Jenexi 48:10 - Ritonõpo Omiry: A Bíblia Sagrada na língua Aparai do Brasil

¹⁰ Tamuhpõme Jako toehse exiryke jamihme pyra enuru toehse kynexine. Popyrahme sã tõsenuhmase ynororo. Tumũkuru tõ tarose Joze a eya. Toahmase toto Jako a. Typohse toto eya.

Jenexi 48:10 ပူးပေါင်းရင်းမြစ်များ

Jenexi 27:1

Morarame tamuhpõme toehse Izake ahtao tonukehse ynororo. Mame morara ahtao tumũkuru Ezau tykohmase tyya, ynara tykase ynororo eya: — Aimo, umũkuru! — Taro ase, papa, tykase ynororo.

Jenexi 27:27

Tumy typohse ahtao Jako a zupõ typohse Izake a, Ezau zupony. Mame kure rokẽ Jako tyripose eya. Ynara tykase ynororo: — Aimo, typoxine mase, umũkuru mase jaraõ tupito sã mase, onahpoty typoxine ehtoh samo, kure tyripose ahtao Ritonõpo a.

Jenexi 31:55

Yrokokoro towõse ropa Rapão pakeimo, tõxiry tõ typohse typakõ maro. Kure rokẽ tyripose toto eya Ritonõpo a. Mame toytose ropa ynororo tynonory pona ropa.

Jenexi 45:15

Mame ixitaryhtao ro turui tõ toahmase Joze a, typohse roropa toto eya atakenaka. Moromeĩpo tõturupitose toto imaro.

Jenexi 48:11

Ynara tykase Jako Joze a: — Oenepyra ropa ekaroase jũme repe, yrome seromaroro Ritonõpo poe opoenõ enẽko ase roropa.

Jenexi 48:8

Mame Joze mũkuru tõ tonese ahtao Jako a, tõturupose ynororo: — Onokãkõ moxiamo?

1 Tuisa 19:20

Mame axĩ toky tõ turumekase Eriseu a, tururume toytotohme Eria a: — Ytoxi aporo osekazumase papa tomo a, aja a roropa, toto pohse roropa, moromeĩpo amaro jytotohme, tykase Eriseu. — Kure, ytoko. Ytopyra exiko, kara ase oya, tykase.

Ekereziaxti 12:3

Mame ãpory tõ, oewomane tõ tykytyky kapitõko mana, ãxiry tõ roropa jamihme ro mã aporo seromaroro, jamihme pyra exĩko mã kehko. Ozery tõ epukãko mã kehko, tuhke pyra exĩko mã kehko akoĩpyry, tupime exĩko oya õtukuru mana. Oenuru tõ jamihme pyra exĩko mã kehko, tupime imenuru enery exĩko oya mana.

Izaja 59:1

Ritonõpo jamihme pyra toehse, kypynanopyrykõ waro pyra mana, ekarõko matou? Otarame otato pyra mana, kuotururukõ onetasaromepyra mana.

Izaja 6:10

Izaja, mokaro osenetupuhtohkõ tyripoko tũpore samo, onenetupuhpyra toto ehtohme, ipanarykõ onetara ehtohme, enurukõ onetopyra ehtohme, onenesaromepyra toto ehtohme, onetasaromepyra roropa toto ehtohme, onenetupuhsaromepyra toto ehtohme. Mãpyra jenetuputyryhtao eya xine otarame aeramarykõ ropa ya ekurãkatohme, mame tukurãkase toto exiry.

Teuteronomiu 34:7

120me jeimamyry nae Moeze ahtao toorihse ynororo, enuru kure ro nexiase, jamihme ro nexiase roropa.

1 Samueu 3:2

Morararo tykohmãse ahtao Eri tohrame nexiase. Enukehsasaka nexiase, tamuhpõme exiryke.

1 Samueu 4:15

Tamuhpõme Eri nexiase 98 jeimamyryme, tonukehse roropa nexiase.