Jenexi 5:5 - Ritonõpo Omiry: A Bíblia Sagrada na língua Aparai do Brasil

⁵ Mame toorihse ynororo 930me jeimamyry taropose ahtao.

Jenexi 5:5 ပူးပေါင်းရင်းမြစ်များ

Jenexi 3:19

Yronymyryme erohnõko mase, enãkutãko roropa mase otupi poko tỹkyryneke oehtohme, oorikyry ponãmero. Mame nonome exĩko ropa mase. Nono apuhsẽme oexiryke nonome exĩko ropa mase toorihse awahtao, tykase.

Jenexi 5:11

Mame toorihse ynororo 905me jeimamyry taropose ahtao eya.

Jenexi 5:4

Moromeĩpo 800me jeimamyry taropose Atão a. Toemũkuase ropa imehnõ mũkuru tomo, ẽxiry tõ roropa.

Jenexi 5:6

Mame 105me jeimamyry taropose Sete ahtao toemũkuase Enome.

Jenexi 5:8

Mame toorihse ynororo 912me jeimamyry taropose ahtao.

2 Samueu 14:14

Toipe sytatose orihnõko, emero porehme. Kymarokõ tuna sã exĩko tukuãse ahtao nono pona. Ananỹpyra ropa sytatose. Moro saaro toorihse kuahtao xine kuẽsemãkapopyra xine ropa Ritonõpo mana isene ropa kuehtohme. Yrome orutua enehpory ropa waro mase katonõ nonory poe.

1 Koronika 1:1

Atão kynexine Sete zumy. Sete kynexine Eno zumy. Eno kynexine Kainã zumy.

Jo 30:23

Jarõko mase aorihtyã esaka, zuaro ase. Morotona isene exiketõ ytõko mã toto emero porehme.

Saumu 89:48

Onoky isene rokẽ exĩko nae, orihpyra ehtohme? Arypyra, emero orihnõko mã toto. Epasaromepyra mã toto toorikyrykõ winoino.

Saumu 90:10

70me jeimamyry rokẽ aropõko ynanase isene exiketõme, jamihmehxo exiketõ otarame 80me aropõko toorihtohme, yrome morara ahtao etaehnõko ynanase, kure pyra exĩko roropa. Okynã pyra orihnõko, osenepyra exĩko ropa ynanase.

Ekereziaxti 12:5

Mame kaetoko ehtoh poko enaromỹke exĩko mase, oytoytory poko osema ae tomeseke se exĩko mase. Oũsety karimutume exĩko mana. Mame emero exisasaka azamaro pyra exĩko mana. Ytõko sytatose kuoserematohkõ etyhpyry pona; mame moro toehse ahtao ihnamõko mã toto kypoko xine osema tõ tao.

Ekereziaxti 12:7

Mame kuekepyrykõ nonome exĩko ropa mana nono risẽme exiryke, kuzenukõ ytõko ropa mana Ritonõpo a tokarose eya exiryke kyya xine.

Ekereziaxti 9:5

Ajohpe pyra, isene exiketõ toorikyrykõ oepyry waro mã toto, yrome toorihse ahtao zuaro pyra ipunaka. Epehpyry anapoipyra ropa exĩko mã toto. Tuenikehsẽme exĩko roropa mã toto.

Ekereziaxti 9:8

Kokoro rokẽ tãkye exiko inekarohpyry poko oya.

Ezekieu 18:4

Ynara exiryke, isene exiketõ emero ypoetoryme matose. Jũkõ emero ypoetoryme mã toto. Ipoenõ roropa emero ypoetoryme mã toto. Naeroro tyyrypyry poko exikety rokẽ orihnõko mana tyyrypyry emetakame.

Teuteronomiu 30:20

Ritonõpo Kuesẽkõ pyno ehtoko, inyripohpyry omipona ehtoko, oximaro ehtoko Ritonõpo maro. Moro sã awahtao xine isene exikehpyra exĩko matose, tuhke jeimamyry aropõko matose moro nono po, moro nono ekarory poko tõmiry totapose Ritonõpo a kytamurukomo a: Aparão a, Izake a, Jako a, enara.

Epereu 9:27

Toipe sytatose. Emero porehme orihnõko sytatose toiro. Moromeĩpo kuapiakatorỹko Ritonõpo mana.