Jenexi 49:8 - Ritonõpo Omiry: A Bíblia Sagrada na língua Aparai do Brasil

⁸ “Juta eahmãko zakorõ tõ mana, irui tõ maro. Tupue exĩko mã toto oẽpataka. Oepetõkara pymyry apoĩko mase.

Jenexi 49:8 ပူးပေါင်းရင်းမြစ်များ

Jenexi 27:29

Ahno tõ tuisaryme oripory se ase imehxo oexiry enetupuhtohme imeimehnomo a. Oekyry tõ esẽme oehtohme, oekyry tomo a kure oritohme. Popyra oripory se exiketõ popyra roropa exĩko mã toto. Kure exĩko mã toto kure oripory se exiketomo, tykase ynororo Jako a.

Jenexi 29:35

Mame poetoẽme toehse ropa Reia, toemũkuase ropa, esety Jutame. Ynara tykase ynororo: — Taroino Ritonõpo eahmãko ase, tykase ynororo. Mame emũkuara ropa kynexine.

Jenexi 42:6

Kowenatume Joze exiryke Ejitu po, tonahsã ekamoneme kynexine ynororo imeimehnomo a, tooehse toto ahtao imehnõ nonory poe. Toeporehkase Joze rui tõ ahtao tosekumurukõ po typorohse toto Joze ẽpataka, tõmytykõ nono pokoxi tyrise roropa eya xine.

Jenexi 46:12

Juta, imũkuru tõ maro: Sera te, Pereze te, Zera, enara. (Imehnõ imũkuru tõ asakoro toorihse Kanaã po: Ere te, Onã, enara.) Pereze mũkuru tõ: Ezerõ te, Hamuu, enara.

2 Samueu 22:41

Ritonõpo, jepetõkara aropõko mase ywinoino, yse pyra exiketõ enahkapõko ase.

2 Samueu 24:9

Morarame Tuisa turuse eya xine: — Atapona Izyraeu po orutua kõ, soutatume exiketõ 800 miume nexiase toto, Juta po orutua kõ 500 miume toh nexiase.

2 Samueu 5:3

Moro sã Izyraeu tõ tamuximãkõ tõximõse Tawi maro Eperõ po, tõmiry totapose eya xine Tawi a Ritonõpo neneryme. Mame Tawi zuhpokoxi, oriu tukuãse eya xine tutuisarykõme tyritohme, Izyraeu tõ esẽme.

1 Koronika 28:4

Tymenekase ywy Ritonõpo a, Izyraeu tõ Esemy a, umũkuru tõ maro, ypakõ maro tuisame yna ehtohme jũme. Juta tõ tymenekase eya, toto poe typoetory tõ esẽme ehtohme. Papa tõ tymenekase eya. Mame papa poenõ poe tymenekase ywy tuisame jehtohme, Izyraeu tõ esẽme.

1 Koronika 5:2

Imeĩpo Juta tõ jamihmehxo toehse. Mame Juta tõ poe tuisa toehse Izyraeu tõ esẽme porehme.)

2 Koronika 14:8

Mame Juta tõ soutatu tõ nae Asa kynexine 300 miumãkomo tõsewomatohke warata tõ ke te, 280mãkõ Pẽjamĩ tõ maro tõsewomatohke taky tõ maro. Orẽpyra toh kynexine, tamorepase roropa toh kynexine.

2 Koronika 15:9

Tuhke Izyraeu tõ tooehse Asa maro ehtohme imehnõ nonory poe, Eparaĩ nonory poe te, Manase nonory poe te, Ximeão nonory poe roropa, Asa maro Ritonõpo ehtoh tonese eya xine exiryke. Mame mokaro tonehpose Asa a Juta tõ maro Pẽjamĩ tõ maro Jerusarẽ pona toto ytotohme oximõme.

2 Koronika 17:2

Soutatu tõ tyrise eya typatary jamihmãkõ tao, Juta tõ nonory po te, pata tõ po roropa tumy Asa napoityã Eparaĩ nonory po.

2 Koronika 30:11

Yrome toitoine mokaro Asea tomo te, Manase tomo te, Zepurõ tomo roropa tyyrypyrykõ rumekary se toehse toto. Jerusarẽ pona toytose toto.

Saumu 76:1

Ritonõpo waro Juta põkõ mã toto; imehxo aexiry waro mã Izyraeu tomo.

Izaja 9:7

Tuisa Tawi paryme exĩko mana, imyakãme roropa tuisame. Mame jamihme aexiry wãtãko itamurume mana. Jũme osetapara exĩko ipoetory tõ mana. Zae ehtoh poko tuisame erohnõko mana, kure ehtoh tyripõko roropa mana. Apitorymã poe morara ehtoh exikehpyra exĩko mana jũme. Sero põkõ pyno toexiryke ipunaka, Kuesẽkõ Jamihmehxo Exikety morohne ripõko mana, emero.

Ezekieu 21:29

— Amonita tomo, oenepotopõpyrykõ ajohpe rokẽ mã kehko. Urutõ kõ omiry oya xine zae pyra mã ipunaka. Popyra matose, iirypyryme rahkene. Awãnohtohkõ oehnõko mana, oenahkatohkomo. Tapema epukãko mana opymyrykõ pona, oetapatorỹko mana.

Numeru 10:14

Osemazuhme toytose Juta kamisã pãteira maro ytoytoketomo oxikone, oxiekyrymãkomo. Ituisarykõ nexiase Nasõ, Aminatape mũkuru.

Numeru 26:22

Juta tõ poe 76.500me orutua kõ nexiase.

Teuteronomiu 33:7

Juta tõ poko ynara tykase Moeze: “Ritonõpo, Juta tõ otururu oya etako. Oximaro toto tyriko ropa imehnõ Izyraeu tõ oxiekyrymãkõ maro, toto akorehmako etonaryhtao topetõkara maro.”

Epereu 10:13

Moroto mana tyzehnotokõ poremãkapory eraximãko. Toto poremãkapõko Ritonõpo mana.

Epereu 7:14

Juta paryme rokẽ kynenurune Kuesẽkõ Jezu. Juta pakomotyamo a: “Ritonõpo maro oturuketyme exiko,” kapitopyra Moeze kynexine. Naeroro mokaro Ritonõpo maro oturuketõ sã pyra Jezu Kyrixtu kynexine. Tyoro kynexine rahkene.

Jozue 10:24

Tarose toto eya xine Jozue a. Mame soutatu tõ tuisary tõ tykohmase tyya. Ynara tykase ynororo: — Osehtoko, opupurukõ tyritoko moxiã tuisa tõ pymyry pona. Moro tyrise eya xine.

Jozue 15:20

Nono maro pata tõ tapoise Juta tomo a tosarykõme.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.

Apokaripxi 5:5

Mame juruase tamuxime exikety toiro. Ynara nase: — Xitara exiko. Eneko ke! Mokyro orẽpyra exikety reão sã exikety, Juta paryme ynororo tuisa Tawi paryme roropa. Imehnõ typoremãkapose eya. Pape apuru tõ 7mãkõ etapuruhmakary waro mã ynororo, nase ya.

Juize 20:18

Mame Izyraeu tõ toytose Ritonõpo eahmatoh pona, Peteu pona. Moroto tõturuse toto Ritonõpo a: — Onokãkõ ytõko nah osemazuhme etonase Pẽjamĩ tõ maro? tykase toto. — Juta tomo, tykase Ritonõpo eya xine.