Jenexi 49:24 - Ritonõpo Omiry: A Bíblia Sagrada na língua Aparai do Brasil

²⁴ Yrome poremãpyra mana. Ipyre jamihme emary po mana. Aporykõ jamihme ro tyjamihtanohse Ritonõpo a, jamihme Exikety a, Jako Esemy a; Esety Topuimo, Izyraeu Ewomane.

Jenexi 49:24 ပူးပေါင်းရင်းမြစ်များ

Jenexi 45:11

Tonahsẽ pyra ro exĩko mana 5me jeimamyry pona. Kosẽ po awahtao tonahsẽ ekarõko ase oya xine; atapyĩ taõkomo a te, oeky tomo a, enara. Morara ahtao etuarimara matose.’ ”

Jenexi 45:5

Seromaroro emynyhmara ehtoko. Ehxiropyra roropa ehtoko jekarotopõpyry poko oya xine jenehtohme xiaro. Orihpyra oehtohkõme tonehpose ywy Ritonõpo a xiaro.

Jenexi 45:7

Ritonõpo a tonehpose ywy osemazuhme opynanohtohkõme, orihpyra oehtohkõme, opoenõkõ maro. Emese kure Ritonõpo mana.

Jenexi 47:12

Tonahsẽ tokarose Joze a tumy a te, turui tomo a, tyekyry tomo a emero, ise toto ehtoh tokarose eya.

Jenexi 48:15

Morarame kure rokẽ Joze tyripose eya Ritonõpo a. Ynara tykase ynororo: “Ritonõpo, tam Aparão Esemy, papa Izake Esẽ roropa, kure rokẽ moxiã aimo tõ tyriko. Jesemary eneponeme mase, Ritonõpo, moe poetome jehtopõpyry poe tarona tamuhpõme jehtoh pona ro.

Jenexi 49:23

Epetõkara iiryhmãko mã toto zehnotokõ samo. Typyre ke ekahmãko mã toto, taky tõ pyrou tõ maro.

Jenexi 50:21

Enaromyra ehtoko. Opynanohtorỹko ase opoenõkõ maro. Morara kary etaryke tyya xine, typyno xine Joze exiry eneryke tyya xine, mynyhme toehse toto tukurohtao xine.

2 Samueu 5:2

Pake kutuisarykõme Sauu ahtao, Izyraeu tõ soutatu tõ aroneme mexiase etonatoh pona. Mame ynara tykase Ritonõpo Kuesẽkõ oya: “Tuisame exĩko mase, Ritonõpo poetory tõ esẽme,” tykase toto.

2 Tuisa 13:16

— Pyrou apoiko taky maro tuotohme samo, tykase. Morara tyrise Jeoa a. Mame tomary tyrise Eriseu a tuisa emary pona.

Neemia 6:9

Enaromỹke yna riry se toh nexiase yna erohtoh poko pyra yna ehtohme. “Seromaroro, Ritonõpo, jamihmehxo yna tyriko!”

Jo 29:20

Kure rokẽ jekãtõko imehnõ mana, ywy jamihme exikehpyra exĩko ase, orẽpyra exiketyme roropa.’

Saumu 118:22

Moro topu, tapyi rinanõ nurumekahpyry, moro topu se toehse toto, kurãme kuhse exiryke, tapyi kyryryme nymyry.

Saumu 132:1

Ritonõpo, wenikehpyra exiko Tawi poko, aetuarimatopõpyry poko roropa.

Saumu 132:2

Wenikehpyra exiko aomihpyry poko oya, Ritonõpo Jamihmehxo Exikety, Jako Esemy, ynara tykase ahtao:

Saumu 132:5

Ritonõpo esary onyripyra ro jahtao, Jamihmehxo Exikety Jako Esẽ tapyĩme.”

Saumu 18:1

Ritonõpo Jesemy, opyno ase ipunaka! Omoro mase jewomaneme.

Saumu 18:30

Onyriry, Ritonõpo, kure rokẽ mana. Õmihpyry omipona mase, anamonohpyra mase. Ewomaneme mase, towomaneme ose exiketõ ewomaneme mase.

Saumu 23:1

Jesẽ ypyno mana kaneru pynoto samo; emero nae exikety sã ase ukurohtao.

