Jenexi 5:32 - Ritonõpo Omiry: A Bíblia Sagrada na língua Aparai do Brasil

³² Mame 500me jeimamyry taropose ahtao Noe a toemũkuase ynororo oseruao: Sem te, Kam te, Jape, enara.

Jenexi 5:32 ပူးပေါင်းရင်းမြစ်များ

Jenexi 10:1

Noe mũkuru tõ oseruao: Sem te, Kam te, Jape, enara toh kynexine. Mame tuna kumatopõpyry poe, imeĩpo toemũkuase toto.

Jenexi 10:21

Sem, Jape rui epereu tõ tamurume kynexine.

Jenexi 10:32

Ynara kynexine Noe pakomotyamo, ahno tomo. Tuna kumatopõpyry poe tarona tuhke tomãse toto Noe pakomotyamo.

Jenexi 10:6

Kam poenõ ynara kynexine: Kuxe te, Ejitu te, Ripia te, Kanaã, enara.

Jenexi 5:31

Mame toorihse ynororo 777me jeimamyry taropose ahtao eya.

Jenexi 6:1

Morarame ahno tãtahpahpitose ahtao sero nono poro, ẽxiry tõ tonuruse ahtao roropa,

Jenexi 7:13

Mame moro ẽmepyry ae Noe tõ typyty maro tõtyrise kanawa konõto aka tumũkuru tõ oseruao maro Sem, Kam, Jape te, ipyxiãkõ roropa.

Jenexi 7:6

600me jeimamyry nae Noe kynexine tuna konõto tukumase ahtao nono zumyhkatohme porehme.

Ruka 3:36

Sera mokyro Kainã mũkuru. Kainã mokyro Apaxate mũkuru. Apaxate mokyro Sem mũkuru. Sem mokyro Noe mũkuru. Noe mokyro Rameke mũkuru.