Jenexi 8:16 - Ritonõpo Omiry: A Bíblia Sagrada na língua Aparai do Brasil

¹⁶ — Otũtatoko ropa kanawae opyty maro, opoenõ maro opoenõ pyxiamo, enara.

Jenexi 8:16 ပူးပေါင်းရင်းမြစ်များ

Jenexi 7:1

Morarame ynara tykase Ritonõpo Noe a: — Omõtoko kanawa aka, omoro atapyĩ taõkõ maro emero. Omoro rokẽ zae exiketyme mase yneneryme.

Jenexi 7:13

Mame moro ẽmepyry ae Noe tõ typyty maro tõtyrise kanawa konõto aka tumũkuru tõ oseruao maro Sem, Kam, Jape te, ipyxiãkõ roropa.

Jenexi 7:7

Tõsepynanohtohme kanawa konõto aka tõtyrise Noe, typyty maro, typoenõ maro, tumũkuru tõ pyxiã maro, enara.

Jenexi 8:15

Naeroro ynara tykase Ritonõpo Noe a:

Jenexi 8:17

Onokyro tõkehko roropa, okyno tõ roropa itũtanohpoko ropa toto, torõ tomo te, nono poro ytoytoketomo, enara. Sapararahme aropoko toto nono poro toto emãtohme ropa, pehme nono ehtohme ropa.

Saumu 121:8

Oewomãko mana oytoryhtao te, oepyry ropa ahtao, seromaroro te, jũme exikehpyra, enara.

Saumu 91:11

Tynenyohtyã ripõko Ritonõpo mana oewomatohme emero rokẽ pona oytoryhtao.

Zakaria 9:11

Ritonõpo ynara ãko mana: “Jerusarẽ põkomo, jomihpyry etapoase oya xine, opynanopyrykõ topehmase munu ke. Morara exiryke oekyry tõ anỹnõko ase toto apoihpõkõ winoino, tanỹsẽme exĩko mã toto eutary winoino, namotome oehtopõpyrykõ poe.

Jozue 3:17

Mame nono tonorẽ poro, tãtakuohse Izyraeu tomo, tehme rokẽ oturuketõ kynexine tuna rãnao. Moroto toraximase eya xine emero Izyraeu tõ atakuotyry tuna mõpozakoxi.

Jozue 4:10

Mokaro Ritonõpo omiry ẽ aronanõ tehme rokẽ toehse toh kynexine Joatão rãnao, mokaro imoihmãkõ atakuohtãne rokene, Ritonõpo nyripohpyry ae ro Moeze a ekarotohme Jozue a Izyraeu tõ zurutohme. Morotoino axĩ toytose toto, tuna takuohse eya xine.