Jenexi 49:25 - Ritonõpo Omiry: A Bíblia Sagrada na língua Aparai do Brasil

²⁵ Ritonõpo, omy Esẽ, ãkorehmãko mana, jamihmehxo Exikety kure rokẽ orĩko mana. Kapu ae kurãkõ ekarõko mana. Tuna kurohtae kurãkõ ekarõko mana. Oeky tõ tuhke ekarõko mana. Opoenõ roropa ekarõko mana tuhke.

Jenexi 49:25 ပူးပေါင်းရင်းမြစ်များ

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Jenexi 27:28

Kure rokẽ oripory se ase Ritonõpo a. Konopo enehpory se ase otupi tõ pona tynahke oehtohme itamurume, tiriiku itamurume, eukuru roropa.

Jenexi 28:13

Moroto Ritonõpo panõ tonese eya xikihme, ynara tykase ynororo eya: — Ywy ase Ritonõpo, atamuru Aparão Esemy, omy Izake Esẽ roropa. Oya, apakomotyamo a roropa sero nono, ekarõko ase.

Jenexi 28:21

mame kure rokẽ joepyry ropa ahtao papa tapyĩ taka ropa, omoro, Ritonõpo, Jesẽme exĩko mase.

Jenexi 28:3

Ritonõpo, Jamihmehxo Exikety a, kure rokẽ oripõko ase opoenõ tuhke ehtohme, apakomotyã roropa, tuhke toto ehtohme.

Jenexi 32:9

Moromeĩpo tõturuse ynororo Ritonõpo a: — Jomiry etako Ritonõpo, Tam Aparão Esemy, Papa Izake Esẽ roropa! Oya tonehpose ywy, oehtohme ropa xiaro, ynonory pona ropa, wekyry tomo a. Õmiry metapoase ya, ynara mase: “Kure rokẽ orĩko ase,” mase ya.

Jenexi 35:11

Ynara tykase roropa Ritonõpo eya: — Ywy ase Ritonõpo Jamihmehxo Exikety. Emũkuako tuhke, typakõke tuhke oehtohme. Ahno imoihme, apakõ emãnõko mã toto, tuhke exiketõme exĩko mã toto, toitoine tuisa tõme exĩko mã toto.

Jenexi 35:3

Atakimatoko, Peteu pona ytõko sytatose. Moroto apoto apõ rĩko ase Ritonõpo eahmatohme kyya xine. Typynanohse ywy eya etuarimaryhtao. Morararo ymaro exikehpyra toehse ynororo emero pona toytose jahtao.

Jenexi 43:23

Ynara tykase tapyi erase eya xine: — Torẽtyke pyra ehtoko. Enaromyra ehtoko. Ritonõpo Oesẽkomo, omykõ Esẽme roropa mana, kure rokẽ oritorỹko mana. Eya otarame otinerũkõ tyrise saku tõ aka tonahsã maro. Ya otinerũkõ tapoise topehmase oya xine ahtao. Mame Ximeão tonehse tapyi erase a eya xine.

Jenexi 48:3

Ynara tykase ynororo Joze a: — Ritonõpo Jamihmehxo Exikety a, tõsenepose ya pata Ruze po, Kanaã nonory po. Kure rokẽ tyripose ywy eya moroto.

Saumu 84:11

Ritonõpo Kuesẽkõ kuezurukõme mana, kuewomanekõme roropa. Zae ehtoh poko exiketõ pyno mana. Imehxo toto rĩko mana. Kurãkõ ekarõko roropa eya xine mana.

Saumu 85:12

Kyya xine kure ehtoh ekarõko Ritonõpo Kuesẽkõ mana. Mame kynonorykõ po tykyrysã ahtãko, itamurume exĩko mana.

Exutu 18:4

Zakorõ esety Erieze kynexine ynara karyke Moeze a: “Ritonõpo, Papa Esemy a takorehmase ywy jetapara Ejitu tõ tuisary ehtohme,” katopo.

Mateu 6:33

Morara exiryke osemazuhme Ritonõpo poko openetatoko oesẽkõme aehtohme, aomipona oehtohkõme roropa yronymyryme, morara se Ritonõpo exiryke. Mame senohne emero ekarõko oya xine mana.

Epezu 1:3

“Kure mase Papa Kapuaono,” sykatone Ritonõpo a, Jezu Kyrixtu Kuesẽkõ zumy a, kure rokẽ tyrise kuexirykõke, Tumũkuru Kyrixtu maro. Mame Tuzenu emero ekarõko kyya xine mana. Kure kapuaõkõ ritopõpyry sã kure kyritorỹko Ritonõpo mana.

Teuteronomiu 33:1

Orihpyra ro tahtao kure rokẽ Izyraeu tõ oxiekyrymãkõ tyripose Moeze a, Ritonõpo poetory. Ynara tykase ynororo Izyraeu tõ netaryme:

Teuteronomiu 8:17

— Ynara kara ehtoko: “Ỹ, kuamoreme xine, kyjamitunurukõ ke kuerohtohkõ ke kymõkomorykõ sapoiatose.”

Piripo 4:19

Morarame emero ise oehtohkõ ekarõko roropa Ritonõpo oya xine mana, emero nae toexiryke, tyamene se pyra roropa toexiryke, Jezu Kyrixtu poetoryme oexirykõke.

1 Timoteu 4:8

Tururume kuytoryhtao etaehpyra kuehtohme kure pohto rokene. Yrome Jezu poetoryme kuahtao xine ynara ãko roropa sytatose: “Kuatamoreparykohtao Ritonõpo omipona kuehtohkõme kure kuhse mana. Seroae Ritonõpo omipona kuahtao xine tãkye sytatose, jũme roropa tãkye exĩko sytatose Ritonõpo esaka kuytorykõke,” ãko sytatose.