Jenexi 49:10 - Ritonõpo Omiry: A Bíblia Sagrada na língua Aparai do Brasil

¹⁰ Juta tuisame exĩko mana. Ipakomotyã tuisame exikehpyra mana. Imehnõ ahno tynekarory enehnõko eya. Aomipona exĩko imehnõ nonory põkõ mana.

Jenexi 49:10 ပူးပေါင်းရင်းမြစ်များ

2 Samueu 7:13

Mokyro mã tapyi amõko jesety esaryme. Mame jũme tapõ po tuisame exĩko mã ynororo.

2 Samueu 7:16

Yrome atapyĩ taõkõ jũme exĩko, tuisame oehtoh roropa enahpỹme exĩko, jũme yneneryme.’ ”

1 Koronika 12:24

Ynara tuhke toto ehtoh kynexine: Juta tomo: 6.800me orutua komo, typyreke kurã ke exiketomo, osewomatoh ke te, warata ke, enara.

1 Koronika 12:39

Mame oseruao tõmehse toh kynexine moroto, Tawi maro, otuhnõko te, eukuru ẽnõko, jekyry tõ nyrihpyry toto napyryme.

Saumu 108:8

Kireate ynonoryme mana, Manase roropa; Eparaĩ ykyryryme mana, jupuhpyry ẽ kapasete samo. Juta roropa ypoetory esẽme mana, ynyripohpyry ekaroneme.

Saumu 60:7

Kireate ynonoryme mana, Manase roropa; Eparaĩ ykyryryme mana, kapasete samo. Juta roropa ypoetory tuisaryme mana.

Saumu 60:9

Ritonõpo, onoky jarõko nae pata jamihmã taka, towomase ahtao apuru konõto ke? Onoky jarõko nae Etõ pona?

Saumu 78:68

Yrome Juta tõ tymenekase eya, ypy Xião roropa, ipyno exikety.

Izaja 11:10

Moro ẽmepyry toehse ahtao tuisa Tawi pary tuisame exĩko mana, imityme roropa mana Jese tõ Rihpõme exiryke; pãteira sã exĩko mana imehnõ nonory põkomo a. Imeimehnõ nonory põkõ ytõko mã toto eya imaro ehtohme, ipatary kure rokẽ exĩko mana.

Izaja 2:2

Imeĩpo, moro ypy Ritonõpo Tapyĩ esary kaehxo exĩko mana, imehnõ ypy tõ kae ehtoh motye, emero porehme. Mame morotona iporiry sã ytõko ahno, imehnõ nonory põkomo, imehnõ nonory poe emero porehme.

Izaja 33:22

Ritonõpo mã zae Kuapiakanekõme, Kutuisarykõme roropa mana, ynororo mã kypynanohtorỹko roropa.

Izaja 42:1

Ynara ãko Ritonõpo Kuesẽkõ mana: “Ypoetory mose ro, tyjamihtanohse ynororo ya, ynymenekahpyryme mana, yzamaro Exikety! Juzenu ekaroase eya; zae ehtoh enehnõko mana imeimehnõ nonory põkomo a emero porehme.

Izaja 55:3

Etatoko pahne ya osehtoko, otato ehtoko isene oehtohkõme! Jomiry etapõko ase oya xine, jũme exiketyme: kure rokẽ oritorỹko ase, jomihpyry ae ro Tawi a.

Izaja 60:1

Owõko, pata Jerusarẽ! Ah oẽmyty saerehkatoh sã nexino tãkye oehtoh ke, tõmehse exiryke opona xine. Ritonõpo saerehkaneme sã saereh ãko mana opona xine.

Izaja 62:11

Ynara ãko Ritonõpo mana sero nono põkomo a emero porehme: “Ynara kahtoko Jerusarẽ põkomo a: ‘Oesẽkõ oehnõko mana opynanohse xine. Tymaro imehnõ enehnõko mana, typynanohse aexityamo.’ ”

Izaja 9:6

Poeto tonuruse, mokyro tonehpose Ritonõpo a, kutuisarykõme exĩko mana. Ynara tosehpasẽme exĩko mana: Kuamorepanekõ Kurano te, Ritonõpo Jamihmehxo Exikety te, Papa jũme Exiketyme te, Tuisame Exikety Kukurãkanekõme, enara.

