Jenexi 7:16 - Ritonõpo Omiry: A Bíblia Sagrada na língua Aparai do Brasil

¹⁶ Tõtyrise toto orutua te, nohpo roropa, emero tyotyoro toto: onokyro tõkehko, okyno tõkehko Ritonõpo nyripohpyry ae ro Noe a. Mame Ritonõpo a omõtoh tapuruse, kanawa aka omõtopo.

Jenexi 7:16 ပူးပေါင်းရင်းမြစ်များ

Jenexi 7:15

Emero tomõse toto Noe maro, kanawa aka asasakorone rokene.

Jenexi 7:17

Morarame konopo konõto oehkehpyra nexiase 40me ẽmepyry pona. Itamurume xiriri tykase, sã katohro, sã katohro, sã katohro, zueme toehse tuna, mame kanawa tanỹse tuna a.

Jenexi 7:5

Mame Ritonõpo nyripohpyry emero tyrise Noe a, aomipona.

Jenexi 7:9

Tõtyrise toto Noe tõ maro kanawa aka asasakoro, orutua te, nohpo, enara, Ritonõpo nyripohpyry omipona.

Jo 12:14

Itahkaryhtao Ritonõpo a, onyrisaromepyra ropa ahno mana. Tymyhse ahtao Ritonõpo a, onymyhpokasaromepyra ropa ahno mana.

Saumu 46:2

Morara exiryke enaromyra exĩko sytatose, sero nono tykytyky karyhtao ro, ypy tõ epukaryhtao roropa zue aka, tuna konõto kuaka;

Porowepio 3:23

Kure rokẽ ytoytõko mase oesemary ae, oseosetapara exĩko roropa mase.

Mateu 25:10

— Morara kary etaryke tyya xine ytõko mã toto 5mãkomo, tuaro pyra exiketomo, oriu epekahse repe. Mame erẽnakety oehnõko sã koko toto esahpyo mana. Morarame imaro ytõko toh mã tuaro exiketõ rokene, 5mãkõ rokene. Tapyi taka omõnõko mã toto erẽnatoh taka, otuhtoh konõto pona. Mame tapyi apurũko sã erẽnatoh aporesemyry mana.

Ruka 13:25

— Mame tapyi esẽ tapyi apurũko mana. Moromeĩpo tooehse awahtao xine tapyi myhtokoxi, sekere ãko matose. Ynara ãko matose: “Apuruhmakako yna omõtohme,” ãko matose repe. Mame ynara ãko oezuhtorỹko mana: “Awaro pyra xine ase. Ozeino moehtou?” ãko mana.

Teuteronomiu 33:27

Ritonõpo, Jũme Exikehpyra Exikety, Kuewomanekomo, kuewomatorỹko mana tomary tõ ke. Kuepetõkara aropõko mana kynenerykõme, toto enahkapõko mana kyya xine.

1 Peturu 1:5

Tynekarory kyya xine kurãkãko Ritonõpo mana, tymaro jũme kuehtohkõme. Tonetupuhse oya xine exiryke oewomatorỹko Ritonõpo mana tyjamitunuru ke. Imeĩpo opynanopyrykõ enepõko mã Ritonõpo sero põkomo a, sero etyhpyry po tymaro jũme kuehtohkõme.