Jeremia 1:9 - Ritonõpo Omiry: A Bíblia Sagrada na língua Aparai do Brasil

⁹ Mame tomary ke ypotapihpyry tapose Ritonõpo a, ynara nase ya: — Eneko ke! Jomiry ekarõko ase oya, imehnõ zurutohme.

Jeremia 1:9 ပူးပေါင်းရင်းမြစ်များ

Izaja 49:2

Jomiry taere exikety sã tyrise eya, tapema aehtohpyry samo, towomase ywy tomary ke eya. Pyrou sã tyrise ywy eya pohsuime exikety samo tukurãkase typyre ẽ ao, tõsẽ wotoh eraximatohme samo.

Izaja 50:4

Ritonõpo Imehxo Exikety a tamorepase ywy jotururu waro jehtohme totaehse exiketõ jamihtanohpotohme ya. Ẽmepyry ae rokẽ aomiry etary se jyrĩko mana aomiry etatohme jamoreparyhtao.

Izaja 51:16

Kapu tyrise ya taunuhmapose roropa, sero nono tyrise ya roropa. Ynara ãko ase Jerusarẽ põkomo a: ‘Ypoetoryme matose, jomihpyry ekaroase oya xine, jemary ke oewomatorỹko ase.’ ”

Izaja 59:21

“Ynara jomiry etapõko ase oya xine,” ãko Ritonõpo mana: “Juzenu, amaro xine exikety te, jomiry roropa ynekarohpyry oya xine, jũme amaro xine exikehpyra exĩko. Morohne poko opoenõ amorepãko matose te, apakomotyã roropa jũme orumekara xine ehtohme,” ãko Ritonõpo mana.

Jeremia 15:19

Ynara tykase Ritonõpo: — Ooepyry se ropa awahtao ya, ose exĩko ropa ase, ypoetoryme orĩko ropa ase. Atakirimara awahtao, yrome zae jomiry ekaroryhtao oya imehnõ netaryme urutõme exĩko ropa mase. Mame ahno oehnõko ropa mã toto oya, omoro ytopyra exĩko mase eya xine oturutohme.

Jeremia 34:6

Mame moro emero ekaroase tuisa Zetekia a, Jerusarẽ po,

Jeremia 36:2

— Jeremia, pape apoiko, jomihpyry merotohme ipokona: ynekarohpyry Izyraeu tõ poko te, Juta tõ poko roropa te, imehnõ nonory põkõ poko roropa emero. Ynekarohpyry emero imeroko joturupitotopõpyry poe oya, Joxia tuisame ahtao, seromaroro pona.

Ezekieu 3:10

Tõturuse ro Ritonõpo ya: — Ahno mũkuru, etako kure jomiry poko emero, wenikehpyra oehtohme.

Tanieu 10:10

Mame imepỹ emary a tanỹse ywy jesekumuru pona jemary nono pona ro, tykytyky ãko ro exiase.

Tanieu 10:16

Mõtoino rokẽ ypotapihpyry tapose tomary ke mokyro Ritonõpo nenyokyhpyry a, ahno panono a; morara ahtao oturupitoase, ynara ase eya: — Tuisa, moro enepotoh pokoino tyjamihkehse ywy, tykytyky kakehpyra ase.

Numeru 23:5

Mame omi tokarose Ritonõpo a Paraão a ekarotohme Parake a. Mame tonyohse ropa ynororo eya Parake zurutohme.

Mateu 10:19

Mame aarorykohtao terekatu a ohxirotohkõme, oserehpyra ehtoko. Torẽtyke pyra ehtoko ezukurukõ poko oya xine. “Otara ãko hano jyhxiroryhtao? Otãto toto ezuhnõko hano?” kara ehtoko. Toto maro awahtao xine, Ritonõpo ãkorehmatorỹko mana toto ezukuru poko.

Maku 7:33

Morarame kurãkara arone myahxo. Tomahxiky tyrise ipanary aka. Ituh tykase roropa ynororo. Moromeĩpo inuru tytemuhmase tomary ke.

Ruka 12:12

Ynara exiryke, Ritonõpo Zuzenu ãkorehmatorỹko mana ezukurukõ poko moro tao awahtao xine, tykase Jezu eya xine.

Ruka 21:15

Toto ezuhtoh ekarõko ase oya xine. Tuaro oritorỹko roropa ase zae rokẽ ozehnotokõ ezuhtohme oya xine. Oezuhpyra xine exĩko toh mana.

Teuteronomiu 18:16

Wenikehpyra hmatou, moro ẽmepyry ae tõximõse mexiatose ypy Xinai ãkatao? Moturuase Ritonõpo a, ynara matose: “Ritonõpo omiry onetapopyra ropa exiko yna a. Apoto konõto onenepopyra ropa exiko yna a yna orikyryino.”

Teuteronomiu 18:17

Mame ynara tykase Ritonõpo ya: “Mokaro omiry zae mana.

Teuteronomiu 18:18

Jekyry tõ wino urutõ menekãko ase asã exikety. Jomiry ekarõko ase eya ahno zurutohme, ynyripohpyry emero porehme.