Jenexi 7:11 - Ritonõpo Omiry: A Bíblia Sagrada na língua Aparai do Brasil

¹¹ Moro zano 600me jeimamyry Noe nae kynexine. Mame ẽmepyry 17mã po, nuno asakoro ehtoh po, tuna eutary tõ tuna konõto poe, nono zopino, toehmose kehko. Konopo konõto tooehse roropa kapu ae, osenuhmatoh konõto tõ tãtapuruhmakase samo.

Jenexi 7:11 ပူးပေါင်းရင်းမြစ်များ

Jenexi 1:7

Morarame tuna tãtapiakase zokonaka zopino ehtohme te, zokonaka kakoxi onuhtohme, amerehmã moinakoxi.

Jenexi 6:17

Tuna kumanohpõko ase sero nono po isene exiketõ enahkatohme emero porehme. Sero nono põkõ emero orihnõko mana.

Jenexi 7:6

600me jeimamyry nae Noe kynexine tuna konõto tukumase ahtao nono zumyhkatohme porehme.

Jenexi 8:14

Mame ẽmepyry 27mã po, nuno asakoro ehtoh po nono tanoryse kure.

Jenexi 8:2

Tuna eutary roropa nono zopino nakuao, soesoekane tapuruse ropa Ritonõpo a, kapu tapuruse roropa Ritonõpo a konopo oehpyra ehtohme.

2 Tuisa 7:19

Morara kary etaryke tuisa akorehmane a morara tykase eya: — Morara ehsaromepyra mana, Ritonõpo a tonahsẽ tonehpose ahtao ro kapu poe, tykase. Mame Eriseu a tozuhse: — Oenuru ke morohne enẽko mase repe, yrome onenahpyra mase ekurehnõko.

2 Tuisa 7:2

Yrome ynara tykase tuisa akorehmane Eriseu a: — Osenuhmatoh riryhtao Ritonõpo a kapu ao tiriiku epukatohme sewata maro morara ehsaromepyra mana, tykase. Ynara tykase Eriseu eya: — Oenuru ke morohne enẽko mase repe, yrome onenahpyra ekurehnõko mase, tykase.

Jo 12:15

Konopo onenehpopyra Ritonõpo ahtao tonore exĩko mana. Konopo enehporyhtao eya zueme tuna tõ exĩko mana.

Jo 28:4

Moe pata tõ poe eutary ahkãko mana, ahno esahpokoxi, morotona ahno ytopyra ipunaka. Toiroro erohnõko mana tyhwyme, kywyh ãko mana.

Jo 38:16

“Jo, ytopitopyra mexiase tuna konõto enatyry tõ enese? Zue aka tuna konõto kuaka ytopitopyra roropa mexiase?

Jo 38:37

Onoky akurũ tõ kukuru waro nae? Onoky konopo enehpory waro roropa nae nono ehxikatohme tũpore toehse ahtao?

Saumu 33:7

Oximõme tuna konõto tõ tyrise Ritonõpo a esaka toiro; tukurãkase kehko eya ikurãkatoh tonõ ao.

Saumu 74:15

Tuna enatyry tõ tyrise oya iporiry tõ roropa, tuna inunõ tonore tyripose oya.

Porowepio 3:20

Tuaro toexiryke tuna tyripose eya sararakaneme; akuru tõ poe konopo oehtohme nono pona tyrise roropa eya.

Izaja 24:18

Mame urakanaketõ kurũke aepatyã epukãko mã toto eutary aka. Itũtatyã eutary ae tapoisẽme exĩko mã toto apoitoh ao. Konopo itamurume kapu poe oehnõko mana; sero nono apõ tõ tykytyky ãko mã kehko.

Izaja 24:19

Sero nono kywyh ãko, tyrakasẽme exĩko, tykararahsẽme exĩko mana ipunaka.

Jeremia 5:22

Ywy ase Ritonõpo Oesẽkomo. Oty katohme juno pyra hmatou? Oty katoh tykytyky kara hmatou jẽpataka? Isawã rine tuna konõto ehpiryme jũme onymotyẽkara ehtohme. Tuna konõto osemãko, yrome tosae tũtara mana; pohkane tõ aryryãko reão sã repe, yrome ytopyra mã toto tosarykõ poe.

Jeremia 51:16

Ritonõpo omipona aryryãko tuna mana kapu ao. Akurũ tõ onuhmanohpõko mana nono etyhpyry tõ poe. Neneneh kamexipõko mana konopo ae, tyryrykane tũtanohpõko mana tymõkomory kurãkatoh tae.

Ezekieu 26:19

Ynara tykase Ritonõpo Kuesẽkomo: — Patãpome orĩko ase, pata tytohkase aexihpyry sã tytaõke pyra ipunaka. Nerỹko mase tuna konõto kuao.

Marakia 3:10

Ywy, Ritonõpo Jamihmehxo Exikety, ynara tyripõko ase oya xine, okyryrykõ 10me tapoise oya xine ahtao toiro enehtoko ytapyĩ taka, emero porehme, tonahsẽ itamurume nae ehtohme ytapyĩ tao. Kukuhtoko, mame enẽko matose. Osenuhmatoh tonõ etapuruhmakãko ase kapu ae, mame kure ehtoh itamurume enehpõko ase oya xine.

Mateu 24:38

Sero onynerymapopyra ro Ritonõpo ahtao tõtuhse sero nono põkomo. Eukuru tõse eya xine. Typytase toto. Tyniotase roropa toto Noe omõtoh pona kanawa konõto aka.

1 Tesaronika 5:3

Ynara karyhtao eya xine: “Emero kure sytatose,” ãko toh mã repe, tuaro pyra toexirykõke. Yrome axĩ toto etuarimatoh oehnõko mana. Atarypõko mã toto, nohpo oxietũtopitory samo. Toepatohkõ zupĩko mã toh repe.

2 Peturu 3:6

Tuna ke roropa nono po aexityã pakatokõ tonahkapose eya tuna konõto tukumanohpose ahtao eya.