Jenexi 5:22 - Ritonõpo Omiry: A Bíblia Sagrada na língua Aparai do Brasil

²² Morotoino 300me jeimamyry taropose eya Ritonõpo omipona yronymyryme, toemũkuase ropa ynororo orutua komo, nohpo tomo, enara.

Jenexi 5:22 ပူးပေါင်းရင်းမြစ်များ

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Jenexi 24:40

Ynara tykase ynororo ya: “Ritonõpo omipona exikehpyra ase. Tynenyokyhpyry aropõko mana amaro oesemary enepotohme oya. Wekyry tõ rãnao, papa ekyry tõ maro nohpo oryximã menekãko mase umũkuru pytyme.

Jenexi 48:15

Morarame kure rokẽ Joze tyripose eya Ritonõpo a. Ynara tykase ynororo: “Ritonõpo, tam Aparão Esemy, papa Izake Esẽ roropa, kure rokẽ moxiã aimo tõ tyriko. Jesemary eneponeme mase, Ritonõpo, moe poetome jehtopõpyry poe tarona tamuhpõme jehtoh pona ro.

Jenexi 5:21

Mame 65me jeimamyry taropose Enoke a ahtao toemũkuase Matuzarẽme.

Jenexi 5:23

365me jeimamyry isene kynexine.

Jenexi 5:24

Ritonõpo maro osepeme exikehpyra kynexine, imaro oturũko kynexine. Mame osenepyra toehse ynororo, tarose Ritonõpo a exiryke.

Jenexi 6:9

Sero nase Noe ehtopõpyry poko. Toemũkuase ynororo oseruao: Sem te, Kam te, Jape, enara. Zae exiketyme Noe kynexine, Ritonõpo omipona. Sero nono põkõ rãnao, Noe rokẽ Ritonõpo maro oturuketyme kynexine.

1 Tuisa 2:4

Ritonõpo Kuesẽkõ omipona awahtao, tõmihpyry omipona exĩko roropa Ritonõpo mana. Ynara tykase ynororo ya: “Omũkuru apakõ roropa Izyraeu tõ esẽme exĩko mã toto, tomeseke toto ahtao, ynyripohpyry riryhtao eya xine yronymyryme, zae ehtoh poko rokẽ toto ahtao tukurohtao xine.”

2 Tuisa 20:3

— Ritonõpo, yna Esemy, wenikehpyra exiko opoetoryme jehtoh poko. Õmihpyry omipona ase yronymyryme. Onyripohpyry ya tymoise ya ipunaka kokoro rokene. Mame tyxitase tãtasamaryke yronymyryme.

Saumu 116:9

Morara exiryke ytoytõko ase Ritonõpo neneryme, isene exiketõ rãnao.

Saumu 128:1

Tãkye mã mokaro Ritonõpo omiry omipona exiketomo, inyripohpyry omipona exiketomo.

Saumu 16:8

Ynara zuaro ase: Ritonõpo ymaro exikehpyra ehtoh waro ase. Ameke pyra mana, emero rokẽ toehse ahtao, enaromyra ase.

Saumu 26:11

Yrome ywy, zae ehtoh poko rokẽ ase, kypynanohko, juãnohpyra exiko roropa.

Saumu 56:13

ynara exiryke: kypynanopyase orihsasaka jahtao, yporemãkapopyra mexiase. Naeroro, Ritonõpo, oẽpataka ytoytõko ase, saeremae ytõko ase isene jexiryke.

Saumu 86:11

Ritonõpo Jesemy, kuamorepako ise oehtoh ritohme, mame õmiry omipona exĩko ase yronymyryme! Kuamorepako zae õmiry omipona jehtohme opyno jexiryke.

Exutu 16:4

Ynara tykase Ritonõpo Moeze a: — Seromaroro wyi enehpõko ase kapu ae konopo samo. Ahno tũtãko mã toto tytapyĩkõ tae kokoro rokene tynapyrykõ anỹtohme ipune xine ehtohme. Morarame toto kuhnõko ase, jomiry omipona toto ehtoh waro jehtohme.

Kãtiku 1:4

Kuaroko amaro! Eropa axiny! Ytuisaryme exiko, mame kuaroko onyhtoh taka. Tuisa konõto, atãkyemãko ynanase opokoino, eremiãko ynanase opoko, opyty pyno oexiry poko, amaro ehtoh kure mana yna a, eukuru jehnahpyry motye. Naeroro, tuisa, emero opyno ynanase.

Ozeja 14:9

Senohne, ynymerohpyry enetuputyry se ase tuaro exiketomo a, osenetupuhtohme moro poko. Ritonõpo esemary tõ zae mã kehko. Zae ehtoh poko exiketõ ytoytõko mã toto moro ae, yrome iirypyryme exiketõ osetapãko, epukãko mã toto.

Rewitiku 26:12

Amaro xine exikehpyra exĩko ase; ypoetoryme exĩko matose, Oesẽkõme exĩko ase.

Amoxi 3:3

Oximaro ytosaromepyra ahno asakoro natokomo oturupyra ro toto ahtao atae toto ehtohme?

Mikeja 4:5

Imehnõ nonory põkõ tyneponãmarykõ eahmãko mã toto, aomipona roropa mã toto; yrome kymarokomo a Ritonõpo Kuesẽkõme mana. Ynororo eahmãko sytatose, aomipona exikehpyra sytatose, jũme.

