Jenexi 49:18 - Ritonõpo Omiry: A Bíblia Sagrada na língua Aparai do Brasil

¹⁸ “Ritonõpo Jesemy, ypynanopyry oya eraximãko ase!

Jenexi 49:18 ပူးပေါင်းရင်းမြစ်များ

Jenexi 49:17

Okoi sã exĩko mana osema ehpio, orihmatõ samo osema ehpio exikety, kawaruhtainy esekane samo; Mokyro kawaru po ytokety emapotohme ĩkakoxi.

Saumu 119:166

Ritonõpo Jesemy, ypynanopyry oya eraximãko ase jepetõkara winoino, onyripohpyry tõ omipona ase.

Saumu 119:174

Ritonõpo Jesemy, ypynanopyry poko penetãko ase, õmihpyry poko jahtao atãkyemãko ase.

Saumu 119:41

Ritonõpo Jesemy, ypynohxo oehtoh enepoko ya, kypynanohko jepetõkara winoino õmihpyry ae ro!

Saumu 123:2

Namoto mã tosẽ emary enẽko mana, nohpome namoto ahtao morararo tosẽ emary onenekehpyra mana, moro saaro oya enẽko ynanase, Ritonõpo yna Esemy, yna pyno oehtoh eraximãko ynanase.

Saumu 130:5

Jakorehmary poko Ritonõpo Kuesẽkomo a penetãko ase; eraximãko ase, zae aomiry enetupuhnõko ase.

Saumu 14:7

Ritonõpo, Izyraeu tõ pynanohne enehpoko, Jerusarẽ poe! Opoetory tõ enepyry ropa ahtao imeimehnõ nonory poe, tãkye exĩko mã toto Jako pakomotyamo.

Saumu 40:1

Eraximase, atarypopyra exiase Kuesẽkõ eraximary poko, jakorehmatoh eya eraximase. Mame ya toeramase ynororo yxitary etatohme, jomiry totase eya.

Saumu 62:1

Ritonõpo eraximaryme torẽtyke pyra exĩko ase; ynoro rokẽ ypynanohnõko mana.

Saumu 62:5

Torẽtyke pyra jehtoh oehnõko Ritonõpo poe, naeroro ynoro rokẽ eraximãko ase kure jyritohme.

Saumu 85:7

Ritonõpo yna Esemy yna pyno oehtoh enepoko yna a, yna ipynanohko roropa.

Exutu 15:2

Jewomane jamihme Ritonõpo mana. Eya typynanohse ywy; Ritonõpo Jesẽme mana, eahmãko ase. Papa Esẽme mana, eremiãko ase, Imehxo Aexiry poko.

Porowepio 14:32

Popyra exiketõ osenahkãko mã toto popyra tynyrityã ke, yrome zae ehtoh poko exiketõ towomase mã toto zae inyrityã exiryke.

Izaja 25:9

Morarame moro ẽmepyry toehse ahtao ynara ãko mã toto emero: — Kuesẽkõme mokyro mana. Tonetupuhse ynororo kyya xine, mame typynanohse sytatose eya. Ritonõpo Kuesẽkõme enetupuhnõko sytatose. Seremiatone eahmaryme, satãkyematone takorehmase kuexirykõke eya.

Izaja 30:18

Oeraximatorỹko ro Ritonõpo mana, kure orirykõ se toexiryke, opynanopyrykõ se roropa mana; Ritonõpome mana, zae ehtoh rineme. Tãkye exiketõ mokaro aenetupuhnanomo.

Izaja 33:2

Ritonõpo yna Esemy, yna pyno exiko, yna akorehmako, oeraximãko ynanase. Kokoro rokẽ yna ewomaneme exiko, yna ipynanohko popyra ehtoh toehse ahtao yna a.

Izaja 36:8

Ynara ãko ase oya yna tuisary omi poe: ‘Asakoro miu kawaru tõ ekarõko ase oya epona orutua kõ tyripory waro awahtao.

Izaja 8:17

Tõtonẽse Ritonõpo mana typoetory Izyraeu tõ winoino, yrome zae aexiry poko enetupuhnõko ase, kukurãkarykõ ropa Kuesẽkomo a eraximãko ase.

Ramẽtasão 3:25

Kure Ritonõpo mana Tosẽkõme enetupuhnanomo a emero.

Ozeja 12:7

Ynara ãko Ritonõpo mana: — Izyraeu tõ kananeu tõ sã mã toto: onekunohto mã toto, ikuhtoh ajohpe exikety ke tykyryrykõ kuhnõko mã toto typynehxo epehmapotohme.

Mikeja 7:7

Yrome ywy, Ritonõpo Jesemy eraximãko ase. Ypynanohnõko mana; moro enetupuhnõko ase yronymyryme. Jomiry etãko roropa mana.

Mateu 1:21

Enurũko mana orutuame. Mame Jezume mokyro esehpãko mase. Ynara exiryke, typoetory tõ kurãkãko mana. Toto rypyry korokãko roropa mana. Morara exiryke Jezume esehpãko mase, tykase sã mokyro Ritonõpo nenyokyhpyry Joze a aosenety.

Maku 15:43

Eya toytose Jezu ekepyry ekaropose. Joze Arimatea põ kynexine, imehnõ tuisaryme exikety kynexine. Ritonõpo omipona exikety roropa kynexine.

Ruka 1:30

Ynara tykase Ritonõpo nenyokyhpyry eya: — Enaromyra exiko, Maria. Opynanohnõko Ritonõpo mana.

Ruka 2:25

Moroto kynexine orutua Jerusarẽ po. Mokyro esety Ximeão. Ritonõpo Zuzenu imaro kynexine. Kure ynororo, Ritonõpo omipona roropa. Izyraeu tõ pynanohne eraximãko kynexine, Kyrixtu eraximãko, Izyraeu tõ kurãkary enery se toexiryke orihpyra ro tahtao.

Romanos 8:19

Ritonõpo nyrihpyry emero eraximãko mana. “Ypoenõ moxiamo; Umũkuru sã ipunaka toehse mã toto,” katoh Ritonõpo a eraximãko mana.

Romanos 8:25

Yrome kukurãkarykõ eraximãko ro sytatose onenepyra ro kuexirykõke. Naeroro penekehpyra sytatose kukurãkarykõ eraximary poko.

Karaxia 5:5

Yrome kymarokõ tyoro. Jezu Kyrixtu enetupuhnõko sytatose. Morara exiryke kukurãkatorỹko Ritonõpo mana. Zuzenu kuakorehmatorỹko roropa mana kukurãkarykõ eraximaryke kyya xine, tonetupuhse kyya xine exiryke.

1 Tesaronika 1:10

Imũkuru oepyry ropa momohnõko roropa Tesaronika põkõ mana,” ãko. “ ‘Kapu ae oehnõko mana. Jezu mokyro ẽsemãkapohpyry ropa mokyro aorihxĩpo. Kukurãkanekõme mã ynororo, kuãnohpyra xine Ritonõpo ehtohme, emero tyyrypyhpykã wãnopyryhtao,’ ãko mã Tesaronika põkomo,” ãko mã toto opoko xine.