Saumu 27:14

Ritonõpo enetupuhko. Wenikehpyra exiko inyrihpyry poko, enaromyra roropa exiko. Ritonõpo Kuesẽkõ enetupuhko.

Saumu 28:8

Typoetory tõ ewomãko Kuesẽkõ mana. Inymenekahpyry tuisame ewomãko mana.

Saumu 44:7

Yrome omoro mase yna pynanohneme yna epetõkara wino, oya yna zehno exiketõ typoremãkase.

Saumu 73:23

Moro sã jahtao ro amaro ro ase, jemary apoĩko mase.

Saumu 80:1

Yna omiry etako, kaneru esẽ sã Izyraeu tõ Esemy! Yna otururu etako, oeky tõ aroneme sã mase yna Aroneme! Omoro mase typorohse Tuisa Imehxo Exikety apõ po, moroto kae kerupĩ tõ epoe,

Saumu 89:1

Ritonõpo Jesemy, tahxime eremiãko ase yna pyno oehtoh poko. Jũme anamonohpyra oexiry poko ekarõko ase yna pakomotyamo a emero.

Exutu 3:6

— Ywy ase Ritonõpo atamuru tõ Esemy, Aparão te, Izake te, Jako, enara. Toto esẽkõme ase, tykase. Morara kary etaryke tyya tonuru tapuruse Moeze a tomary ke. Osenuhmara toehse ynororo tõserepyryke, Ritonõpo enery zuno toexiryke.

Izaja 1:24

Naeroro etatoko pahne Ritonõpo Oesẽkõ omiry, Ritonõpo Jamihmehxo Exikety Izyraeu tõ ewomaneme. Ynara ãko mã ynororo typoetory tomo a: “Awãnohtorỹko ase, jepetõkara; yzehnotokõ etapãko ase.

Izaja 28:16

Naeroro ynara ãko Ritonõpo mana: “Topu rĩko ase Xião po ynyriry apõme, ynymenekahpyry jamihme ehtohme tũpore roropa. Ipokona ynara tymerose mana: ‘Jenetupuhnanõ enaromyra mã toto.’

Izaja 29:24

Mame tuaro pyra aexityã tuaro exĩko mã toto, ykerekeremary sato kõ tãkye atamorepãko mã toto jomiry poko.”

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Izaja 49:26

Mame oepetõkara tõsenahkarykõ poko toto ripõko ase. Aetỹtyã exĩko mã toto imehnõ etapary poko, zehno toexirykõ poko roropa. Morarame ahno emero zuaro exĩko mã toto ywy, Ritonõpo, Opynanohnekõme ase; ãpuruhpyry tae otũtanohponekomo. Zuaro exĩko mã toto ywy, Ritonõpo, Izyraeu tõ Esẽ Jamihmehxo ase.”

Izaja 60:16

Poeto ẽ suhsu ekarory sã tumũkuru a, moro sã imehnõ nonory põkõ, ituisarykõ roropa opyno xine exĩko mã toto. Mame zuaro exĩko matose, ywy Ritonõpo Opynanohnekõme ase, Jamihmehxo Exiketyme, Izyraeu tõ Esemy, Omyhpokanekomo.

Zakaria 10:12

Ypoetory tõ jamihtanohpõko ase, mame yjamitunuru ke isene exĩko mã toto jomipona. Ywy Ritonõpo oturuno.”

Zakaria 3:9

Eneko ke, topu yrino Jozue ẽpataka pipahmã 7mã ke. Ywy Ritonõpo, Jamihmehxo Exikety imerõko ase moro topu pokona toiro esety. Mame toiro ẽmepyry ae sero nono põkõ rypyry korokãko ase.

Mateu 21:42

Ynara tykase Jezu eya xine: — Ritonõpo omiry onysekeremara ro matou? Ynara tymerose mana: “Tapyi risẽ sã mokyro mana, tapyi rinanõ nurumekahpyry samo. ‘Popyra sero nase,’ tykase toh repe. Yrome tapyi nikapuru apoihtyme toehse kure exiryke, tũpore, jamihme tapyi ehtohme. Morara tyrise Kuesẽkomo a. Morara exiryke kure mana. Kyzamaro xine mana,” me tymerose Ritonõpo omiryme.

