Jeremia 10:10 - Ritonõpo Omiry: A Bíblia Sagrada na língua Aparai do Brasil

¹⁰ Yrome omoro mase Ritonõpo nymyry; Ritonõpo isene exikety, Tuisame jũme exikehpyra exiketyme. Zehno awahtao sero nono tykytyky ãko mana; ahno tõ zehno awahtao enahnõko mã toto.

Jeremia 10:10 ပူးပေါင်းရင်းမြစ်များ

Jenexi 21:33

Mame moroto Peresepa po wewe tarykase Aparão a, moroto roropa Ritonõpo toahmase Aparão a, Jũme Exiketyme aexiry poko.

1 Tuisa 18:39

Mame moro eneryke tyya xine tõsenuruhkase toto, Izyraeu tomo. Tosekumurukõ po typorohse toto tõmytykõ nono pokoxi. Ynara tykase toto: — Ritonõpo yna Esemy, Ritonõpo nymyry mase. Omoro rokẽ Imehxo Exiketyme mase yna Esemy, tykase toh rahkene.

1 Tuisa 8:60

Morarame emero ahno, sero nono põkõ tuaro exĩko, omoro rokẽ Ritonõpome mase, imepỹ pyra mana.

1 Koronika 29:11

Imehxo mase, orẽpyra Exikety, xixi motye saerehkaneme mase, ẽmepyry motye, ypy tõ konõto sã osenuruhkapỹme mase toto rihpõme oexiryke. Emero kapu ao exiketõ, nono põkõ roropa okyryryme mã kehko. Tuisamehxo mase emero Esẽme.

2 Koronika 15:3

Okynahxo samo tuhke jeimamyry Izyraeu tõ Ritonõpo nymyry oneahmara mã toto, imaro oturukety pyra mã toto, tamorepaneke pyra, Aomiry pyra roropa toehse mã toto.

Jo 9:6

Nono tykytyky kamexipõko mana, tykytyky ãko nono mana. Sero nono apõ kywyh kywyh kamexipõko mana.

Saumu 10:16

Ritonõpo tuisame mase jũme; imehnõ tyneponãmarykõ eahmananõ osenahkãko mã toto ononory po.

Saumu 100:3

Wenikehpyra ehtoko Kuesẽkõ Ritonõpo mana. Inyrihpyryme sytatose, ipoenõme roropa; ipoetoryme sytatose, ekyme roropa.

Saumu 100:5

Kure Ritonõpo exiryke, kypyno xine aexiry jũme mana, kypyno xine aehtoh amonohkara, zae rokẽ exikehpyra roropa mana.

Saumu 104:32

Sero nono eneryhtao Ritonõpo a tykytyky ãko mana; ypy tõ aporyhtao eya orexĩto tũtãko mana.

Saumu 114:7

Tykytyky kaxiko, nono, Kuesẽkõ oepyryhtao, Izyraeu tõ Esẽ ẽpataka,

Saumu 145:13

Tuisame oehtoh jũme mana, emero esẽme oehtoh exikehpyra mana. Ritonõpo Kuesẽkõ tõmihpyry ae ro emero rĩko mana, anamonohpyra mana emero riryhtao eya.

Saumu 146:6

Kapu Rihpõme mã ynororo te, sero nono te, tuna konõto maro, nakuaõkõ maro emero porehme! Tõmihpyry omipona exikehpyra Kuesẽkõ mana;

Saumu 18:7

Morarame nono tykytyky tykase, kywyh tykase roropa, ypy tõ apõ kywyh tykase. Tykytyky tykase roropa, tãtaekymase Ritonõpo exiryke.

Saumu 29:10

Tuisame Ritonõpo Kuesẽkõ mana, tuna tõ zueme exiketõ epoe; Tuisame, jũme exikehpyra mana.

Saumu 31:5

Oya isene jehtoh ekarõko ase. Ypynanohnõko mase, Ritonõpo, jũme amonohpyra exiketyme oexiryke, Jesemy.

Saumu 42:2

Tuna enyry se exikety sã opoko penetãko ase, Ritonõpo, ose ase, isene exikehpyra Exikety! Omõxi oẽpataka oeahmase, Ritonõpo.

Saumu 68:11

Tynyripohpyry tokarose Ritonõpo a, mame nohpo tõ tuhkãkomo a moro omi tarose:

Saumu 68:8

nono tykytyky tykase, kapu poe konopo toehse itamurume Ritonõpo oepyryke Xinai esemy, Izyraeu tõ Esẽ roropa.

Saumu 74:12

Yrome omoro, Ritonõpo, moino ro yna Esẽme mase. Tuhke rokẽ typynanohse ynanexiase oya.