Jeremia 30:21

Mame mokaro kowenatume jekyry tõ exĩko mana, ynarorome ro exĩko mana. Mokyro eahmaryhtao ya oehnõko ya mana. Imehnõ ya oehsaromepyra exĩko oneahmara ahtao. Ypoetoryme exĩko mã toto. Toto Esẽme exĩko ase. Ywy Ritonõpo oturuno.”

Jeremia 33:26

Moro saaro kapu ritopõpyry sã ya nono roropa, jomihpyry ae ro tyrĩko ase Jako pakomotyamo a, ypoetory Tawi a roropa. Tuisame Tawi pary menekãko ase, Aparão pakomotyã esẽme, Izake te, Jako roropa pakomotyã esẽme. Kure rokẽ ypoetory tõ rĩko ropa ase toto emãtohme ropa, toto pynanohnõko ase, enara.

Ezekieu 19:11

Amoriry tõ jamihme nexiase kehko. Ahtãko nexiase, tuisa myxiryme toehse kehko. Tahtase ro moro uwa zoko, amoriry tõ tõnuhse akuru tõ pona; moino tonese imehnomo a, kae exikety, tamorihke tuhke.

Ezekieu 19:14

Zoko tyahkase apoto ke; amoriry kehko tonahkase apoto a uwa tõkehko maro. Jũme amoriry tõ jamihme pyra exĩko mã kehko. Jũme tuisa myxiryme exipyra ropa mana. Sero eremiatoh emynyhmatoh poko, tuhke toremianohse kyya xine.

Ezekieu 21:27

Tonahkase! Tonahkase! Ỹ, sero pata enahkapõko ase. Yrome morara exĩko mana mokyro ynymenekahpyry toehse ahtao, mame eya sero pata ekarõko ase. Ywy, Ritonõpo Oesẽkõ, oturuno.

Ezekieu 21:32

Apoto ke tyahkasẽme exĩko matose. Taorihmaposẽme exĩko matose ononorykõ po, enahkahpyryme exĩko matose. Ywy, Ritonõpo, oturuno.

Tanieu 9:25

Etako pahne Tanieu, enetupuhtohme oya. Omi taropose ahtao Jerusarẽ ritohme ropa 7me 7 jeimamyry taroposẽme exĩko Ritonõpo nymenekahpyry oehtohme tuisame. Pata apuru tõ, esemary roropa okynahxo exĩko 7me 62 jeimamyry aropõko mana, yrome etuarimãkohxo mã toto.

Ozeja 11:12

Ynara tykase Ritonõpo: — Izyraeu tõ jomyehmãko sã mã toto ajohpe toehtohkõke, imehnõ enekunohtoh kõ ke roropa. Juta tõ roropa jomiry omipona pyra mã toto, anamonohpyra Exiketyme ase, Ritonõpo kurano.

Mikeja 5:1

Jerusarẽ põkomo, osoutatu tõ ikohmatoko! Kypatarykõ apurũko epetõkara mana. Izyraeu tõ tuisary etapary se exĩko mã toto!

Ajeu 2:7

Imeimehnõ nonory põkõ tykytyky kamexipõko ase emero porehme. Mame imõkomory kurã tonehsẽme exĩko mana Ytapyĩ taka tarona Jerusarẽ pona. Morohne ke Ytapyĩ kure potu exĩko ropa mana.

Zakaria 10:11

Tuna konõto Tahpiremã akuotyryhtao oya xine, ywy, Ritonõpo, pohkane tõ mynyhpãkapõko ase. Tuna Niro zueme ehtoh anorymapõko ase. Axirio tõ epyrypakehnanohpõko ase. Ejitu jamitunuru enahkapõko ase.

Zakaria 2:11

Moro ẽmepyry toehse ahtao ahno tõ tuhke oehnõko mã toto Ritonõpo Oesẽkomo a, ipoetoryme exĩko mã toto. Imaro xine exĩko roropa mana. Mame zuaro exĩko Izyraeu tõ mana, Ritonõpo Jamihmehxo Exikety a tonyohse ywy oturuse imaro xine.

Numeru 21:18

Eutary tahkase tuisa poenomo a, tuisa tomo a tymara ke, tymyxiry ke rahkene.” Morotoino ona tonorẽ poe toytose toto Matana pona.

Numeru 24:17

Imeĩpo ehtoh enẽko ase, Izyraeu tõ enẽko. Tuisa konõto, xirikuato saeremehxo exikety sã exĩko mana mokaro wino. Tonesã samo oehnõko mana Izyraeu tõ poe. Moape tõ tuisamãkõ poremãkapõko mana. Mokaro ahno epyrypaketõ enahkapõko mana.

