Jenexi 8:12 - Ritonõpo Omiry: A Bíblia Sagrada na língua Aparai do Brasil

¹² Naeroro toraximase ropa mya roropa 7me ẽmepyry pona utuku enyohtohme ropa. Tonyohse ropa ahtao utuku eramara ropa toehse.

Jenexi 8:12 ပူးပေါင်းရင်းမြစ်များ

Jenexi 8:10

Toraximase ropa Noe a 7me ẽmepyry pona. Mame saeremã pona utuku tonyohse ropa.

Jenexi 8:11

Tooehse ropa ynororo kokonie pukuro, wewe, oriwera ary, tonehse eya tỹtao. Moro eneryke tyya tuaro toehse Noe tuna apaisẽ poko.

Saumu 27:14

Ritonõpo enetupuhko. Wenikehpyra exiko inyrihpyry poko, enaromyra roropa exiko. Ritonõpo Kuesẽkõ enetupuhko.

Izaja 25:9

Morarame moro ẽmepyry toehse ahtao ynara ãko mã toto emero: — Kuesẽkõme mokyro mana. Tonetupuhse ynororo kyya xine, mame typynanohse sytatose eya. Ritonõpo Kuesẽkõme enetupuhnõko sytatose. Seremiatone eahmaryme, satãkyematone takorehmase kuexirykõke eya.

Izaja 26:8

Ritonõpo, õmihpyry omipona ehtoh poko ynanase, oeraximãko ynanase; opyno rokẽ ynanase awaro sehxo ynanase, opoko yna osenetuputyry se.

Izaja 30:18

Oeraximatorỹko ro Ritonõpo mana, kure orirykõ se toexiryke, opynanopyrykõ se roropa mana; Ritonõpome mana, zae ehtoh rineme. Tãkye exiketõ mokaro aenetupuhnanomo.

Izaja 8:17

Tõtonẽse Ritonõpo mana typoetory Izyraeu tõ winoino, yrome zae aexiry poko enetupuhnõko ase, kukurãkarykõ ropa Kuesẽkomo a eraximãko ase.

Jeremia 48:28

— Moape põkomo, apatarykõ irumekatoko, ytotoko osesarise topu tõ rãnaka. Utuku sã ehtoko. Tymỹkõ rĩko mã toto topu emory ehpiõ po.

Apakuke 2:3

Sero enepotoh oehpyra ro mana, yrome morohne exĩko sero etyhpyry po, ekurehpyra mã rahkene. Okynahxo oehpyra ahtao eraximatoko. Ynara exiryke moro enepotoh toehse ahtao morohne exĩko mã rahkene.