Saumu 76:7

Ahno emero ouno mã toto. Oẽpataka xikihme ehsaromepyra mã toto, zehno awahtao.

Saumu 76:8

Kapu aeino “Awãnohtorỹko ase,” karyhtao mokaro a; zuno toehse sero nono põkomo, tymynyhpãse ropa toto,

Saumu 77:18

Konomeru konõto tururume toytose epozakuroko; nono saereh tykase nenenehkane ke, nono tykytyky tykase, kywyh kywyh tykase roropa.

Saumu 84:2

Moroto amaro jexiry se ase! Omuhpe ase, Ritonõpo, amaro Atapyĩ tao jexiry se jexiryke. Upũ ke porehme oeahmãko ase, eremiãko ase opoko, Ritonõpo isene Exikety.

Saumu 9:8

Kure rokẽ erohnõko Ritonõpo mana sero nono põkõ tuisaryme; zae toehtoh ke ahno apiakãko mana, zae ehtoh waro toexiryke.

Saumu 90:11

Onoky tyehno oexiry jamitunuru waro nae? Onoky enaromỹke toehse tyehno oehtoh pokoino?

Saumu 90:2

Ypy tõ onyripyra ro awahtao, sero nono onyripyra roropa awahtao, xixi tõkehko, apitorymã poe Ritonõpome mase, jũme exikehpyra mase.

Saumu 93:2

Tuisame oehtoh onytyoromasaromepyra imehnõ mana, jũme mase apitorymã poe.

Saumu 97:4

Neneneh katoh sero nono zeipõko mana. Moro eneryke sero nono põkõ tykytyky ãko mã toto.

Izaja 37:17

Yna omiry etako, Ritonõpo, yna etuarimatoh eneko. Mokyro Senakeripe omiry etako, oeunohnõko mana, Ritonõpo, isene Exikety.

Izaja 37:4

Mokyro Axiria esemy a typoetory, soutatu tõ esẽ tonehpose Ritonõpo Imehxo Exikety eunohtohme. Kure exiry mokyro omiry etaryke tyya mokyro wãnopyry Ritonõpo a. Naeroro oturuko Ritonõpo a kypoko xine, enepanohtyã poko.”

Izaja 40:15

Ritonõpo a ahno tõ emero sero nono po toiro tuna pitahkatoh sã mã toto poketi ao, putoh katoh sã rokẽ mã toto omoxinety kuhtoh po; ahmõta tõ moe aexityã puimãko mana, yrome eya isawã pisarara puimary samo.

Izaja 40:28

Zuaro pyra hmatou? Onetapitopyra hmatou sero poko? Kuesẽkõme mã Ritonõpo, jũme exikehpyra Exikety. Tytororo sero nono rihpõme mã ynororo. Etaehpyra mã ynororo, apotũkehpyra roropa; tuaro aexiry onukuhsaromepyra imehnõ mana.

Izaja 57:15

“Ywy ase Kapuaono, Ritonõpo Kurano, Jũme isene Exikety, ynara ãko ase: Jesary kae exiketyme mana, osa kurãme mana, yrome jesary roropa mana epyrypara exiketõ esaryme, tyyrypyrykõ poko emynyhmaketõ esaryme roropa, toto akorehmatohme jenetupuhtohme roropa apotũkehpyra toto ritohme roropa.

Izaja 65:16

Mame ahno, Ritonõpo nonory põkõ kure ehtoh ekaropory se ahtao, Ritonõpo a morohne ekaropõko mana, tõmihpyry anamonohpyra Exiketyme exiryke; imehnomo a tõmiry etapory se ahtao: ‘Ritonõpo neneryme morara tyrĩko ase,’ ãko mã toto.” Ynara ãko Ritonõpo mana typoetory tomo a: “Wenikehnõko matose oetuarimatopõpyrykõ poko, ywy roropa morohne poko wenikehnõko ase.

Jeremia 23:36

Yrome taroino jũme ynara kamexipopyra ase eya xine: “Ritonõpo omiry omoxĩ sã mana.” Ynara exiryke, moro karyhtao ahno a jomiry ripõko ase omoxĩ sã eya xine. Mokaro a Ritonõpo omiry tytyoromase, Ritonõpo Isene Exikety, Jamihmehxo Exikety.

Jeremia 4:2

Mame ajohpe pyra õmirykõ etaporyhtao oya xine, zae rokẽ awahtao xine: “Ritonõpo netaryme te, Ritonõpo neneryme,” ãko matose. Mame imehnõ nonory põkõ emero kure toto ripõko mã toto ya, jeahmãko roropa mã toto.

Jeremia 4:24

Osenuhmase ypy tõ pokoxi, tykytyky ãko toh nexiase; Emorymãkomo roropa kywyh ãko nexiase xia, mya ropa.