Maku 12:10

— Ritonõpo omiry onenepyra ro matou? Meneatose ro. Ynara tymerose eya: “Tapyi rinanõ nurumekahpyry: ‘Topu popyra,’ karyke eya xine, mororo tyrise ropa tapyi kyryryme, kure exiryke tũpore, jamihme tapyi ehtohme.

Ruka 20:17

Mokaro eneryhtao ro ynara tykase Jezu: — Morara exiryke ynara tymerose ypoko Ritonõpo omiryme: “Moro topu turumekase tapyi rinanomo a. ‘Popyra mana,’ tykase toto oseya. Typahse roropa eya xine repe. Yrome inypapyhpyrykõ tapoise ropa eya xine kurãme kuhse exiryke. Ipoe rokẽ tapyi jamihme mana,” me tymerose Ritonõpo omiryme.

Atos 4:11

Jezu Kyrixtu poko pake tymerose Ritonõpo omiryme. Ynara tymerose urutõ komo a: “Moro topu, tapyi rinanõ nurumekahpyry, moro topu se toehse toto, kurãme exiryke, tapyi kyryryme nymyry. Emese kure kuhse Ritonõpo kyya xine mana,” tykase.

Romanos 14:4

Zae pyra sytatose imepỹ poetory popyra ehtoh ekaroryhtao kyya xine. Tosẽ omipona ehtoh poko mokyro mana. Zae ahtao: “Zae mase,” ãko esẽ eya mana. Yrome azahkuru ahtao: “Azahkuru mase,” ãko mana. Tyjamitunuru riry waro Kuesẽkõ mana ikurohtaka zae rokẽ aehtohme. Naeroro zae rokẽ exĩko mokyro mã rahkene.

Epezu 2:20

Ritonõpo tapyĩme sã sytatose. Ynara sã sytatose enetupuhtohme rokene. Tapyi apurume sã matose. Tapyi apuru apõme Ritonõpo nymenekatyã imehnõ amorepananõme, Ritonõpo poe urutõ kõ maro, enara. Yrome tapyi nekapuru apoihtyme sã Kyrixtu Jezu mana.

Teuteronomiu 32:4

Oewomanekõme Ritonõpo mana; kure kuhse inyrihpyry mana, zae rokẽ rahkene. Anamonohpyra mana, azahkuru pyra roropa mana ipunaka.

Teuteronomiu 33:27

Ritonõpo, Jũme Exikehpyra Exikety, Kuewomanekomo, kuewomatorỹko mana tomary tõ ke. Kuepetõkara aropõko mana kynenerykõme, toto enahkapõko mana kyya xine.

Teuteronomiu 34:9

Jozue, Num mũkuru tymenekase Moeze a tymyakãme ehtohme. Tomary tyrise eya Jozue zupuhpyry pona, naeroro Ritonõpo Zuzenu imaro kynexine, tuaro tyripõko mana. Aomiry omipona toehse Izyraeu tomo, Ritonõpo nyripohpyry tõ omipona roropa Moeze nekarohpyry eya xine.

Koroxi 1:11

Ynara ãko ynanase Ritonõpo a: “Papa Kapuaono emero motye orẽpyra mase. Emero omiry motye õmiry kure mana. Naeroro Koroxi põkomo a ajamitunuru ekarõko mase jamihme toto ehtohme, penekehpyra roropa toto ehtohme opoko, tãkye toto ehtohme toetuarimarykohtao ro,” ãko ynanase.

2 Timoteu 4:17

Yrome Kuesẽkõ jurumekara ymaro monexiano. Yjamihtanopyase Jezu Kyrixtu poko ekarotohme juteutõkara a. Typynanohse Kuesẽkomo a jexiryke jeatãpyra toh kynexine.

Jozue 17:18

Moro ypy nonory oesarykõme exĩko mana. Itume ahtao ro, akohnõko matose, akorokãko roropa matose oesarykõme ehtohme etyhpyry poe etyhpyry pona. Kanaã põkõ aropõko matose kurimene risẽ ke tykahuke toto ahtao ro, jamihme roropa toto ahtao ro toto aropõko matose.

Juize 1:22

Mame Eparaĩ tõ toytose Manase tõ maro osetapase Peteu põkõ maro. (Apitoryme pata esety kynexine Ruze.) Takorehmase toto Ritonõpo a. Mame pata pona enenanõ taropose eya xine;