Jenexi 9:27 - Ritonõpo Omiry: A Bíblia Sagrada na língua Aparai do Brasil

²⁷ Ritonõpo poe, tuhke nono esẽme Jape ripõko ase. Ipakomotyã Sem pakomotyã maro toto ripõko ase. Yrome Jape poetoryme, Kanaã tõ ripõko ase.

Jenexi 9:27 ပူးပေါင်းရင်းမြစ်များ

Jenexi 10:2

Jape poenõ ynara kynexine: Komea, Makoke, Matai, Jawã, Tupau, Meseke, Tira, enara.

Jenexi 27:29

Ahno tõ tuisaryme oripory se ase imehxo oexiry enetupuhtohme imeimehnomo a. Oekyry tõ esẽme oehtohme, oekyry tomo a kure oritohme. Popyra oripory se exiketõ popyra roropa exĩko mã toto. Kure exĩko mã toto kure oripory se exiketomo, tykase ynororo Jako a.

Jenexi 9:28

Morarame zueme tuna konõto kumatopõpyry poe 350me jeimamyry taropose Noe a.

Izaja 11:10

Moro ẽmepyry toehse ahtao tuisa Tawi pary tuisame exĩko mana, imityme roropa mana Jese tõ Rihpõme exiryke; pãteira sã exĩko mana imehnõ nonory põkomo a. Imeimehnõ nonory põkõ ytõko mã toto eya imaro ehtohme, ipatary kure rokẽ exĩko mana.

Izaja 66:19

Toto rãnaka tuisamehxo jehtoh enetupuhpotoh rĩko ase. — Mame tapiakase toto ahtao ya, isene ro exiketõ aropõko ase, emero pyra, imeimehnõ nonory põkomo a, moe exiketõ pona juaro exipitopyra exiketomo a, yjamitunuru onenepitopyra exiketomo a roropa. Toto aropõko ase Expania pona, Ripia pona, Ritia pona roropa, emese kure pyrou ekomananõ moroto mana. Ytõko roropa mã toto Tupau pona te, Kerexia pona roropa. Mokaro ahno a emero yjamitunuru poko toto zurũko mã toto.

Ozeja 2:14

Ynara tykase Ritonõpo Izyraeu tõ poko: — Morara exiryke mokyro eahmãko ase; arõko ropa ase ona tonorẽ pona ropa, moroto omi kurã ke oturũko ase eya ipyno jehtoh ae.

Marakia 1:11

Imeimehnõ nonory po emero, jeahmãko mã toto. Emero rokẽ po ixtaratu zahkãko imehxo jehtoh ekaroryme, tokykõ kurã ekarõko mã toto tynekarorykõme ya. Emero Tuisamehxo jekarõko mã toto.

Atos 17:14

Morara exiryke Pauru tonyohse axiny Jezu poetory tomo a, tuna konõto ena. Xira tõ rokẽ moroto tõxinomose Perea po Timoteu maro.

Romanos 11:12

Juteu tõ Ritonõpo omipona pyra toehse. Morara exiryke juteutõkara pynanohnõko Ritonõpo mana seromaroro. Onenetupuhpyra juteu tõ kynexine. Morara exiryke juteutõkara enetupuhnõko seromaroro. Juteutõkara a kurãkõ ekarõko Ritonõpo mana seromaroro tõmipona pyra juteu tõ toehse exiryke. Yrome juteu tomo a enetuputyryhtao ropa itamurumehxo Ritonõpo nekarory apoĩko juteutõkara mana juteu tõ maro.

Romanos 15:12

Ynara roropa tymerose Izaja a: “Tawi pary enurũko mana, Jese mũkuru; Orẽpyra exĩko mana, juteutõkara esẽme. Mame mokyro enetuputyryke tyya xine tosẽkõme, kure toexirykõ eraximãko mã toto,” tykase.

Epezu 2:19

Juteutõkara matose. Yrome tyorõpõkõme pyra matose. Katonõme pyra roropa matose Ritonõpo a. Esary põkõme matose toehse, imehnõ Ritonõpo poetory tõ maro, Ritonõpo poenõme toehse oexirykõke.

Epezu 3:13

Naeroro etuarimãko ase Kyrixtu omiry ekaroryke ya oya xine. Morara exiryke poremãpyra ehtoko jetuarimary etaryhtao oya xine. Kure oripotohkõme Kyrixtu omiry ekaroase oya xine. Kure oripotohkõme roropa tomõse ase ãpuruhpyry taka.

Epezu 3:6

Ynara tykase Ritonõpo pake tyya rokene, “Kure rokẽ juteutõkara rĩko ase juteu tõ maro. Ypoenõme exĩko mã toto Kyrixtu omiry enetuputyryke eya xine,” tykase ynororo. “Mame juteu tõ juteutõkara maro osepyno exĩko toh mana, Jezu Kyrixtu enetuputyryke eya xine. Ynekarory juteu tomo a, moro ekarõko roropa ase juteutõkara a,” tykase ynororo pake tyya rokene.