Jeremia 50:46

Papironia typoremãkase ahtao panaikato konõto osetãko mana. Nono tykytyky ãko mana. Ahno kui kary osetãko mana moe imeimehnõ nonory po.

Jeremia 51:29

Nono tykytyky ãko, kywyh ãko roropa ynara exiryke: Tyriry se toehtoh rĩko Ritonõpo mã rahkene. Patãpome Papironia rĩko mana ona tonorẽ samo, ahno esaryme pyra rahkene.

Tanieu 4:3

Kure kuhse ijamitunuru mana, inyrityã osenuruhkatohme mana! Tuisame imehxo exikehpyra mana, tuisame aexiry jũme enahpyra mana.

Tanieu 4:34

— Morarame 7me jeimamyry taropose ahtao, ywy, Napukotonozo osenuhmase kakoxi, josenetupuhtoh toekurãkase ropa. Ynara tykase ywy: “Kure mase, Ritonõpo kapu Esemy. Oeahmary se ase Imehxo Exiketyme mase, jũme Exikehpyra mase. Ritonõpo jamitunuru enahpỹme mana; tuisame aehtoh exikehpyra mana.

Tanieu 6:26

Ynara tyripõko ase oya xine emero ynonory põkomo: Ritonõpo, Tanieu Esẽ zuno ehtoko, Aomipona ehtoko. Mokyro eahmãko Tanieu mana. Isene Exiketyme mana, jũme exikehpyra mana. Tuisame aexiry onenahkapopyra imehnõ mana, ijamitunuru exikehpyra roropa mana jũme.

Tanieu 6:27

Ahno akorehmãko mana, toto pynanohnõko mana; tyjamitunuru enepõko mana, osenuruhkatoh enepõko roropa mana, kapu ao te, sero nono po roropa. Tanieu typynanohse eya, onesekara reão tõ ehtohme.”

Tanieu 7:14

Mame eya Tuisamehxo ehtoh tokarose mokyro ahno mũkuru panõ a, saeremehxo ehtohme, aomipona emero nono põkõ ehtohme. Mame emero omi waro exiketomo a, emero ahno a roropa toahmase ynororo. Ijamitunuru jũme mana, tuisame aexiry enahpỹme mana.

Joeu 2:11

Konomeru sã soutatu tõ tyripõko Ritonõpo mana; ipoetory tõ osetapaketõ ikuhpỹme mã toto, orẽpyra aomiry omipona exiketõ mana. Ritonõpo ẽmepyry enaroximatoh imehxo mana, orekohmato konõto. Onoky moro eanahtõko nae?

Mikeja 1:4

Mame ipupuru tõ zopino ypy tõ tunatãko mã kehko; moronapu sã mã kehko apoto htao; sararakame ytõko mã jakanahmã pona tuna sararakaneme samo.

Naum 1:5

Ritonõpo ẽpataka, ypy tõ tykytyky ãko mana, somohmã tõ atakuhmõko mã kehko. Oseneporyhtao nono tykytyky ãko, ipõkõ emero nono pona epukãko mana.

Naum 1:6

Zehno Ritonõpo ahtao xikihme ẽpataka ehsaromepyra mã toto, isene ro ehsaromepyra sytatose emero. Zehno aexiry kuãnõko mana iporiry sã apotoimo, ẽpataka topu tõ ehmõko rokene.

Apakuke 3:10

Ypy tõ oeneryke tykytyky tykase kehko; tuna tukuãse kapu aeino. Tuna tõ nono zopino panaikatome toehse sororokane samo, pohkane konõto samo tõnuhse mã kehko.

Apakuke 3:6

Totypohse ynororo ahtao, nono tykytyky ãko mana; ahno enẽko mana imeimehnõ nono põkomo, enaromỹke exĩko mã toto. Ypy tõ pake exiketõ kywyh kywyh ãko mã kehko, somohmã epukãko mã kehko, moino ro exiketomo, aytoryhtao moro po, apitorymã poe.

Marakia 3:2

Yrome onoky oseanahtõko nahe moro ẽmepyry toehse ahtao mokyro oepyryhtao? Onoky orẽpyra exĩko nae tooehse mokyro ahtao? Apoto sã exĩko mana uuru kurãkatoh samo, kymarokõ kurãkatohme. Sahpau sã exĩko roropa mana kukurikatohkõme.

Mateu 16:16

Ynara tykase Ximão Peturu eya: — Ritonõpo nymenekahpyryme mase, iirypyrymãkõ kurãkaneme. Ritonõpo mũkurume nymyry mase, tykase Peturu eya.

