Jenexi 50:19 - Ritonõpo Omiry: A Bíblia Sagrada na língua Aparai do Brasil

¹⁹ Yrome tozuhse toto Joze a. Ynara tykase ynororo: — Enaromyra ehtoko. Oty kara ase opoko xine.

Jenexi 50:19 ပူးပေါင်းရင်းမြစ်များ

Jenexi 30:2

Morara kary etaryke tyya tohne toehse Jako, Rakeu zehno. Ynara tykase ynororo eya: — Ritonõpome jekarõko mah? Ynoro rokẽ omũkuapopyra mana.

Jenexi 45:5

Seromaroro emynyhmara ehtoko. Ehxiropyra roropa ehtoko jekarotopõpyry poko oya xine jenehtohme xiaro. Orihpyra oehtohkõme tonehpose ywy Ritonõpo a xiaro.

Jenexi 50:18

Moromeĩpo irui tõ tooehse eya. Toepuise toto Joze ẽpataka. Ynara tykase: — Taro ynanase, opoetoryme.

Jenexi 50:20

Ajohpe pyra, mosenetuputyatose josanumatoh poko repe. Yrome moro popyra ehtoh tymyakãmase Ritonõpo a kure ehtoh ke. Moro enẽko matose seromaroro. Tuhkãkõ typynanohse Ritonõpo a orihpyra toto ehtohme.

2 Tuisa 5:7

Mame moro pape tysekeremase ahtao Izyraeu tõ tuisary a tõserehse kynexine. Tupõ tyxihkase eya. Ynara tykase ynororo: — Onokyme jekarõko Xiria põkõ tuisary nae? Ritonõpo kara ase. Aorihtyã ẽsemãkapory waro pyra ase. Ipũ imotatyã kurãkary waro pyra roropa ase ipunaka. Otarame etonary se toexiryke morara ãko mana, tykase.

Mateu 14:27

Yrome ynara tykase Jezu eya xine: — Juno pyra ehtoko. Ywy ase Jezu. Enaromyra ehtoko, tykase eya xine.

Romanos 12:19

Wekyry tõme matose opyno xine jexiryke. Emỹpopyra ehtoko popyra tyrise awahtao xine imehnomo a. Ritonõpo rokẽ eraximatoko. Imeĩpo toto wãnohnõko mana, iirypyry zehno toexiryke. Ynara tymerose Ritonõpo omiryme. “Ywy roro popyra exiketõ poko emỹpõko ase. Toto epehmãko ase iirypyrykõ epehpyryme, ãko Kuesẽkõ mana,” me tymerose Ritonõpo omiryme.

Teuteronomiu 32:35

Imỹpõko Ritonõpo mã rahkene; toto wãnohnõko rahkene. Okynã pyra osetapãko epetõkara mã toto oximõme. Okynã pyra typoremãsẽme exĩko mã toto.

Epereu 10:30

Ritonõpo waro sytatose. Ynara tykase ynororo: “Ywy roro emỹpõko ase. Ywy roro ypoetory tõ epehmãko ase,” tykase. Ynara tykase roropa ynororo: “Ypoetory tõ apiakãko ase,” tykase Kuesẽkomo.