Jenexi 6:7 - Ritonõpo Omiry: A Bíblia Sagrada na língua Aparai do Brasil

⁷ ynara tykase: — Mokaro enahkapõko ase, nono põkomo, ynyrityã emero, ahno te, onokyro tõkehko te, torõ tomo te nono poro ytoytoketomo. Yzamaro pyra ynyrityã toehse, tykase.

Jenexi 6:7 ပူးပေါင်းရင်းမြစ်များ

Jenexi 6:6

tãtasamase Ritonõpo kynexine ahno ritopõpyry poko tyya. Toemynyhmase ynororo,

Jenexi 7:21

Toorihse emero isene exiketomo, nono põkomo: torõ tomo te, okyno tõkehko te, onokyro tõkehko te, nono poro ytoytoketomo te, ahno, enara.

Jenexi 7:4

Ynara exiryke; taroino 7me ẽmepyry taropose ahtao konopo enehpõko ase, 40me ẽmepyry pona, saereme, koko, enara. Moro ke isene exiketõ enahkapõko ase, emero ynyrityamo.

Jenexi 8:21

Mame Ritonõpo zamaro Noe nyahkahpyry kynexine. Typoxine inekarohpyry kynexine eya. Ynara tõsenetupuhse Ritonõpo: taroino sero nono põkõ onenahkapozomopyra ase te, popyra ehtoh onenehpopyra ropa ase sero nono pona ahno pokoino. Zuaro ase, typoetõkõ ae ro tyyrypyrykõ poko rokẽ osenetupuhnõko ahno tõ mana.

Saumu 37:20

Yrome popyra exiketõ orihnõko mã toto; Kuesẽkõ zehnotokõ osenepyra exĩko mã toto onahpoty ekuru sã jakanahmã po. Orexĩto sã osenepyra exĩko mã toto.

Porowepio 10:27

Ritonõpo omiry omipona exiketõ isenehxo mã toto, okynahxo orihpyra mã toto. Yrome popyra exiketõ orihnõko mã toto aorihtoh po pyra ahtao ro.

Porowepio 16:4

Emero tyrise Ritonõpo a zae rokẽ ehtohme etyhpyryme, popyra exiketõ tuãnohsẽme rokẽ exĩko mã toto.

Izaja 27:11

Wewe amoriry tõ toorihse mã kehko, toetahtahkase mã kehko; morohne anỹnõko apotopokõme nohpo tõ mana. Putuhtome exiketõ sã Izyraeu tõ exiryke toto pyno pyra Ritonõpo exĩko mana, toto wãnopyryhtao onewomara mana.

Ozeja 4:3

Morara exiryke sero nono tonore exĩko mana, isene exiketõ emero orihnõko mana. Okyno tõ orihnõko mã toto, onokyro tõ roropa, torõ tomo, kana tõ roropa, enara.

Amoxi 7:3

Naeroro tõsenetupuhtoh tytyoromase Ritonõpo a, ynara tykase: — Onenehpyry exipyra exĩko mana.

Amoxi 7:6

Naeroro tõsenetupuhtoh tytyoromase Ritonõpo a. Ynara tykase ynororo: — Morohne roropa exipyra exĩko mana, tykase.

Sowonia 1:18

Moro ẽmepyry toehse ahtao, parata ãkorehmasaromepyra mana uuru roropa opynanohsaromepyra mana awãnohpyra Ritonõpo ehtohme, ozehno xine Ritonõpo Kuesẽkõ ahtao. Sero nono zehno toexiryke jahkãko mã ynororo apoto ke emero porehme. Epasaromepyra exĩko sero nono põkõ mana, mokaro enahkapõko mana oximõme emero porehme.

Sowonia 1:2

Ynara ãko Ritonõpo mana: — Sero nono po ehtoh emero enahkapõko ase:

Sowonia 1:3

Ahno enahkapõko ase, onokyro tõ maro, okyno tomo, torõ tomo, kana tomo, enara. Popyra exiketõ wãnohnõko ase. Ahno enahkapõko ase emero porehme.

Teuteronomiu 28:63

Morarame tãkye Ritonõpo ehtopõpyry sã kure orirykõ poko, tuhke oemãkaporykõ poko roropa, moro saaro atãkyemãko mana awãnopyrykõ poko, oenahkarykõ poko roropa. Tousẽme exĩko ropa matose, moro nono poe, epona ytõko matose apoitohme oesarykõme.

Teuteronomiu 29:20

Mokyro rypyry onykorokara Ritonõpo Kuesẽkõ exĩko mana moro riryhtao eya. Mokyro wãnohnõko yronymyryme moro popyra ehtoh ke, tymerose aexityã sero pape poko, mame mokyro poko wenikehnõko imehnõ mana porehme.

1 Samueu 15:11

— Typenekehse ase ypoetory tõ esẽme Sauu ehtoh poko. Jurumekase ynororo, ynyripohpyry eya omipona pyra toehse, tykase Ritonõpo. Mame morara kary etaryke tyya toemynyhmase Samueu yronymyryme. Sauu poko tõturuse ynororo Ritonõpo a, Izyraeu tõ Esemy a opore, ẽmepyry pona.