Jenexi 49:6 - Ritonõpo Omiry: A Bíblia Sagrada na língua Aparai do Brasil

⁶ Toto maro oximõpyra ase, atamoreparyhtao tynyrirykõ poko. Oseme toto otururuhtao toto maro pyra ase. Imehnõ totapase eya xine exiryke, toto zehno toehse toto ahtao. Pui tõ axiry tysahkase eya xine osemeikatoh samo.

Jenexi 49:6 ပူးပေါင်းရင်းမြစ်များ

Jenexi 34:30

Mame ynara tykase Jako tumũkuru tomo a, Ximeão te, Rewi maro: — Opokoino xine tupime toehse ya. Imeimehnõ yzehno exĩko mã toto, Kanaã põkomo te, perizeu tomo te, sero nono põkõ emero. Tuhke pyra sytatose, tuhke pyra orutua komo. Yzehnotokõ tõximõse ahtao etonatohme ymaro, kyporemãkapotorỹko mã toto, kuenahkatorỹko mã toto kypoenõkõ maro.

2 Samueu 8:4

Ikanary tõkehko tapoise Tawi a, kawaru po ytoketõ miu 700me tapoise, soutatu tõ 20 miume tapoise eya, enara. Kawaru tõ jaxiry tysahsahkase eya emero exisasaka, 100me ikanary pune rokẽ kawaru tõ typynanohse eya.

1 Koronika 18:4

Mame kahu tapoise Tawi a miume te, kawaru po ytoketõ 7 miume tapoise eya te, soutatu tõ 20 miume tapoise eya, enara. Mame kawaru tõ jaxiry tysahkase eya emero exisasaka. 100me rokẽ kahu pune ehtohme kawaru typynanohse eya tokyme toto ehtohme.

Saumu 1:1

Tãkye exĩko matose popynõ omihpyry omipona pyra awahtao xine, iirypyrymãkõ onypoenohpyra roropa awahtao xine, Ritonõpo kerekeremananõ maro oximõpyra roropa awahtao xine.

Saumu 103:1

Ritonõpo Jesemy, kure mase ipunaka! Ukurohtao oeahmãko ase yjamitunuru ke porehme!

Saumu 139:19

Ritonõpo, popynõ enahkapory se ase oya! Ryhmatõ kõ ytory se ase ymyhtoino, torẽtyke pyra jehtohme.

Saumu 16:9

Morara exiryke tãkye ase osenetupuhnõko opoko. Orihketyme ro jahtao, torẽtyke pyra ase, oenetuputyryke ya.

Saumu 26:9

Iirypyrymãkõ enahkaporyhtao oya jenahkara exiko; kypynanohko imehnõ etapananõ wãnopyryhtao oya,

Saumu 28:3

Juãnohpyra exiko iirypyryme exiketõ maro, popyra ehtoh poko exikehpyra exiketõ maro. Osepeme sã oturũko mã toto, yrome ikurohtao xine popyra mã toto.

Saumu 30:12

Naeroro mynyhme pyra exĩko ase, eremiãko ase oeahmaryme. Ritonõpo, omoro mase Jesemy; jũme “Kure mase,” kakehpyra exĩko ase.

Saumu 42:11

Oty katohme emynyhmãko ha yronymyryme? Oty katoh torekohmase ywy? Ritonõpo nyriry kurã eraximãko ase, okynã pixo eahmãko ropa ase, Ypynanohneme mana Ritonõpo Jesemy.

Saumu 42:5

Oty katohme emynyhmãko ha yronymyryme? Oty katoh torekohmase ywy? Ritonõpo nyriry kurã eraximãko ase, okynã pixo eahmãko ropa ase, Ypynanohneme, Ritonõpo Jesemy.

Saumu 43:5

Oty katohme emynyhmãko ha yronymyryme? Oty katoh torekohmase ywy? Ritonõpo nyriry kurã eraximãko ase, okynã pixo eahmãko ropa ase, Ypynanohneme Ritonõpo Jesemy.

Saumu 5:10

Ajohpãme sã mokaro apiakako, toto wãnohtohme, Ritonõpo! Osenetupuhnõko mã toto imehnõ ryhmary poko, naeroro tyripoko toto osenahkapotohme! Aropoko toto owinoino, tahxime õmiry omipona pyra toexirykõke, orumekary se roropa toexirykõke.

Saumu 57:8

Apakako, ukurohtao! Ykyryry tõ haapa, rue roropa apakatoko! “Xixi apakako,” ase ẽmepyryme.

Saumu 64:2

Kuewomako popyra exiketõ osenetupuhtoh winoino; kypynanohko mokaro ajoajohpãkõ winoino.

Porowepio 1:11

Ynara karyhtao oya: “Eropa yna maro. Ahno setapatatose oseahmatohme rokene!

Porowepio 12:5

Ajohpe pyra exikety zae imehnõ rĩko mana, yrome popyra exikety imehnõ enekunohnõko rokẽ mana.

Jeremia 15:17

Kohmãpyra exiase imehnõ maro exianãko, oseahmãko roropa. Õmiry omi poe jerohtoh tupimã poko exiase toiroro, tyenonohse exiase.

Jeremia 4:19

Sam ãko ase! Emynyhmãko ase ipunaka ukurohtao! Ukurohtao jeano tahtah ãko jamihme sã mana! Mynyhme ehsaromepyra ase. Rue totase ya exiryke, kui kui katoh tonõ roropa etonatoh poko.

Ruka 12:19

Mame ynara ãko ase ya rokene, ohkato ke senohne nae toehse hano. Ymõkomory enahpỹme nase. Ynapyry tõkehko enahpỹme nase tuhke jeimamyry aropõko ase. Oseremãko roropa ase. Otuhnõko potu ase. Eukuru ẽnõko roropa ase, tãkye rokẽ ase,” ãko mana tymõkomokemy tyya rokene.

2 Korĩtiu 6:14

Ritonõpo omipona pyra exiketõ maro ytoytopyra ehtoko. Zae pyra exiketõ mã zae exiketõ maro osepeme ehsaromepyra mã toto. Saeremae ytoketõ koko ytoketõ maro ytoytopyra mã toto.

Teuteronomiu 27:24

— “Popyra ehtoh enehpoko ahno wãnohtohme imepỹ Izyraeume exikety etapahpono tokare pyra!” Mame ezuhnõko imoihmãkõ mana: “Aõ! Amem!”

Jozue 11:9

Ritonõpo nyripohpyry tyrise Jozue a: kawaru tõ axiry tysahkase eya te, kahu tõ tyahkase roropa eya xine.

Juize 5:21

Zue a epetõkara tarose, tuna Kisõ, zueme exikety a. Moino ro mase tuna Kisõ. Ytoytõko ase, orẽpyra exiketyme ytoytõko ase.