Jenexi 47:9 - Ritonõpo Omiry: A Bíblia Sagrada na língua Aparai do Brasil

⁹ — 130me jeimamyry nae ase xiaxiake jytoytoh poko rokẽ tytãhpopãse ywy. Tupime roropa nexiase ya, ytamuru tõ ehtopõpyry sã pyra exiase. Tuhke roropa jeimamyry taropose eya xine. Yrome tupime ro nexiase eya xine.

Jenexi 47:9 ပူးပေါင်းရင်းမြစ်များ

Jenexi 11:11

Moromeĩpo 500me jeimamyry taropose Sem a. Toemũkuase ropa ynororo imũkuru tomo te, ẽxiry tomo, enara.

Jenexi 35:28

Mame 180 jeimamyry taropose Izake ahtao,

Jenexi 47:28

17me jeimamyry taropose Jako a moroto Ejitu po. 147me jeimamyryme toehse ynororo.

Jenexi 47:8

— Otãto jeimamyry nae hma? tykase tõturupose tuisa Jako a.

Jenexi 5:27

Mame toorihse ynororo 969me jeimamyry taropose ahtao eya.

Jenexi 50:26

Mame toorihse Joze 110me jeimamyry taropose ahtao eya. Ekepyry topinohse opi ke motara ehtohme. Mame okepy ẽ aka ekepyry tyrise eya xine Ejitu po.

1 Koronika 29:15

Yna waro mase, Ritonõpo, enurũko ynanase, wãtãko, tamuhpõme exĩko, imehnõ nonory po ytoketõ samo, tosake pyra exiketõ samo, yna tamuru tõ ehtopõpyry samo. Ẽmehnõko ynanase, kohmãnõko roropa ynanase zuzenu ytory samo. Mame yna orihtoh toehse ahtao, epasaromepyra ynanase.

Jo 14:1

“Jamihme pyra sytatose, emero, kuenurutopõpyry poe ro. Tuhke pyra jeimamyry isene sytatose, yrome popyra ehtoh enẽko sytatose pitiko rokẽ pyra.

Saumu 119:19

Tuhke hkopyra jeimamyry aropõko ase taro nono po; onyripohpyry tõ ononẽpyra exiko ywino.

Saumu 119:54

Isene ro jahtao sero nono po eremiatoh tonõ rĩko ase onyripohpyry tõ poko.

Saumu 39:12

Ritonõpo Jesemy, jotururu oya etako! Otatõme exiko ynekaropory oya. Kuakorehmako yxitaryhtao. Ytamuru tõ ehtopõpyry sã emero axĩtao rokẽ apãnaryme ase.

Saumu 39:13

Ajohpame sã jenepyra exiko aporo jatãkyematohme ya ytopyra ro jahtao taroino jenahkatoh pona.

Saumu 39:5

Axĩtao rokẽ isene jehtoh onekarohpyry ya! Oneneryme isene jehtoh okynã pyra ipunaka. Ajohpe pyra, ahnome ehtoh puu katoh sã rokẽ mana.

Exutu 6:4

Jomihpyry ekarone eya xine. Ynara akene: Sero nono ekarõko ase, Kanaã ekarõko ase apakomotyamo a. Moro nono po katonõme sã rokẽ toh kynexine.

Exutu 7:7

Tõturuse toto ahtao Ejitu tuisary a, 80me jeimamyry Moeze nae kynexine, Arão 83me jeimamyry nae kynexine.

2 Korĩtiu 5:6

Naeroro oserehpyra sytatose zuaro kuexirykõke. Sero kuokokõ ao ro kuahtao xine omõpyra sytatose Kuesẽkõ esaka.

Teuteronomiu 34:7

120me jeimamyry nae Moeze ahtao toorihse ynororo, enuru kure ro nexiase, jamihme ro nexiase roropa.

Epereu 13:14

Kuesarykõ axĩtao rokẽ mã sero nono po. Imepỹ pata eraximãko sytatose kuesarykõ nymyry kapu ao.

Tiaku 4:14

Ynara exiryke, yrokokoro otara tyko kuehtohkõ onenetupuhpyra sytatose. Kuorikyrykõ onenetupuhpyra roropa sytatose. Akurũ sã sytatose. Pakeimo ke akurũ mana. Mame okynã pixo toehse ahtao akurũ osenepyra exĩko mana. Moro sã rokẽ sytatose, akurũ samo, axĩtao rokene.

Jozue 24:29

Moromeĩpo 110me jeimamyry toehse ahtao toorihse Jozue, Num mũkuru, Ritonõpo poetory.

1 Peturu 2:11

Wekyry tomo, opyno xine jexiryke ourutorỹko ase. Katonõme sã rokẽ matose sero nono po, tosakãkara samo. Naeroro oorypyrykõ poko penetara ehtoko. Ipoko pyra roropa ehtoko. Zehnotokõ maro atatapoiryhtao, tomeseke pyra ahtao osetapãko. Moro saaro oorypyrykõ poko openetarykohtao iirypyryme exĩko matose.