Jeremia 1:12 - Ritonõpo Omiry: A Bíblia Sagrada na língua Aparai do Brasil

¹² — Zae mase, tykase Ritonõpo ya. — Ywy roropa eraseme sã osenuhmãko ase, jomihpyry ae ro emero ehtohme.

Jeremia 1:12 ပူးပေါင်းရင်းမြစ်များ

Izaja 55:11

Moro sã mã jomihpyry: ekurehpyra mana, tyriry se jehtoh rĩko mana emero porehme. Emero exĩko mana jomihpyry ae ro.

Jeremia 1:13

Tõturupose ropa Ritonõpo ya: — Oty ropa enẽko mahno? — Oripo enẽko ase inikahpoe, ahnõko, ekuãnõko roropa xiaro, ase eya.

Jeremia 24:3

Mame tõturupose Ritonõpo ya, ynara tykase: — Jeremia, oty enẽko mah? — Fiku epery! tykase ywy. — Moro kurãkõ kure nymyry mã kehko. Yrome moro popyra aexityã popyra mã kehko ipunaka, onenahsaromepyra ahno mana.

Jeremia 31:28

Morarame tomeseke jehtopõpyry sã, toto mity ouru poko, toto akotyry poko, toto ryhmary poko te, toto itahkary poko, toto enahkary poko roropa, moro saaro tomeseke sã toto emãkapõko ase tupito arykary samo te, tapyi amory sã toto rĩko ropa ase. Ywy Ritonõpo oturuno.

Ezekieu 12:25

Ywy Ritonõpo oturũko ase, mame morohne exĩko mana jomihpyry ae ro. Okynã pyra morohne exĩko mana. Jomiry omipona pyra exiketomo, isene ro matose emero riryhtao ya jomihpyry ae ro. Ywy, Ritonõpo Oesẽkõ oturuno.

Ezekieu 12:28

Morara exiryke ynara kaxiko eya xine: ywy, Ritonõpo ynara ãko ase: “Taroino okynã pyra exĩko mana. ‘Ynara exĩko mana,’ karyhtao ya moro sã exĩko mana.” Ywy, Ritonõpo Oesẽkomo, oturuno.

Amoxi 8:2

Mame tõturupose ynororo ya, ynara tykase: — Amoxi, oty enẽko mah? — Ruto, pehme epery ke exikety, tahpirãse exiketõ ke! ase eya. Mame ynara tykase ynororo ya: — Izyraeu, ypoetory tõ enahsasaka mana. Epery tahpirãse exikety sã toehse mã toto, toto apoitoh eraximãko rokẽ mã toto. Jũme toto onypynanohpyra ropa exĩko ase, toto wãnohnõko ase.

Ruka 10:28

— Ỹ, tuaro oehtoh zae. Moro omipona awahtao, orihpyra exĩko mase, jũme, Ritonõpo maro, tykase Jezu eya.

Ruka 20:39

Morarame ynara tykase Moeze omihpyry warõkõ Jezu a: — Emese kure kuezuhtou. Ajohpe pyra mase, tykase toto.

Teuteronomiu 18:17

Mame ynara tykase Ritonõpo ya: “Mokaro omiry zae mana.

Teuteronomiu 32:35

Imỹpõko Ritonõpo mã rahkene; toto wãnohnõko rahkene. Okynã pyra osetapãko epetõkara mã toto oximõme. Okynã pyra typoremãsẽme exĩko mã toto.

Teuteronomiu 5:28

— Õmirykõ totase Ritonõpo a õtururukohtao ya. Ynara tykase ynororo: “Mokaro omiry etano aotururuhtao oya, aomirykõ zae mana.