Numeru 24:19

Jako pakomotyã wino, orẽpyra exikety exĩko mana; pata põkõ enahkapõko mana.”

Mateu 1:21

Enurũko mana orutuame. Mame Jezume mokyro esehpãko mase. Ynara exiryke, typoetory tõ kurãkãko mana. Toto rypyry korokãko roropa mana. Morara exiryke Jezume esehpãko mase, tykase sã mokyro Ritonõpo nenyokyhpyry Joze a aosenety.

Mateu 17:5

Yrome aotururuhtao ro akurũ tooehse, putokane. Mame omi totase toto a akuru htae. Ynara tykase: — Umũkuru nymyry mose ro, umũkuru kurano, yzamaro exikety. Mose omiry etatoko, tykase omi kaino.

Mateu 21:9

Mame kui kui tykase toto imoihmãkomo tãkye toexirykõke, osemazuhme ytoketomo Jezu mykapo ytoketomo, enara. Ynara tykase toto: — Kure Tawi parỹpyry mana. Kure mose tyriko Ritonõpo, õmi poe aepyhpyryme aexiryke. Kure Ritonõpo mana, imehxo, tykase toto.

Mateu 25:32

Mame ẽpataka oximõnõko sero põkõ emero porehme mana. Mame toto apiakãko mana kaneru tõ esemy a toky apiakary samo; xia kaneru tomo, mya poti tomo. Mokaro apiakary sã typoetory apiakãko mana.

João 12:32

Mame tanỹse jahtao wewe pokona, emero sero nono põkomo a osenetupuhpõko ase, tykase Jezu eya xine.

João 18:31

Ynara tykase Pirato: — Amarokõ ikuhtoko atamurukõ nymerohpyry poe, tykase eya xine. Yrome ynara tykase toto eya: — Omoro ro ikuhko kowenu omi poe aorihmapotohme. Kowenu omi poe ahno anaorihmaposaromepyra ynanase, tykase toto eya.

João 19:12

Morara kary etaryke tyya Jezu tũtanohpory se ropa toehse ynororo ipunaka. Yrome juteu tõ sekere tykase opore: — Mokyro tũtanohpory ropa ahtao oya Ĩperatu epeme pyra mase exĩko. “Tuisame ase,” kahpõ mã Ĩperatu epeme pyra mana, tykase toto Jezu poko.

João 19:15

Mame ynara tykase toto eya: — Etapapoko ty! Etapapoko ty! Wewe pokona exixihmapoko, tykase rokẽ toh Pirato a. — Otuisarykõ exixihmapory se hmatou, wewe poko hna? tykase eya xine Pirato. Mame ynara tykase toto eya: — Toiro tutuisake ynanase. Ĩperatu rokẽ mã yna tuisaryme, tykase Ritonõpo maro oturuketõ tuisary tomo Pirato a.

João 9:7

Ynara tykase eya: — Ytoko. Osẽkurikata Xiroe kuaka, ariamã kuaka, tykase. (Aomiry ae, “Xiroe” kary, “Tonyohse” katopo.) Morarame toytose ynororo. Mame tosẽkurikase. Mame tooehse ropa ynororo kure osenuhmãko ropa rahkene.

Romanos 15:12

Ynara roropa tymerose Izaja a: “Tawi pary enurũko mana, Jese mũkuru; Orẽpyra exĩko mana, juteutõkara esẽme. Mame mokyro enetuputyryke tyya xine tosẽkõme, kure toexirykõ eraximãko mã toto,” tykase.

2 Korĩtiu 5:10

Imeĩpo kymarokõ emero Kyrixtu ẽpataka osenepõko sytatose. Kuapiakatorỹko mana kuepehmatohkõme kynyrihpyrykõ epehpyryme. Kure rokẽ kynyrihpyrykõ ahtao sero nono po kurã ke kuepehmatorỹko mana. Yrome popyra kuahtao xine sero nono po, kynyrihpyrykõ epehpyryme rokẽ kuepehmatorỹko mana.

Epereu 7:14

Juta paryme rokẽ kynenurune Kuesẽkõ Jezu. Juta pakomotyamo a: “Ritonõpo maro oturuketyme exiko,” kapitopyra Moeze kynexine. Naeroro mokaro Ritonõpo maro oturuketõ sã pyra Jezu Kyrixtu kynexine. Tyoro kynexine rahkene.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.