Jeremia 1:14 - Ritonõpo Omiry: A Bíblia Sagrada na língua Aparai do Brasil

¹⁴ Mame ynara tykase Ritonõpo ya: — Inikahpoe enahkatoh oehnõko mana. Ekuãnõko sã mana tarõkõ pona, emero porehme.

Jeremia 1:14 ပူးပေါင်းရင်းမြစ်များ

Izaja 14:31

“Oxitatoko pirixteu tomo, kui kahtoko jetũ toehse oya xine exiryke, pirixteu patary põkomo! Enaromỹke ehtoko emero porehme! Inikahpoe akurũ konõto oehnõko, putoh katoh samo: imoihmãkõ, soutatu tõ tuhke enaromyra exiketõ mana.”

Izaja 41:25

“Ya orutua tymenekase, xixi tũtatoh wino nono pono. Jenetupuhne mokyro, enehpõko ase inikahpoe etonatohme topetõkara maro. Ikurepato pona sã tuisa tõ pona itũtũmãko mana, oripo apuhne sã orino tũtũmary sã tupupurukõ ke.

Jeremia 10:22

Etatoko pahne! Omi toehse! Ahno inikahpoe panaikato ke oximõnõko mã toto. Isoutatu tõ oehnõko Juta patary tõ ritohme patãpome, onokyro tõ esaryme.”

Jeremia 11:17

— Ywy, Ritonõpo Jamihmehxo Exikety, Izyraeu arykase Juta maro; yrome seromaroro popyra ehtoh ke toto enaroximãko ase. Eya xine sero popyra ehtoh tonehpose typona xine, zae pyra toehse toto exiryke; tyzehno xine tyripose ywy eya xine tynekarorykõ zahkary poko Paau eahmaryme.

Jeremia 25:9

“Ahno tõ enehpõko ase emero inikahpoe ypoetory, tuisa Napukotonozo maro Papironia poe. Mokaro enehnõko ase etonatohme sero põkõ, Juta tõ maro, imehnõ nonory põkõ maro, ononorykõ zomye exiketõ maro. Mokaro enahkapõko ase ipunaka; nono pona jũme tomasẽme exĩko mã toto. Morohne eneryke osenuruhkãko imehnõ mana, enaromỹke exĩko mã toto. Ywy, Ritonõpo, oturũko ase.

Jeremia 31:8

Toto enehnõko ase inikahpoe, imehnõ nono tõ poe, moino sero nono etyhpyry poe. Imaro xine tonurẽkara oehnõko mã toto, ahmitatyã roropa, nohpo tõ poetoẽme exiketõ maro enurusasaka exiketõ roropa. Oehnõko ropa mã toto imoihmãkomo, tynonoke imehxo exiketõme.

Jeremia 4:6

Osema enepotoko Xião pona ytotopo! Osewomatoh taka epatoko! Oneraximara ehtoko! Inikahpoe, popyra ehtoh enehpõko Ritonõpo mana, itamurume tonahkasẽme exĩko.

Jeremia 46:20

Pui ẽxiry sã Ejitu mana kurano, tupurusẽme moromoroimo a inikahpoe aehtyamo a.

Jeremia 47:2

Ynara tykase ynororo: “Enetoko ke! Tuna onuhnõko inikahpozakoxi, tururume ytõko mana opotunety samo, tuna zueme exikety sã roropa. Nono emero nerỹko mana, pata tõ maro, ahno maro pata põkomo. Kohtãko mã toto takorehmane se toexirykõke, sero nono põkõ xitãko mã toto emero porehme.

Jeremia 50:41

“Ahno imoihmãkõ oehnõko moinõ, nono poe inikahpoe; ahno orẽpyra exiketõ, tuisa tõ tuhkãkõ maro, tykyryrykõ rĩko mã toto etonatohme.

Jeremia 50:9

Ynara exiryke: Inikahpoe imehnõ nonory põkõ oximõpõko ase jamihme exiketomo ytotohme etonatohme papironio tõ maro. Osetapãko mã toto pata Papironia poremãkatoh pona. Isoutatu tõ pyrou wõko mã toto, emese kure urakanaketõ samo. Amonohpyra mã toto.

Jeremia 6:1

Pẽjamĩ tomo pata Jerusarẽ irumekatoko, epatoko osa osewomatoh pona! Rue etotoko Tekoa po, enaroximatoh tyritoko pata Pete-Hakerẽ po. Popyra ehtoh oehnõko mana inikahpoe, tarõkõ esary enahkatohme.

Jeremia 6:22

Ynara ãko Ritonõpo mana: — Ahno oehnõko moino, imehnõ nonory poe inikahpoe; ahno jamihme exiketõ typyrekõ rĩko mã toto etonatohme.

Ezekieu 1:4

Osenuhmase, tyryrykane konõto enease oehnõko inikahpoino. Neneneh tykase akurũ konõto wino. Moro akurũ zomye kapu enease apotome, moro apoto rãnao zemime exikety nexiase metau panono.

Ezekieu 24:3

Ypoetory tõ, jomiry omipona pyra exiketõ zuruko sero enetupuhpotoh poko, ywy, Ritonõpo Oesẽkõ omi poe: “Oripo tyriko apoto pona, tuna ke pehme tyriko.

Joeu 2:20

Mya mokaro taparara tõ inikahpoe aehtyã aropõko ropa ase owinoino xine. Ona tonorẽ pona toto aropõko ase. Osemazuhme aehtyã tõmasẽme exĩko mã kehko tuna konõto Aorikyhpyry kuaka xixi tũtatoh wino, mokaro mykapo aehtyã epukãko mã toto tuna konõto Metiteraneu kuaka. Mokaro taparara ekepyry tõ tymoke exĩko mana, su ãko mã kehko. Toto enahkapõko ase yjamitunuru ke.

Zakaria 6:6

Moro kahu tytywyhmase kawaru tõ xinukutumãkomo a, Papironia pona ytõko mana inikahpozakoxi. Moro mykapo kahu tytywyhmase kawaru karimutumãkomo a ytõko mana nono pona xixi omõtoh wino. Moro kahu tytywyhmase kawaru pitahpitahme exiketomo a ytõko nono pona ikurenaka.