty ahtanohpõko roropa mana ypy tõ po.

Saumu 18:13

Morarame konomeru konõto tyrise Ritonõpo a; tõmiry totapose Ritonõpo Imehxo Exikety a.

Saumu 68:33

“Kure mase,” kahtoko Mokyro a, kapu ae kawaru po ytokety a, moino ro kapu ao mana, pakato ro mokyro. Aomiry etatoko, konomeru konõto sã mana.

Exutu 9:23

Tymyxiry tanỹse Moeze a kakoxi. Konomeru tonehpose Ritonõpo a te, konopoimo maro te, nenenehkane nono poro porehme. Tonehpose eya

Jeremia 14:22

Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”

Jeremia 19:12

Ynara tyrĩko ase sero pata poko, sero pata põkõ maro: toto tyripõko ase Jakanahmã Topete samo. Ywy Ritonõpo oturũko ase.

Jeremia 5:24

Okurohtao xine ynara kara mexiatose: “Kurehxo kyya xine exiry Ritonõpo Kuesẽkõ omipona kuahtao xine, konopo enehpõko mana konopo oehtoh toehse ahtao, eina etyhpyryme ahtao te, eina exipyra ro ahtao roropa. Kurehxo kyya xine exiry Ritonõpo Imehxo Exikety zuno kuahtao xine, jeimamyry ae rokẽ tykyrysã apoitoh enehpõko mana.”

Jeremia 51:16

Ritonõpo omipona aryryãko tuna mana kapu ao. Akurũ tõ onuhmanohpõko mana nono etyhpyry tõ poe. Neneneh kamexipõko mana konopo ae, tyryrykane tũtanohpõko mana tymõkomory kurãkatoh tae.

Amoxi 4:13

Ritonõpo mokyro ypy tõ Rihpono, tyryrykane Rihpono roropa. Tõsenetupuhtoh tonõ enepõko mana ahno tomo a; Saerehkatoh rĩko mana ikohmamyryme. Ytoytõko mana ypy tõ poro. Mokyro Esety: Kuesẽkõ Ritonõpo, Jamihmehxo Exikety.

Zakaria 10:1

Konopo ekaropoko Ritonõpo a eina oehpyra ro ahtao. Ritonõpo mokyro konopo enehpone, akurũ tõ maro, otyro ahtatohme tonahsẽ nae ahno emero ehtohme.