Mikeja 6:8

Arypyra, zae ehtoh poko tokarose Ritonõpo a kyya xine. Ynara se mã ynororo kyya xine: zae ehtoh riry poko te, imehnõ pyno kuehtohkomo yronymyryme te, tomeseke sã Kuesẽkõ jamitunuru ke aomipona kuehtohkõme.

Marakia 2:6

Zae ehtoh poko imehnõ anamorepakehpyra toh nexiase. Azahkuru ehtoh poko imehnõ anamorepara toh nexiase. Osepeme ynanexiase moroto. Zae ehtoh poko imehnõ tuhkãkõ takorehmase roropa eya xine zae pyra toehtohkõ rumekatohme eya xine.

Ruka 1:6

Mokaro oximaro kure rokẽ toh kynexine Ritonõpo a. Ritonõpo omipona toh kynexine ipunaka, inymeropohpyry omipona roropa toh kynexine.

Atos 9:31

Morarame Jezu poetory tõ onyryhmara toehse Jutea po, Karirea po, Samaria po, enara. Eanokõ jamihme toehse ropa Ritonõpo omiry etaryke tyya xine. Tomãse roropa toto. Tuhke toehse toto. Ritonõpo Zuzenu ke tãkye toehse toto.

Romanos 8:1

Morara exiryke seromaroro: “Popyra mase ya,” kara Ritonõpo kyya xine mã ipunaka Jezu Kyrixtu maro kuexirykõke. Ipoetoryme kuexirykõke kuaropopyra xine mana etuarimaketõ esaka.

1 Korĩtiu 7:17

Tyjamitunuru ekarõko Ritonõpo kyya xine mana orẽpyra kuehtohkõme inyrohmanohpotoh poko. Naeroro aomipona ehtoko. Toerohtohke mexiatose Jezu enetuputyryhtao oya xine. Moro erohtoh onurumekara ehtoko. Ipoko erohtoko ro. Morararo Jezu poetory tõ amorepãko ase emero pata tõ punero.

2 Korĩtiu 6:16

Ritonõpo maro oturutoh taka ahno naxikahpyry Ritonõpo myakãme anaropyra sytatose ipunaka, Ritonõpo zamaro pyra exiryke. Kymarokõ Ritonõpo tapyĩme sã sytatose Zuzenu nae kukurohtao xine exiryke. Ynara tykase Ritonõpo moro poko: “Osesarĩko ase ypoetory tõ maro, toto maro jehtohme. Toto esẽme exĩko ase. Ypoetoryme roropa exĩko mã toto,” tykase.

Epezu 5:15

Naeroro tomeseke ehtoko oehtohkõ poko. Tuaro pyra exiketõ sã pyra ehtoko. Tuaro ehtoko.

Teuteronomiu 13:4

Ritonõpo Kuesẽkõ nyripohpyry tõ omipona ehtoko; zuno ehtoko, aomihpyry omipona ehtoko. Aomiry emero poko otato ehtoko. Ritonõpo pyno rokẽ ehtoko, imaro exikehpyra ehtoko.

Teuteronomiu 28:9

— Ritonõpo Kuesẽkõ omihpyry omipona awahtao xine, inyripohpyry tõ omipona awahtao xine, typoetory tõme, tynymenekahpyryme oritorỹko mana tõmihpyry ae ro, tynetapohpyry ae ro oya xine.

Teuteronomiu 5:33

Jũme zae oehtohkõ onurumekara ehtoko, zae ehtoh tonepose ahtao eya oritohkõme. Moro sã awahtao xine, kure rokẽ exĩko oya xine mana, okynahxo orihpyra exĩko matose moro nono oesarykõ po.

Koroxi 1:10

Mame Ritonõpo poe zae ehtoh waro awahtao xine aomipona exĩko matose. Ritonõpo zamaro matose exĩko. Kure rokẽ imehnõ rĩko roropa matose, pohto rokẽ pyra. Mame Ritonõpo warohxo exĩko matose.

Koroxi 4:5

Jezu poetory tõ kara maro awahtao xine tuaro ehtoko toto maro, penekehpyra toto ehtohme. Ekurehpyra ehtoko. Etary se toto ahtao zuruko toto Jezu Kyrixtu poko.

1 Tesaronika 2:12

Ajamihtatohkõme ynanoturuase amaro xine, Ritonõpo omipona oehtohkõme. Omuhpe pyra oehtohkõme roropa. “Ritonõpo omipona ipunaka ehtoko tãkye aehtohme opoko xine,” ynanase oya xine. Ourukehpyra xine ynanexiasene. Oeahmanekõme Ritonõpo mana, imaro tuisame oehtohkõme.

1 Tesaronika 4:1

Wekyry tomo, tuhke rokẽ morara ynanasene oya xine: “Ritonõpo omipona ehtoko, Kuesẽkõ Jezu poetoryme oexirykõke,” ynanasene oya xine. Ritonõpo zamaro matose aomipona oexirykõke. Seromaroro yronymyrymehxo Kuesẽkõ omipona ehtoko.

1 João 1:7

Mãpyra saeremao exiketõ sã kuahtao xine kyyrypyrykõ poko pyra sytatose. Morara ahtao osepeme exĩko sytatose. Mame Jezu Ritonõpo mũkuru kyyrypyrykõ kurikãko mana kukurohtao xine tumunuru ke.