Jenexi 9:15 - Ritonõpo Omiry: A Bíblia Sagrada na língua Aparai do Brasil

¹⁵ akurũ poko wenikehpyra ase jomihpyry poko oya xine, onokyro tõkehko a te, isene exiketomo a emero. Morara exiryke imepỹ tuna konõto kumara ropa mana isene exiketõ emero enahkatohme.

Jenexi 9:15 ပူးပေါင်းရင်းမြစ်များ

Jenexi 8:21

Mame Ritonõpo zamaro Noe nyahkahpyry kynexine. Typoxine inekarohpyry kynexine eya. Ynara tõsenetupuhse Ritonõpo: taroino sero nono põkõ onenahkapozomopyra ase te, popyra ehtoh onenehpopyra ropa ase sero nono pona ahno pokoino. Zuaro ase, typoetõkõ ae ro tyyrypyrykõ poko rokẽ osenetupuhnõko ahno tõ mana.

Jenexi 9:10

isene exiketomo a te, amaro xine kanawae itũtatyã ropa a, torõ tomo a te, okyno tõkehko te, onokyro tõkehko te, emero sero nono põkomo a.

Jenexi 9:11

Ynara jomiry etapõko ase oya xine, jũme jomiry onytyoromara ase: Taroino tuna onukumanohpozomopyra ase isene exiketõ enahkapotohme. Taroino sero nono onynerymapopyra ropa ase.

Jenexi 9:14

Akurũ tõ riryhtao ya kapu poko, okohkuri eneryhtao ya,

1 Tuisa 8:23

ynara tykase ynororo: — Ritonõpo, Izyraeu tõ Esemy, imepỹ asã pyra mana kapu ao te, sero nono po roropa. Opoetory tõ pynanohnõko mase õmihpyry ae ro, yronymyryme õmiry omipona toto ahtao.

Neemia 9:32

“Ritonõpo, yna Esemy, Imehxo Exiketyme mase! Osenuruhkãko ynanase, ajamitunuru eneryke yna a! Õmihpyry yna tamuru tomo a anamonohpyra mase. Moino typoremãkase yna ahtao, axirio tomo a tarona, toetuarimase yna! Yna tuisary tomo, yna tamuximãkomo, oturuketomo te, urutõ kõ roropa, yna tamuru tomo te, yna ekyry tomo emero toetuarimase yna! Wenikehpyra exiko yna etuarimatoh poko!

Saumu 106:45

Mokaro eneryke tyya wenikehpyra toehse tõmihpyry etapotopõpyry poko, typoetory tõ pynohxo toexiryke toto zehno pyra toehse ropa ynororo.

Exutu 28:12

Moro topu tõ tyriko eary tõ pokona, moro upo kyryry pona Izyraeu tõ esetykõ arotohme Arão a Ritonõpo ẽpataka, aerokurukohtao tapyi kurã tao. Morara ahtao ywy, Ritonõpo, wenikehpyra ase ypoetory tõ poko.

Jeremia 14:21

Õmihpyry poko wenikehpyra exiko, typahsẽme rokẽ yna onekaropyra exiko, Jerusarẽ onyporemãkapopyra exiko, onymenekahpyry Tuisa Konõtome oehtoh apõ esaryme exiryke. Omihpyry onetapohpyry yna a omipona exikehpyra exiko.

Ezekieu 16:60

Yrome jomihpyry oya omipona ro ase exĩko. Kuuruase poetome ro awahtao. Jomiry ekarõko ropa ase oya jũme onytyoromara ehtohme.

Ruka 1:72

Kure oritorỹko ase. Iirypyryme ro awahtao xine ro awãnohpyra xine ase,” tykase kytamurukomo a. Morara katopõpyry poko wenikehpyra mana. Tõmihpyry ae ro mana.

Teuteronomiu 7:9

Wenikehpyra ehtoko, Ritonõpo Kuesẽkõ rokẽ Ritonõpome mana. Anamonohpyra roropa mana. Tõmihpyry omipona exikehpyra mana. Typoetory tõ pyno exikehpyra roropa mana miume zumakahpõkõ pona, tosẽkõme ipyno exiketomo a, aomiry omipona exiketomo a.