Mateu 26:63

Yrome mynyhme rokẽ Jezu kynexine. Morara exiryke ynara tykase ropa Ritonõpo maro oturuketõ tuisary eya: — Ritonõpo Kapuaõ kuenetorỹko mana. Awãnohnõko mana zae pyra jezukuruhtao oya. Morara exiryke zae yna zuruko. Ritonõpo nymenekahpyry hmahno? Yna kurãkaneme? Ritonõpo mũkuru nymyry mahno, tykase ynororo tõturupose.

João 17:3

Ynara ahtao orihpyra exĩko toto, Ritonõpome nymyry oenetuputyryhtao toto a, onenehpohpyryme jenetuputyryhtao roropa eya xine.

Atos 14:15

— Oty katoh pui zahkãko matou? Ahno rokẽ ynanase, ritõ kara. Ritonõpo omiry ekarose ynanoehno oya xine, oorypyrykõ rumekatohme oya xine. Ritonõpo omipona rokẽ oexirykõ se ynanase. Ritonõpo mokyro kapu rihpono, nono roropa, tuna roropa, kapuaõkõ roropa, nono põkõ roropa, nakuaõkomo, enara. Emero tyrise Ritonõpo a, tykase Pauru eya xine.

Teuteronomiu 32:4

Oewomanekõme Ritonõpo mana; kure kuhse inyrihpyry mana, zae rokẽ rahkene. Anamonohpyra mana, azahkuru pyra roropa mana ipunaka.

Teuteronomiu 5:26

Ahno isene ro exipitopyra nexiase Ritonõpo omiry etaxĩpo, aomiry etatopõpyry sã kyya xine, Ritonõpo Isene Exikety otururu apoto rãnao.

1 Tesaronika 1:9

Imehnõ pata tõ poro ekãtõko toto yna ytotopõpyry poko oya xine. “Kure rokẽ oseya mã toto, Pauru tõ maro Tesaronika põkomo. Ahno neponãmarykõ turumekase eya xine: ‘Ritõ kõ mokaro,’ kary se pyra toexirykõke, Ritonõpo Zae Exikety, Isene Exikety roropa omipona toehtohkõme.

1 Timoteu 6:17

Ynara kaxiko tymõkomokamo a: “Osenetaonohpyra ke ehtoko. Ynara kara ehtoko okurohtao xine: ‘Tãkye exĩko ase ytinerũ tomãse ahtao,’ kara ehtoko. Yrome ynara kahtoko rokene: ‘Tãkye rokẽ ase Ritonõpo poko. Emero ekarõko mã ya,’ kahtoko rokẽ okurohtao xine,” kaxiko eya xine, amorepako toto.

Epereu 10:31

Iirypyrymãkõ wãnopyry mã oahmame pyra mana. Oserehnõko mã toto. Epara roropa mã toto imyhtoino. Ynoro rokẽ mã isene exiketyme jumanatome.

Jozue 3:10

Ritonõpo nyriry enẽko matose, tuaro exĩko matose Ritonõpo isene exikety amaro xine mana, ekurehpyra mana kananeu tõ aropory poko owinoino xine, heteu tomo te, heweu tomo, perizeu tomo te, kirikaseu tomo, amoreu tomo te, jepuseu tomo, enara.

1 João 5:20

Ynara zuaro roropa sytatose, Ritonõpo mũkuru tooehse kyya xine tuaro kuehtohkõme, Ritonõpo waro roropa kuehtohkõme. Ritonõpo nymyry maro sytatose. Imũkuru maro roropa sytatose, Jezu Kyrixtu maro. Mokyro mã Ritonõpome nymyry. Mokyro maro orihpyra exĩko sytatose jumãme.

Apokaripxi 20:11

Morarame tuisa apõ konõto enease, karimutumano. Tapõ po typorohse exikety enease roropa. Ewinoino sero nono toepase samo, kapu roropa toepase samo, osenepyra toehse.

Juize 5:4

Ritonõpo Imehxo Exikety ypy Seia poe tutũtase awahtao, tooehse awahtao roropa Etõ nonory poe, nono tykytyky tykase. Konopo itamurume tooehse kapu ae.

1 Samueu 17:26

Mame imehnomo a tõturupose Tawi: — Oty apoĩko mokyro totapase ahtao Izyraeu tõ eunohkehpotohme? tykase Tawi eya xine. — Ritonõpo omipona pyra exiketyme mokyro pirixteu. Imehxo Ritonõpo mana. Ipoetory tõ onyporemãkasaromepyra mokyro mana, tykase Tawi.

1 Samueu 17:36

— Morara tyrise ya reão poko te, uuso poko roropa. Morararo mokyro pirixteu etapãko ase, Ritonõpo omipona pyra exikety, ipoetory tõ poremãkapory se exikety.